تجميع طلبية بنادق pcp

[hunter store]

السلام عليكم ورحمة الله وبركاته

بحى حضرتك على المحاولة الطيبة ديه

ولكن حقول لحضرتك شوية معلومات يمكن تصحح بعض المعلومات عندك


اولا لو فى اى سكة لدخول البنادق ديه بالكميات اللى حضرتك بتتكلم فيها كانالتجار الكبار مفوتهوهاش ابدا

مفيش حاجه اسمها امانة عامة ولا غيره فى موضوع الاسلحة الهوائية اضيف لحضرتك ان البنادق البىسى بى اصلا ممنوعة فى بعض البلدان العربية اللى هى بتسمح بكل حاجه

اكتر بندقية متوفرة فى السوق هى الكرال - يعنى التركى - يعنى محمد فتح الله هو اللى بيدخلها تقدر تقول ملك التركى فى مصر بتدخل ازاى بأه اكيد ليه سكته زى محجات تانية كتير بتدخل مصر - طب ليه احنا مش نعمل زيهم

لانه بختصار بيجيبلوه بضاعة مثلا ب 3-4 مليون ويصرف عليهم كمان مليون علشان يدخلوا ويبعهم ب 10-12 مليون على الاقل فالعملية كبيرة مش سهلة و

ولو بصيت للسوق حتلاقى اكتر حاجه موجودة التركى بنادق - ومسدسات - وطلقات


طب ليه هو مش بيعمل الحركة ديه فى بقيت البنادق - علشان باقى البنادق بين انجليزى والمانى والدول ديه مش بتسمح بالشغل ده يطلع من عندها بدون تصاريح اما تركيا بقيت شوية شبه الصين اللى انت عاوزه يعملهولك بالتكلفة اللى انت عاوزها ويقولك فى الاخر الحاوية فيها فيل وتدخل البلد وتمام التمام

بالنسبة للبنادق اللى انت بتشوفها كلها محاولات من ناس عادية كده زى حلاتنا اللى بيقدر يدحل حته واللى بيقدر يدخل 5

وربنا يفرجها علينا والدولة تفوق ويتفتح الاستيراد وساعتها حتلاقى التجار هنا بيبعوا السلعة ارخص من انك لو رحت اشترتها من بره

والمثال القائم انزل اتفرج على الملابس الصينى بكام فى السوق المصرى وشوفها انت لو جبتها من بره حتكلفك كام بس هو علشان بيشتغل فى ممنوعات بيكسب كتير ( كل متزيد المخاطرة الربح بيزيد )