انا جبت البام 22 عتلة جانبية...محتاج نصيحة من مالكيها

[eng.amg]

المشاركة الأصلية كتبت بواسطة bekhet

ألف مبروك وربنا يبركلك فيها ويكفيك شرها
بص يا بشا البام 22 من أقوى بنادق الإسبرنج (بندقية طرشة) وبرجاء الحرص عند الإستعمال والبعد قدر الإمكان عن المناطق السكنية (الرشة بتسافر )علشان كدة هتلاقى رد الفعل قوى والرشة بتطلع لفوق جامد يبقى توطى النشكاة الخلفى لغاية متظبط معاك وكمان عندك فى البام إمكانية تعلية وتوطية النشكاة الأمامى بمقدار بسيط ومسامير النشكاة الخلفى بتفك أحياناً من قوة الضرب علشان كدة أرط عليها بمفك كل فترة وأبعد عن الرش الدبيليو التركى المدبب لأن نسبة رفع الرشة بتزيد أو الجامو ماتش علشان خفيف (أنا بتكلم بالنسبة للبام علشان محدش يقول إن الرش دة وحش ) ممكن تستخدم المارسمان أو الرماية أو الجامو برومغنوم الى تستريحلة علشان أوزانهم ثقيلة نسبياً سن نملة الدبانة للنشكاة الأمامى عريض نوعاً ما فمكن تلاقى صعوبة فى التنشين للمسافات البعيدة مع الأهداف الصغيرة علشان كدة ممكن تجيب أسكوب بس لو تعرف تجيبة من برة علشان معظم الى هنا الصليبة بتغير مكنها من قوة الضرب ودة طبعاً هيظهر مع البام بس عموماً لازم تضرب فترة من غير الإسكوب لغاية متتعود على البندقية وتفهمها وبعد كدة تقرر أرجو أكون أفتدك

ألف شكر على المعلومات الجميلة وطبعا مسبتلناش أي حاجة نقولها. تسلم إيدك علي المعلومات القيمة

المشاركة الأصلية كتبت بواسطة sniperff

متشكر جدا علي المعلومات القيمة دي...انا عندي اسكوب بي اس ايه 32 ان شاء الله حركبو و اجربو .... بس انا كان عندي سؤال بالنسبة للرش المارسمان ده مصري و سمعت انو بيبوظ البندقية هل الكلام ده صحيح؟؟؟؟؟؟؟؟؟؟

بالنسبة للبي إس إيه في ناس جربته علي الديانا والبام وكانت النتيجة إنه بيخلف كتير. (دا عن تجربة وليس أساس علمي). نصيحة جرب البوشنيل أو التاسكو. أنا مركب عليها بوشنيل 40

وبالنسبة لقطر السكوب نصيحة لا تقل عن 40. لأني بفكر أغير ل 50. دا لأن المدى للبندقية كبير (يتجاوز 100 متر مؤثر) فحتحتاج قطر أكبر

بالنسبة للرش. زي ما قال العضو المحترم إختار رش تقيل. لأني جربت الماستر بوينت لقيته بيحرف فعلا.

أحسن رش من وجهة نظري هوا الرماية والديابلو والبرو ماجنم
وأدق رش فيهم البرو ماجنم

ومبروك علي البندقية الجديدة