الطريقه السهله والامنه والبسيطه الموفره للجهد والمال لاستخراج الذهب والفضه من الموبايل والكمبيوتر 01

[Dodo dababa]

بص حضرتك هو موضوع أستخلاص الدهب من الأجهزه الألكترونيه فيه مكسب بس هو مش كبيير أوي زي ما حضرتك فاكر لأن أحنا بنتكلم عن قشره دهب و دي في العادي سمكها بيكون في حدود ال 20-100 نانو متر يعني كلام فارغ
هديلك مثل: ال100 بروسيسور فيهم حوالي نص جرام دهب يعني بقد حوالي 150 جنيه فأنت شاطرتك في أنك تشتري ال 100 بروسيسور دول بأقل من كده و كمان ماتهدرش ولا نقطه من المحلول الي هيكون فيه الدهب
و الموضوع ده محتاج خبره و صعب جدا و برده هديلك مثل:
فكر في كبايه الشاي على أنها محلول دهب و أنت عاوز تنقله من كوبايه لكوبايه تانيه أو تفلتره أو حاجه كده يا ترى هتعرف ماتسيبش ولا نقطه في قعر الكوبايه؟؟ ده دهب خلي بالك يعني النقطه دي تطلع بقد 5 جنيه و لو غسلت الكوبايه مطرح الشاي خلاص كده شكرا باي باي خمسه جنيه