ساعدوني هاشتري كراال ,

[alhosary]

المشاركة الأصلية كتبت بواسطة dr_mohasan

بسم الله الرحمن الرحيم
والحمد لله , والصلاة والسلام على سيدنا رسول الله

هذا الرأى بناء على تجربة للكرال الفيبر الأسود و الكرال الرماية

الدبشك الخشب ولا الفيبر ؟
من وجهة نظرى ان الأفضل فى الكرال هو الدبشك الخشب , لأنه أثقل من الفيبر مما يعطى ثبات للبندقية أثناء الإطلاق (خفة وزن البندقية ليست ميزة مطلقة) بما أن الوزن محتمل و مش ثقيل زى البام مثلاً , وأنا أعتقد أن خفة وزن الكرال الفيبر يعتبر عيب مش ميزة.

الدبشك الخشب أفضل أيضاً من ناحية المتانة , يستحمل ويعيش , يوجد عيب خطير فى الدبشك الفيبر وهو سرعة كسره من ناحية المسامير الأمامية التى غالباً تفك من رد فعل البندقية و عند ربطها والضغط عليها حتى تثبت , يحدث ضغط على الدبشك مما يؤدى الى شرخه ناحية المسامير , وانا شفت بنفسى العيب ده فى بندقيتين عند الأستاذ محمود شلبى دبشكهم مرمى عنده و بايظ بنفس السبب , وعادل عبده عنده بندقية فيها نفس العيب

الكرال الكسر ولا العتلة ؟ هذا يختلف على حسب تفضيل الصيّاد , أنا شخصيّا أفضل الكسر لسهولة التعمير أثناء الصيد (كان عندى جامو هنتر 890 كسر و كانت أسهل كتير فى التعمير من الرويال العتلة السفلية التى أمتلكها الآن) , ومافيش ميزة من ناحية السوستة لأن الاتنين سوستتهم بتنكسر (أحد زملائنا كانت معاه العتلة و سوستتها انكسرت أمام عينى)

الكرال العادية ولا الرماية ؟ كثير من الناس يفضلون الرماية علشان شكلها أحلى , ولكن فى رأيى أن العادية أفضل بكثير (بناء على تجربة) لأن مسكتها أريح و بتديلك تحكم أفضل فى البندقية , وبالتالى دقة أكبر فى النشان و وأنصح من يريدها للإقتناء انه يجيب الرماية , ومن يريدها للصيد يجيب العادية

هل الكرال فيها إصدارين ؟ أنا شخصيا لا أعتقد أن الكرال فيها إصدارين لسبب بسيط , كل الموجود فى السوق بما فيهم الرماية دخلوا مصر فى الفترة بين شهر 6-2010 وهذه بداية دخول الكرال فى مصر و حتى شهر 12-2010 , ثم توقف كل شىء من بعد الثورة , علشان كدة اعتقد أن مافيش وقت متاح لدخول اصدار تانى من الكرال , هذا رأى شخصى , ولكن لا يجب أن نغفل رأى المتخصصين مثل استاذ هشام سمير الذى يؤكد وجود اصدارين (أدعوه لتوضيح رأيه فى هذا الموضوع)

عيوب الكرال :

1- السوستة : وأنا أفضّل انها تتغير فى البداية علشان مانسيبش الموضوع للحظ و نكون متأكدين من سلامة البندقية أثناء ظبط نشانها و الصيد بيها

2- قاعدة السوستة , مشكلتها أنها مصنوعة من نوع ضعيف من الفبر أو البلاستيك , وغالباً ما تنكسر أو تتآكل من ضغط السوستة عليها , ولما تنكسر احنا مابنعرفش انها انكسرت , والبندقية تضعف لأن السوستة رحّلت للوراء , والنشان يكون مش مظبوط لأن السوستة بتكون مش مستوية نتيجة كسر القاعدة , وانا شفت بعينى بعض القواعد البلاستيك المكسورة عند الأستاذ محمود شلبى والحمد لله إنه عنده الحل للموضوع ده وهو استبدال القاعدة البلاستيك بأخرى معدنية , وأنا أفضّل تغيير السوستة والقاعدة مباشرة بعد شراء البندقية (لو الإمكانيّات تسمح) علشان تستمتع بالبندقية و تستمتع بالصيد بدون مشاكل

هذا رأيى الشخصى و خالص تحيّاتى للجميع

مش عاارف اقول لحضرتك ايه , بس بجد شكرا جدا لأبعد الحدوود ربنا يااارب يباركلك ويكرمك ,

استفدت من خبرة حضرتك كتير , شكرا جزيلا ,