اللاصقه السحريه

[medo magdy]

المشاركة الأصلية كتبت بواسطة agm

هههههههههههههههههههه....شكرا

اولا أنا اسف لحضرتك على التريقة اللي حضرتك بتتريق بيها على كلام أخوك

ثانيا...

حضرتك لو في سموم في الجسم عمرها ما بتترسب في انسجة الجسم
السموم اللي ف الجسم بتبقى دايرة في الدم وبتعمل حاجة اسمها تسمم (توكسيميا) دة في حالة إذا كانت السموم لوحدها هيا اللي ف الدم

وفي الحالة دي بيحصل حساسية ضد السموم اللي ف الدم دي وبرضو مش بتترسب في الأنسجة لأن السموم دي بتتاكل بخلايا اكلة وفي النهاية بتروح لل ليمف

اما في نوع تاني من التسمم اسمو (بكتيريميا) ودة في حالة إذا كانت البكتيريا لوحدها هيا اللي بتسبح في الدم ولكن بدون سموم ودي مصيرها نفس مصير السموم اللي شرحته لحضرتك قبل كدة
ف برضو مبيترسبش في الأنسجة
في نوع تالت من التسمم ودة اسمو (سيبتيسيميا) ودة بيكون نتيجة ان البكتيريا والسموم بتاعتها بيسبحو في الدم مع بعض
ودي بتعمل حساسية رهيبة للجسم وممكن الإنسان يموت في لحظة من الحساسية دي إذا كانت كمية البكتيريا والسموم كتيرة ودي بنشوفها في حالات قرح الفراش

ولو ممتش بيكون مصيرها زي اللي قبلها
ف برضو مبتترسبش في الأنسجة

بالنسبة لكلمة (الترسب في الأقدام) احنا مبدأيا متفقين ان مفيش ترسب سموم اساسا لكن لنفرض جدلا ان السموم وكدة بتترسب في الأقدام بالذات (طبعا اللي بيقول الكلام دة اكيد بيقول ان السبب هيا الجاذبية لأن نسيج القدم زي باقي انسجة الجسم مفيش فرق) ف لو فرضنا جدلا ان السموم دي بتترسب في القدم نتيجة الجاذبية يبقى كان أولى ان البروتينات اللي موجودة في البلازما (في الدم) هيا اللي تترسب لأن وزن جزيء البروتين الواحد الموجود في البلازما يعادل ألف ضعف تقريبا من وزن جزيء السم يبقا كان هنلاقي البشر كلها ماشية ورجليها منفخة وعرضها نص متر نتيجة ترسب بروتينات الدم في القدم

حضرتك مفيش حاجة في فسيولوجية جسم الإنسان بتعتمد على الجاذبية أبدا وإلا كنا هنكون عايشين بالبركة ولما نطلع الفضاء (مفيش جاذبية) هنلاقي الأمعاء راحت مكان القلب والدم مبقاش يوصل للرجل ولا للنصف السفلي من الجسم.

وزي ماقلت لحضرتك مفيش حاجة إسمها ترسب ابدا في الجسم

ولو فرضنا جدلا إن في حاجة بتترسب في الجسم عمرها ما هتتنقل للقدم بفعل الجاذبية
ولو فرضنا جدلا ان في حاجة بتترسب وبتتنقل للقدم عمرها ما هتعدي جلد القدم لأنو اكتر منطقة سماكة في النسيج الطلائي للإنسان

أتمنى يكون شرحي وافي لتعم الفائدة