شكرا استاذى ووالدى ومعلمى

[hoka]

المشاركة الأصلية كتبت بواسطة طلعت بخيت بسكالس

شرف لي وفخر أن يدعوني أحد أعضاء المنتدي الكرام أخ أكبر أو أب له وخاصة أن كان شاب رائع مثلك يامحمود علي أعتاب أن يكون طبيب وأنا باشكرك جدا يامحمود علي أحساسك الجميل ده ومشاعرك الفياضة بس حقيقي أنا ماعملتش حاجة أستاهل عليها كل ده أنا ماعملتش غير الواجب وده أقل مايجب أنا كان نفسي حقيقي تشرفني أنت وأحمد في بيتي علشان الواجب يكمل بس معلش ملحوقة والجيات كتير .
وأما بخصوص بندقيتك الرمسيس فهي مش غلبانة ولا حاجة دي زي الفل وبكرة يبقي عندك ترسانة خاصة بيك عندما تنهي دراستك وتنطلق في حياتك العملية وتفضل برضه الرمسيس عزيزة علي قلبك وأفتكر ديما الكلمة اللي أنا وكل الصيادين العواجيز بنقولوها ( الصيد صياد مش بندقية )
ومرة تانية باشكرك علي كلامك الجميل اللي أخجلني وعقد لساني ومش مخليني عارف أرد أقول أيه .
لك كل الحب والإعزاز والتحية.

انا عاوز اقتبس تانى من الفقره ديه واقول لحضرت
((((كلامك الراااااااااااااائع أخجلني وعقد لساني ومش مخليني عارف أرد أقول أيه))))

وربنا يبارك فى حضرتك ويخليك ويحفظك لينا يارب