طلب بسيط لو سمحتم

[NEW_Year]

المشاركة الأصلية كتبت بواسطة angel

بسم الله الرحمن الرحيم

مع انى كاتب مش هشارك فى المنتدى بس عشان ميزو باشا و الناس المحترمة

بص يا باشا الخطوات بالترتيب

1- هتصور البطاقة صورتين و المؤهل صورة و تحضر 5 صور شخصية ليك

2- هتروح مستشفى حكومى و تقولة عايز شهادات طبية لرخصة قيادة هتدفع 20 جنية هيديك ورقتين و وصلين

هتدخل المستشفى بطنة و نظر ( محدش هيكشف عليك اصلا :p ) هيمضيلك دكتور نظر على ورقة و دكتور بطنة على المورقة التانية و تلزق عليهم صورتين من الادارة و ختم و اهم حاجة الختم عشان ميرجعكش ( انا روحت مستشفى المسلة و خلصت فى 10 دقائق )

3- لازم تكون مذاكر اشارات كويس جدا جدا ( عشان فى ناس كتييير بتسقط فى الاشارات ) و بتعرف تسوق

4- هتروح المرور و تدخل على الخزينة و تقولة عايز استمارة اختبار اول مرة هتدفع و تاخدها

5- هتملا البيانات الى تعرفها و تدخل على شباك الموظف بتاع الاختبارات و هيكملك الورق و بعد كدة تدخل امتحان الاشارات
نجحت كان بها منجحتش ( بعد الشر ) هيقولك تعالا بعد 3 شهور

6- لو نجحت فى الاشارات تدخل امتحان القيادة و دة بيختلف من مرور للتانى ( انا مرور السلام و للاسف )

لو نجحت فية بيختملك على الورق و يكتبلك ناجح و بتروح الخزنة تدفع تانى و تتصور و تستلم الرخصة فى ساعتها او بيديك رخصة موقتة و تروح تانى تتصور و تستلم الرخصة

اتمنى اكون افدتك و ورونى التقييمات بقة :d

حبيب قلبي يا هاشم
دا انت فاضل شوية وتيجي تسوق مكاني ياراجل ههههههههههههههههههههههههه
تسلم ايدك ياحبي