للبيع جرو جيرمن

[Mohamed omer]

للبيع جرو جيرمن 37 يوم بياكل وبيشرب وبيهوهو كمان ههههههههههههه
ذكر لونج هير

مطلوب 1200 جنيه
باقي المواصفات تقدرو تحكمو عليها من الصور
الكلب اللي انا مسكو من رقبتو ركزو شويه هتلاقو الميل ( الكسحه )
ديل للارض
الرقم : 01116606071

[Bebeto]

ممكن الشحن للاسكندرية ؟؟ ههههههههههههههه

[M.Hatem]

موفق ان شاء الله

[Bebeto]

موفق ان شاء الله و جميل جدا

[Mohamed omer]

شكرا علي الردود

اما بالنسبه للشحن فا للاسف معرفش حد اثق فيه ممكن ابعتو معاه انما لو حضرتك عيزو شوف هتشرفني امتي وانا هحجزهولك بس لفتره قصيره لاني لو جالي شاري تاني هاخر المعاد بتاعو لبعد معاد حضرتك بيوم

[ahmed yasser]

الحتة دى من الخر

[Bebeto]

خلاص يا باشا اتفقنا و ان شاء الله لو فيه نصيب هكلم حضرتك

[mohamed salah hassan]

موفق ان شاء الله

[abdalla nabel]

بالتوفيق وليك رساله ارجو الرد

[sniperman89]

كلب لطيف

[حاتم يحى]

بالتوفيق إنشاء الله

[NEW_Year]

اولا بالتوفيق في البيع
ثانيا احب اوضح لحضرتك ان الكلب مفهوش كسحة
وفي حاجة اسمها واقفة شو (عرض ) ودي بتكون للكلب الي سنة كبير شوية
لكن الكلب دا انا اسف مفهوش كسحة
حضرتك اانا بربي كلاب من زمان
هو كويس بس بالنسبة للكسحة مفهوش
وبرد يفيدوك الخبراء

[Mohamed omer]

شكرا علي كلام حضرتك

[Mohamed omer]

وشرفت الموضوع

[AhmeD-Magdy]

جمييل جدا وربنا يحسنلك سوقه ياغالي

[khawagah]

الهم صلى على حضره النبى
حته تقليب جاااااااامد لو فاضى للتربيه
وفى مكان مكنتش اترددت بس ممكن سؤال
هل معاه اى متعلقات
الضمان سارى ولا لا

[fishtic]

الكلب مفيهوش كسحة
فيه عرقوب كويس
مش باين ديله
بس فيه كام رجل اولها ابيض ودي تنزل من سعره جامد

[medozs]

يا باشا الكلب لما يكبر مش هيبقى فيه كسحه والصراحه تمنه كدا غالى وياريت متزعلش منى لانى لسه والله بايع اخوه بالظبط امبارح ومش عاوز اقولك سعره كام

[omarmagic]

ياجماعة ده مش ميل ده علشان الكلب لسا صغير لسا عضمه مشدش فاعلشان كدة ظاهر انه ميل ودى ناس ياما بتقع فيها وتفكرها ميل ثانيا الوان الكلب جميلة بس حكاية الابيض اللى عند الاقدام دى تدل على انه ياالام والاب اخوات
او الام قلبة على بلدى شوية او الاب وده ينزل من تمن الكلب جامد والسعر ده ياما اوى عليه
وموفق

[Mohamed omer]

انا متشكر علي كل التعليقات
بس بالنسبه للون الابيض اللي في الرجل اسمو وساخه بطن وركزو شويه في رجلو هتلاقو اللون بيروح منها اما بالنسبه للاب والا مش اخوات ولا حاجه ولا حتي عمرهم شافو بعض

بصو كويس علي رجلو اليمين اللي ورا هتلاقو ان مفهاش ابيض لانو راح والرجل الشمال اللي قدام اللون فيها بيروح

[omarmagic]

المشاركة الأصلية كتبت بواسطة mohamed omer

انا متشكر علي كل التعليقات
بس بالنسبه للون الابيض اللي في الرجل اسمو وساخه بطن وركزو شويه في رجلو هتلاقو اللون بيروح منها اما بالنسبه للاب والا مش اخوات ولا حاجه ولا حتي عمرهم شافو بعض

بصو كويس علي رجلو اليمين اللي ورا هتلاقو ان مفهاش ابيض لانو راح والرجل الشمال اللي قدام اللون فيها بيروح

وساخة بطن؟؟
بقالى حوالى 5 سنين فى المجال ده وعمرى ماسمعت مصطلح وساخة بطن دى ومفيش حاجة اسمها اللون بيروح لان دى جينات وراثية ممكن من الام او من الاب او من الجد ايووووووووة
انما مفيش حاجة اسمها وساخة بطن
وموفق

[abdalla nabel]

طيب للخبراء هو سعرو يساوي كده كام وشكرا

[omarmagic]

800 جنيه زى الفل اوى عليه
وشكرا

[thewolfhh]

والله زي اما الاستاذ عمر قال 800 جنيه حلو اوي عليه

ولو عاوز تبيعه بالسعر ده انا شاري بس ممكن تنزل بيه المنصوره وفلوس المواصلات عليا انا

مع تحياتي