الى كل من يهين الجيش المصرى

[ĴΘĶЄЯ]

المشاركة الأصلية كتبت بواسطة ahmed6394

اقسم بالله انى احب الجيش مثلكم لاكن المجلس العسكر فاااااااااااااااشل

المجلس العسكرى فاشل يا باشا لسبب بسيط
انه اصلا سلطة انتقاليه ده اول حاجة يعنى ليه فترة محددة
مش يلحق فيها يعمل اى حاجة ده لو كنا عاطيين له فرصة
لكن احنا مش عاطيين له فرصة طالعين نجرى فى الشوارع
علشان يتقتل مننا ناس على ايد بلطجية وكلنا عارفين كدة
ولما الناس تموت نزعل ونطلع تانى وبرضو يتقتل مننا ناس
وبتحصل نفس الحكاية على طول ولو حضرتك تفتكر ان ايام الثورة
كان الجيش بيقول اطلعو اتظاهرو واعملو الى عايزينه بس لحد وقت معين
وهنفرض حظر تجول علشان نمسك البلطجية ويبان الشريف من الحرامى
ساعتها حد روح ؟؟؟ يبقى ازاى حضرتك ممكن تطلع 100 بلطجى من وسط
ثورة كاملة وده على الاقل وطبعا مش هيمشى يمسك فى الناس
حضرتك مع احترامى ليك احنا مش قادرين نستنى ولا ندى له فرصة
على الاقل لو فاشل هيثبت فشله وهو لو فاشل كنا بقينا سوريا 2 او ليبيا 2
ولو هو فاشل هيبقى زى العادلى رجالته كلهم فشلة واكتر الظباط كدة
وشوفت انهم بيقتلو زمايلهم علشان ينولو حب الكبير
يا باشا نصبر بس ده الى محتاجينه والله