دردشه واستفسار

[pooforever_2010]

البنت و الولد عند الخروج
:
:
:
:
:
:
:
:
:

البنت لما تحب تختار طقم علشان تخرج هتفضل محتارة تلبس ايه ( فيست ولا توب ولا تونيك ولا شيميز ولا بدى ولا جيب ولا برمودا ولا ايه ولا ايه )

انما الولد بنطلون او تى شيرت او قميص .. و بارك الله فيما رزق

البنت تحط ماسك بزيت الجرجير و دهن النعام من اليوم اللى قبله وتفضل تلف ف الايشارب الف مرة او تسرح شعرها 50 الف مرة .. وبعدين تقعد ساعة ميك اب وسفن اب و كريمات .. وحمام مغربى ومطبخ تونسى وباديكير ومانيكير وكل الحاجات اللى اخر يييييير

اما الولد ف 10 دقايق يحلق دقنه وشوية جيل زحلقة ع شعره وفل الفل و بيس يامان

البنت بعد كل ده تبقى برضه شاكة ف شكلها و تحس ان بشرتها اسمرت وطلعلها فسفوسة ف الخد الشمال .. تنهااار وتعيط وتقول انا مش خارجة

الولد بعد ده كله يبص ف المرايا يلاقى نفسه اهبل خلق الله .. يضحك ويقوم نازل ويصفر وهو نازل ويقول برنس وربنا