الرماية

[ِAhmedAlaa2007]

مساء الخير علي احلي صيادين واجدع رجالة رجالة منتدانا الغالي الصيد في مصر

انا دلوقتي بفتح موضوع طالب فيه آراء كبار صيادي المنتدي ومحترفي الرماية ليستفيد منه الصيادين المبتدئين (( زي كده )) ومحبي الرماية (( زي بردوه )) .
دلوقتي انا عايز ادرب رماية او بمعني اصح اعمل نفسي الرماية صح
المساحة الي هتدرب فيها موجودة والبندقية موجودة وكله تمام
س/ " طب انتا واجع دمغنا ليه ؟ "
اقولك انا ليه واجع دماغك
انا دلوقتي مش عارف انشن علي مسافة قد ايه ؟
ومواصفات ورقة النشان ايه ؟ (( المقاسات )) ولا بتتعمل اي حاجة
مثال للتوضيح
يعني أنا مثلا بضرب علي مسافة 15 متر اخلي الدايرة اللي في النص كام سم ؟ وبين كل دايرة كام سم وكده يعني ؟
واحسن مسافة ادرب عليها ايه وكده يعني
من الاخر انا عايز اعرف كل حاجة الرماية
معلش تعبكوا ديما معايا بس اعمل ايه بقا ما اعرفش حد غيركم

[mazhar]

الى المحترم احمد انا اسمى ابو حمزة صياد و رامى قديم الموضوع بتاع تعلم الرماية اكثر من رائع و لكنة يعتمد على عدة عوامل 1- طريقة الوقوف و الارتكاز على الركبة و الوضع منبطح(ماتش انجليزى ) اسمة كدة اعترض بقى على الاسماء
2-طريقة حمل البندقية على كل وضع
3-المسافات وهى 15-25-50 متر
4- اما مقاسات الاهداف فى حل اسهل كتير من رسمها- نزلها من عالنت بالحجم الاصلى و اطبعها اسود و لونها انت لو مافيش حبر الوان- بالمناسبة الحجم الطبيعى لاهداف البنادق ضغط الهواء لمسافة 15 متر 15 *15 سم تقريبا و يكبر الهدف مع بعد المسافة و يكون 50*50 فى مسافة 50 متر ودة بيتلعب بس ماتش انجليزى و دة قمة المتعة فى القنص و حساباتة

بالمناسبة انا باتكلم بجد لو تحب نتقابل اعطيك كل الاساسيات فى ساعة على الاكثر و انت تكمل انا تحت امرك الرماة لبعضيهم

[NEW_Year]

دا عرض جميل جدا اهو
طب لو في نصيب اجي معاكو بقي :d
ولا مش عاوزاني اكون معاكو هههههههههههه

[اسلام]

المشاركة الأصلية كتبت بواسطة mazhar

الى المحترم احمد انا اسمى ابو حمزة صياد و رامى قديم الموضوع بتاع تعلم الرماية اكثر من رائع و لكنة يعتمد على عدة عوامل 1- طريقة الوقوف و الارتكاز على الركبة و الوضع منبطح(ماتش انجليزى ) اسمة كدة اعترض بقى على الاسماء
2-طريقة حمل البندقية على كل وضع
3-المسافات وهى 15-25-50 متر
4- اما مقاسات الاهداف فى حل اسهل كتير من رسمها- نزلها من عالنت بالحجم الاصلى و اطبعها اسود و لونها انت لو مافيش حبر الوان- بالمناسبة الحجم الطبيعى لاهداف البنادق ضغط الهواء لمسافة 15 متر 15 *15 سم تقريبا و يكبر الهدف مع بعد المسافة و يكون 50*50 فى مسافة 50 متر ودة بيتلعب بس ماتش انجليزى و دة قمة المتعة فى القنص و حساباتة

بالمناسبة انا باتكلم بجد لو تحب نتقابل اعطيك كل الاساسيات فى ساعة على الاكثر و انت تكمل انا تحت امرك الرماة لبعضيهم

ما شاء الله عليك
نشكرك جميعاً على الروح العاليه التى تتمتع بها

[sniper A]

احلى اعضاء بالتوفيق

[sniper A]

http://www.rrgclub.org/pages/target.php

حضرتك شوف الرابط ده فيه اهداف بحجم كبير وجاهزه للطباعه

[ايهاب علي]

هايل جدا الرابط ده تسلم يا لورد

[mazhar]

بجد روحكم فى منتهى الجمال و معلومة للكل من رامى عجوز(مش قوى يعنى) هواية السلاح بتعلم كتير فى شخصيتك بتخليك مثلا مباشر جدا لانك بتاحد طبع الطلقات بعد كدة بتكون عدل
ثانيا : بتخليك تعرف تحط كل بنى ادم فى حجمة لانك بتكتشف ان اعداك او اللى بيكرهوك مايسووش غير طلقة و دة مش معناة تقتلهم لكن معناة انهم اقل من انك تحطهم فى حساباتك و بالمناسبة انا كنت كل ما اكون متضايق من حد او من موضوع اكتب اسمة على الهدف او الشاحص و اهرية ضرب و اقوم بعدها هادى جدا و لما اقابل الشخصية دى افتكر الهدف و اللى عملتة فية اقوم اضحك و اكتشف ان البنى ادم دة صغييييييير اوى

بالمناسبة اهم قاعدة فى الرماية انك تعمل تجمعات يعنى تضرب 5 طلقات على كل هدف و تتاكد ان كلهم فى مكان واحد معنى كدة ان ايدك مظبوطة اما لو كل طلقة فى حتة فدى بنسميها ( فرح العمدة او اضرب يا عبد الهادى )