حد عنده شاكوش الايكول فيرات ماجنيم ؟

[Eng Badran]

المشاركة الأصلية كتبت بواسطة adel152

باشمهندس بدران بعد التحية
ممكن تقولى لو الشاكوش اتكسر اثناء الضرب؟ وهل كنت تستعمل طلقات صوت ولا بلى؟
انا بسأل الأسألة دى لأن الشاكوش لو اتكسر اثناء ضرب طلقات بلى ده معناه أن عملية الطلقات البلى لها تأثير سلبى على مسدسات الصوت عموما.
مثل مشكلة ابرة الضرب مثلا وخروج ظهر الطلقات التركى الفضى من مكانها وده أعتقد بسبب ضغط البلية الحديد للبارود داخل الطلقة بيكون فيه رد فعل قوى على جميع الاجزاء فى الطلقة والمسدس أثناء خروج البلية من الطلقة.
انا بأطرح الموضوع ده لأنى حاسس ان مشاكل مسدسات الصوت كثرت منذ استعمال الطلقات البلى.

ماأعتقدش الشاكوش بتاع حضرتك حتلاقيه جديد لكن ممكن تلاقيه عند اى ورشة لتصليح السلاح من مسدس يكون بايظ وصاحب الورشة بيستعمله كقطع غيار.
الحل الثانى انك تخلى اى خراط كويس يخرطلك واحد جديد على القديم.
بالتوفيق.

هههههههههه ان اسف يا باشا والله مكنتش اعرف خبايا السؤال
بص يا اخي اجابة علي اسئلة حضرتك
اولا انا ماسورتي فاتحها اه بس مش بستخدم طلقات بلي في المسدس ومش استخدمتها البلي الا مرتين بس للتجربة ليس اكثر
اما بالنسبة لكسرة فانا اعتقد والله اعلم ان الاجزاء الصغيرة مكانش المفروض تدخل فرن الاليكترو ستاتيك لان دي مش اول حته تتكسر فيه بعد الفرن
الامان اتكسر ودراع نقل الحركة ايضا اتكسر ودي تالت حاجة تتكسر
هوا اتكسر لما غيرت دراع نقل الحركة بواحد معمول بطريقة الخراطة . وبصراحة اعجبت بيه جدا وكان كويس جدا جدا ولما طلعته ومسكته حسيت انه محترم وتقيل وقوي احسن من الاصلي ميت مرة
فمسكت المسدس وقعدت اضرب بيه وهوا فاضي زي ما احنا بنقول بتكتك بيه ومبسوط انه شغال كويس
ففجاة لقيت التكتكة وقفت فانا توقعت ان الدراع اتكسر تاني فيكتها لقيت الدراع سليم فكيتها اكتر لقيت الشاشوش مقسوم نصين
المشكله اني فعلا مش لاقيه جديد
والمشكلة التانية ان العراقي قالي هيعملي واحد بتكلفة 100 جنية
والمشكله التالتة اني لقيته بيتباع علي النت ب 2 دولار .. بس للاسف في امريكا بس
فانا قلت اسال حد من الاعضاء يكون عنده اشترية منه اكيد هيكون ارخص من تاجر السلاح وهيكون اصلي مش معمول عمولة
اما بالنسبة للاجزاء الصغيرة .. فانا لقيت انها كان ممكن تتطلي صلاء كهرو ستاتيك مش اليكتروستاتيك ودي بتكون في حوض مية وأمن جدا وبيثبت فترة طويلة ان شاء الله وكده كده الاجزاء الصغيرة دي مش هيروح لونها بسهولة لان مفيش عليها حمل قوي
دي اجابات كل الاسئلة