فوائد الصدقة

[Timo Jean]

المشاركة الأصلية كتبت بواسطة compact

من 3 اسابيع كنت رايح مشوار اول مره اروحه فى شوارع المهندسين الداخلية اللى معرفش فيها اى حاجة طبعا

و سبحان الله كل ما اجى اركن فى حته الاقى العنوان غلط و اغير الركنة , و كل مكان للركنة كان فيه راجل عجوز (مش سايس) و غالبا بواب لعمارة و كل واحد اديته اللى فيه نصيبه , لحد ملفيت و رجعت لاول ركنة عند اول راجل و طلع العنوان الصح قريب من الركنة اللى فضلت فاضية 10 دقائق كاملين ودى حاجة تكاد تكون مستحيلة فى و قت زى ده من اليوم فى شوارع المهندسين الجانبية الضيقة.

المهم خلصت مشوارى و انا بركب العربية لقيت اللى دفعته لل 3 بوابين مضروب فى 10 اضعاف عبارة عن فلوس لقيتها على الارض عند باب السواق و انا بركب العربية , اديت للراجل فلوس تانى و انا ماشى , و قبل ما اوصل شارع جامعة الدول لقيت تليفون جالى من واحد صاحبى انه عندوا مشترى للعربية اللى كنت عايز ابيعها من فترة كبيرة.

اعمل الخير و ارميه البحر .. حتلاقى ربنا ادالك كل الخير المكتوبلك فى البحور كلها

جزاك الله كل خير والله

وان دل عملك فإنه يدل على مفعول الصدقة السحري لله عز وجل

وشرفتني حضرتك بمرورك الكريم