موقف محرج ومضحك فنفس الوقت

[zezo bose]

مرة قبل الثورة كنت فى خروجة بالليل انا واولادى وزوجتى وبفسحهم وروحنا مطعم اتعشينا والليلة تمام وزى الفل وانا متعود دايما اشيل طبنجتى معايا وهى مرخصة فى تابلوة العربية بس كنت بشيل الخزنة منها واحطها جنبها عشان الشر وكده يعنى المهم خلاص اتفسحنا ومروحين بصيت لقيت ناس بيعملو مطب كبير جدا وصعب على العربيات فى الشارع العمومى فبسال مين ياجماعة الغبى اللى اداكو تصريح تعملو مطب غبى كده يكسر العربيات اصلا ما فيش عربية حتى جيب تعرف تعدية بصيت لقيت واحد ضخم كده بيقوللى انت بتغلط ليه ياباشا دلوقتى احنا حرين نعمل اللى نعملة المهم كلمه منى كلمه منه وانا مش عاوز اشتبك والعيال معايا عشان هنتبهدل انا قلت هزعا فيهم هيتلمو لقيت الباشا ده جاى ومعاه اتنين تانيين اجسامهم عادية هو بس اللى كان شايف نفسة بدون تردد لقيتنى بسحب الطبنجة من الطابلوة وناطط من العربية ودول قدامى بشد الاجزاء لقيت الخزنة مش موجودة الا وعربية اتارى شرطة جاية بالصدفة البحته زى مايكون حد طلب النجدة اتوجدت الزاى معرفش دوول شافوها من هنا طارو من الجرى وجه الظابط خير ياباشا قلتله خييييييييييييير اوى انتو جيتو فى وقتكم طبعا شاف الرخصة بتاع الطبنجة وشافها فاضية قعد يضحك ويقوللى ياباشا ينفع اوعى تشيل الخزنة تانى منها كنت هتموت دلوقتى من الضرب وهتبهدل ولادك ومكنتش هتلحق تحط خزنتك ولا تتعامل معاهم قلتله ربنا ما بينساش حد والحمد لله ربنا ستر ومش عاوز اقولكم مدى رهبة اولادى ساعتها من الموقف وهديتهم وحصل خير وربنا ستر