طلعة تمويل الفلاحين بالغربان

[فوزى السيد]

امبارح كانت رحلة جميلة وكانت اكترها صيد غربان كل ما اعدى على حد من اصحاب الاراضى يقولى والنبى اضربلى غراب اضربلة الغراب يجرى علية يمسكة زى ما يكون وقعتلة غزالة ولاحظت ان الغربان كترت بنسبة 50\100 لانها فرخت غربان جديدة يعنى كل جوز غربان فرخو على الاقل من 2 الى 5 غربان جداد فعلا بقت حاجة لا تطاق واللى يغيظ حسب كلام الناس انهم ما بيخلوش حاجة على اسطح المنازل من كتاكيت او طيور صغيرة او بيض الا ويسرقوها وانا بقا ما خليتش غراب فى طريقى الا وضربتة وفى واحد من الناس بعت معايا عيلين صغيرين تلملة الغربان اللى هوقعها وفعلا جم معايا ومسابونيش غير اخر الرحلة بس بصراحة نفعونى جدا ما خلوش حاجة تضيع منى خالص تقع فى ترعة وراها على شجرة وراها على سطح برضة وراها يعنى لولاهم كنت سيبت ورايا يمام كتير من غير ما اعرف اجيبة والناس دى بتاخد الغربان تعلقها على الاسطح وفى الغيطان لان الغربان لما بتشوف غراب ميت فى مكان بتبعد عن الماكن دة وطبعا الرحلة ما كنتش غربان بس ربنا رزقنى ب 14 فرد يمام وفرد حمام واحد وحوالى 18 غراب انا صورت منهم تلاتة لان الباقى كان بيتصدر اول باول اسف للاطالة واليكم الصور فى صوره للاولاد اللى كانو معايا فيهم واحد اللى هو اسمرانى شوية دة عبارة عن عفريت كان فاضلة شوية ويمشى على السلك وهو بيجيبلى اليمام والغربان

[Mohamed El-Hadidy]

بسم الله ما شاء الله.ربنا يكتبه في ميزان حسناتك...بالهنا و الشفا يا باشا

[salas0010]

بارك الله لك فى صيدك وفوق السطح بتاعنا فى غراب رذل رذاله رخم رخامه دايما واقف فوق طبق الدش ومن ساعتها مفيش ولا عصفوره ولا حمامه بتقرب جنب الشارع كله وانا معنديش بندقيه رش للاسف ان شاء الله ربنا يرزقنا واول طلقه هتخرج من البندقيه للصيد هتكون من نصيبه

[البهواشى]

فعلا قناص على حق وتسلم ايدك على ضرب الغربانوبالنسبه لليمام بالف هنا وشفا

[قناص المنوفيه]

جاااااااااااااامد يباشا واحلى تقييم منى ..

[Bebeto]

موضوع جميل يا باشا .... و الاجمل عدد الغربان اللي اصطدتها ...... بالتوفيق فيس الرحلات و الطلعات القادمة ان شاء الله

[عادل عبده]

مردتش اول احد للاسف
ب تسلم ايدك برده

[darkshaft]

فكره جامده ده,احسن حاجه ان الواحد ينفع الناس الغلابه,بالهنا و الشفا.

[aymank2]

تسلم ايدك يا قناص ربنا يبارك لك فى صيدك

[القبطان المصرى 77]

ماشاء الله عليك ياقناص
بس الغريب فى الموضوع فعلا ان حصيلة الغربان كانت اكتر من اليمام

[hafez]

يا باشا عايز غربان تعالا عندنا السويس.... العدد في اللمون...... بسم الله ما شاء الله ربنا يوفقك

[hunter1407]

موضوع جميل

[Ahmed salama]

ماشاء الله في ميزان حسناتك يا قناص
بس ممكن سؤال .. ايه نوع الرش المستخدم يعني ماتش ولا هولو بوينت
ولا ايه لاني احترت ضربت بأنواع كتير ومعظمها مش بيوقع حاجة عشان البندقية مش
هاي بور..

[zezo bose]

ممتاز وطلعة رائعة على فكرة انا كمان بحب اصطاد الغربان ومن مسافات منها قتلهم حلال ومنها بختبر وبدرب نفسى باستمرار على الاهداف البعيدة واضحة الحجم زى الغربان وبتبقى النتائج رائعة جدا وتحياتى

[فوزى السيد]

المشاركة الأصلية كتبت بواسطة ahmed salama

ماشاء الله في ميزان حسناتك يا قناص
بس ممكن سؤال .. ايه نوع الرش المستخدم يعني ماتش ولا هولو بوينت
ولا ايه لاني احترت ضربت بأنواع كتير ومعظمها مش بيوقع حاجة عشان البندقية مش
هاي بور..

الرش كان جامو هنتر وجامو ماتش والبندقية جامو رويال وعلى فكرة انا بصتادهم كتير بالسلافيا وهى برضة مش هاى بور والرش ماتش هو اهم حاجة فى صيد الغربان الاصابة فى اراس او الرقبة او مقدمة الصدر اسفل الرقبة

[amr naser]

ههههههههههههههههههههههههههههههه طلعه جميله يا باشا

[فوزى السيد]

فى الاول فى الاخر مش دة المهم المهم انك ديما تنورنى بمشاركاتك العطرة

المشاركة الأصلية كتبت بواسطة عادل عبده

مردتش اول احد للاسف
ب تسلم ايدك برده

[فوزى السيد]

المشاركة الأصلية كتبت بواسطة amr naser

ههههههههههههههههههههههههههههههه طلعه جميله يا باشا

انت الاجمل يا باشا وشكرا لمرورك الكريم

[فوزى السيد]

المشاركة الأصلية كتبت بواسطة القبطان المصرى22

ماشاء الله عليك ياقناص
بس الغريب فى الموضوع فعلا ان حصيلة الغربان كانت اكتر من اليمام

دة صحيح لان المكان اللى بيكون ية غربان بكثرة ما بيبقاش فية يمام

[فوزى السيد]

المشاركة الأصلية كتبت بواسطة قناص المنوفيه

جاااااااااااااامد يباشا واحلى تقييم منى ..

شرفنى مرورك اشكرا للتقييم ولك خالص تحياتى

[وليد سعد زغلول]

بسم الله ما شاء الله رحلة جميلة وقناص أجمل وتقبل تحياتي ودمت في أمان الله

[محمود القاضى]

الله عليك سلمت يديك

[samraghost]

تسلم ياباشا وربنا يبارك لك فى موضوع الغربان ده لانهم فعلا وباء وبالنسبه لموضوع اليمام الى بيضيع عايز اقولك حتى لما تكون بتصطاد لوحدك ويمامه تقع فى مكان بعيد ولا فوق سطح مش تكبر دماغك وتمشى وخلاص لا حاول على الاقل تجيبها واعمل الى عليك عشان مايبقاش الموضوع تسليه ويبقى حرام حاول تجيبها على قد ماتقدر ماعرفتش يبقى عملت الى عليك وتحياتى ليه يا باشا

[jimmy_awad]

تسلم ايدك يا قناص

[أبو صفية]

بسم الله ما شاء اله ربنا يبارك فيك على الغربان يا سيدى أهو حسنات و هواية فى نفس الوقت و بالهنا و الشفا على اليمام

[Champion]

يا جامد اوي
خلصت علي الغريان