مشكله بريتا 92 ارجو من المتخصصين الدخول

[احمد رافت]

اخواني الكرام

تم شراء مسدس بيرتا 92 من المدعو عبد الله نبيل بسعر 2080 جنيه من المشاركه التاليه
http://www.egypthunt.net/showthread.php?t=21037
ولم يتم تجربه المسدس في الشارع لعدم وجود طلق للتجربه وتم الاتفاق علي ضمان 48 ساعه
ويوم الشراء كان مطر وزحمه ويصعب تجربته في الشارع واخدته بناء علي انه عضو قديم في المنتدي
واول ما وصلت البيت لاقيته خرده وكل الميكانيكا بها مشاكل من دراع الحركه للزناد لسقاطه الاجزاء للماسوره بمعني كل شي ملعوب في اساسه وغير سليم
اتصلت بيه علي الفور
قالي لازم فني هو الي يفك المسدس قولتله يا استاذ عبد الله هو اي حد عنده مسدس عايز ينضفه يروح لفني يفكه ليه ينضفه قالي اه استغربت
المهم قولت يمكن انا حمارر دخلت اليوتيوب لاقيت طريقه الفك سليمه اتصلت بيه تاني قولت ليه المسدس فيه مشكله وغير طبيعي قالي طيب نتقابل بكره ارجعه ليك ومش عندي مشكله
الكلام ده يا اخواني بقالو حوالي اكتر من اسبوع مماطله وعدم رد علي وفي النهايه انتظر رسالته علي موبايلي بيقولي انه صرف الامانه وبيحاول يتصرف فيها

شي الصراحه غريب والي اغرب انه عضو قديم علي المنتدي
مش عارف هو عمل ليه كده وانا مش زعلان لان انا الي غلطان لاني مش جربته في الشارع ودفعت بدون تجربه
وهو الله يسامحه ويهديه يارب وانا مش مسامحه في الفلوس الي دفعتها الي يوم الدين ومش هتصل بيه تاني نهائيا

ارجو من اخواني الكرام الي يقدر يساعدني في تصلحيه يرسلي علي الخاص لاني عايز اصلح الي فيه مع العلم اني من مدينه نصر ويفضل حد يكون قريب من مدينه نصر

مع اطيب تحياتي للناس المحترمه بس مش النصابه