ساعات فيرست كوبى لماركات عالمية للبيع

[black xman]

مع احترامى الكبير ليك يا انجل باشا التاج اللى حضرتك عارضها مش نسخة طبق الاصل عن الاوريجينال بعد ما شفت الصور الحقيقية و النقاش بينك و بين اخ فاضل آخر
وانا فضلت كتير أدور علي تاج هيور كاليبار 36 و شفت ضروب كتير ليها فى السوق لغاية ما لقيت حاجة اقرب للاصل فى كل حاجة تقريبا

ممكن تسألنى ايه هو الاختلاف هقول لحضرتك التالى :

اولا الاختلاف الكبير فى العدادات و دى صورة توضح عدادات الاوريجينال او الفرست كوبى بيبقى شكلها ازاى :

http://watches.infoniac.com/uimg/tag...h-ti2-dial.jpg

تانيا : الزرارين اللى علي اليمين من فوق و من تحت شكلهم فى الاوريجينال او الفرست كوبى منها قريب من المستطيل اما الزراير اللى فى ساعة حضرتك هم زراير التاج هيور كاليبار 17 مش 36
صورة لزراير الكاليبار 36 :
http://www.photowatches.eu/albums/ki...t/DSC_5269.jpg

صورة لزراير الكاليبار 17 :
http://ikora.tv/usr/oomiyawakayama/P1000552.JPG

ثالثا : المفروض التاج هيور كاليبار 36 يكون فيها علي الشمال زرار عندما تحركه بيتحرك الاطار الداخلى اللى جوا الساعة الملون بالابيض و الاسود و ساعة حضرتك مفيهاش الزرار ده خالص و الاطار الداخلى مبيتحركش و لاكن الاطار الخارجى ممكن يتحرك زى مثلا اطار الايس واتش الخارجى مثلا

http://www.photowatches.eu/albums/ki...t/DSC_5259.jpg

رابعا : علي الاطار الداخلى للساعة "اللى بيتحرك بالزرار اللى علي الشمال" فى اماكن لونها اسود و اماكن لونها ابيض...فى ساعة حضرتك مكتوب علي الحتت السوداء "chronograph" "chronograph" "1/10th sec precision "
اما فى الاوريجينال او الفرست كوبى اوريجينال الحتت السوداء مبيبقاش مكتوب عليها اى حاجة خالص و الحتت البيضاء وحدة بيبقا مكتوب عليها "1/10th sec precision" و وحدة بيبقي مكتوب عليها caliper scale reading و الثالثة بيبقي مكتوب عليها 0 1 2 3 4 5 6 7 8 9 0

ودى صورة تأكد الملحوظة الرابعة :

http://www.photowatches.eu/albums/ki...t/DSC_5259.jpg
http://www.photowatches.eu/albums/ki...t/DSC_5273.jpg

وده موقع الشركة الرسمى لتفاصيل اكثر :
http://us.tagheuer.com/en/luxury-wat...ubber-bracelet

و اخيرا و ليس اخرا ارجو ان حضرتك متزعلش منى و دى اهم حاجة و انا مسدقت لقيت حد بيتكلم عن الساعات عشان اتناقش معاه
و انا و الله اللى دفعنى للكلام هو عشقى للتاج هيور و البجث الطويل عن ساعة طبق الاصل منها و بالاخص الكاليبار 36 وطبعا حبى للنقاش مع اخوتى فى المنتدي
و تقريبا الوقت اللى قضيته و انا بدور علي الساعة دي بالتحديد جعلنى ادقق فى التفاصيل بتاعتها كلها
و شكرا لرحابة صدر حضرتك