هارب من السجن يغامر بحياته لإنقاذ منطقة (قصر الباسل) بالفيوم من حريق مدمر

[eng.amg]

الفيوم - أ ش أ
أنقذ مسجل خطر وهارب من عقوبة بالسجن 15 عامًا، منطقة الباسل بالفيوم من حريق مدمر، شب في المقطورة الملحقة بالسيارة الفنطاس والتي كانت تحمل 46 ألف لتر بنزين، وتفرغ في إحدى محطات الوقود بطريق أسيوط الغربي.

وقال المهندس أحمد على محافظ الفيوم - فى تصريح له اليوم الأربعاء - إنه عندما شبت النيران فجأة فى المقطورة الملحقة بالسيارة الفنطاس قام المذكور الذى كان يتواجد بالمكان بالتدخل، وأسرع إلى داخل كابينة السيارة وقاد الفنطاس المشتعل من داخل محطة الوقود إلى منطقة خالية بعيدًا عن منطقة الخطر لينقذ منطقة قصر الباسل من حريق مدمر.

وأضاف أنه توجه إلى منطقة الحريق لمتابعة عملية الإطفاء خشية تدهور الوضع، مشيرًا إلى أنه طلب من الأهالي سرعة إحضار السائق لشكره، لكن أحد الأهالى أبلغه بأن الشخص لن يحضر وغادر المكان لأنه مسجل خطر.

http://www.shorouknews.com/news/view...f-693944a36ed6

[ĴΘĶЄЯ]

فى اكتر الاوقات الناس بتسرق علشان تعيش
بس مهما زادت قسوتهم بيكون برضو جواهم انسان
ربنا يهديه ويصلح حال البلد
تسلم ايدك

[Compact]

مش اى حد يعرف يسوق تريلا محروقة فى ظروف زى دى و بسرعة الاستجابة دى الا لو هوا اصلا سواق تريلات

و مش معنى كده انه يبقى روبن هود الفيوم

ربنا جعله سبب و له حكمة فى ذلك

[Max.1]

مفيش حد عايش من غير قلب لو حتى سفاح

[sadaany]

المشاركة الأصلية كتبت بواسطة متدرب قنص

فى اكتر الاوقات الناس بتسرق علشان تعيش
بس مهما زادت قسوتهم بيكون برضو جواهم انسان
ربنا يهديه ويصلح حال البلد
تسلم ايدك

والله حظرتك قلت معنى حقيقى جاء فى خاطرى سبحان من خلقنا ممكن تبقى دى لحظه بينه وبين نفسه لما يفكر فيها يرجع لرشده ويقدر قيمته الحقيقيه التى خلقه الله عليها

[Karim Eid]

شكله يا عين امه كان محبوس ظلم
ياما في السجون مظاليم

[eng.amg]

المشاركة الأصلية كتبت بواسطة compact

مش اى حد يعرف يسوق تريلا محروقة فى ظروف زى دى و بسرعة الاستجابة دى الا لو هوا اصلا سواق تريلات

و مش معنى كده انه يبقى روبن هود الفيوم

ربنا جعله سبب و له حكمة فى ذلك

انا شوفت الموقف دا في بنزينة وطنية إلي علي طريق الواحات بجانب دريم..
التريلا ولعت وهيا بداخل المحطة بتفرغ الوقود وفي ثانية عسكري نط فيها وخرجها برة على الطريق وسابوها لما صفيت وأصبحت هيكل حديد
أعتقد في ناس شافوها لو عدو على المنطقة دي لأنها فضلت حوالي 3 أيام

[pooforever_2010]

المشاركة الأصلية كتبت بواسطة karim eid

شكله يا عين امه كان محبوس ظلم
ياما في السجون مظاليم

فعلا والله انا اعرف ناس كتير كده
هما مش ملائكه هما كانوا بيتعاطوا يعنى اخرهم 6 شهور
اتعملهم اتجار وخدوا من 5 الى 12 سنه
وخلاص بقوا مجرمين من اللى شافوا جوا

[Karim Eid]

زانت عارف منين الحاجات دي
هه
ايه الكلااااااااام

[pooforever_2010]

انت ناسى انى شبراوى يعنى شفت كتير
بس فضل ونعمه من الله انى منخرطت فالمواضيع دى
وليا الشرف انى مشاهد من بعيد بس
وربنا يعفى عنى ويتوب عليا من السجاير

[Karim Eid]

ليك الشرف
لا لا لا لا لاغلطت انت كدة وهتزعلني منك
الحاجات دي ملهاش شرف اصلا يا عم محمد
ربنا يبعد عنا الحاجات دي ويخلييك تتوب من السجاير

[pooforever_2010]

يا بنى ليا الشرف انى بشوف الحاجات دى من بعيد ومليش فيها
انت عاوز تسلمنى ولا ايه
حتلبسنى قضيه
ههههههههههههههههههههه

[Karim Eid]

ههههههههههههههههه
لا يا عم وانا اقدر ده انت روحي روحي روحي روحي

[pooforever_2010]

ماشى ماشى
سجدنى بس بكرة حوريك
ههههههههههههههههههه

[Karim Eid]

لما نشوف
ربنا يستر