مناقشه و استطلاع عن حذف مواضيع الأسلحه المجرمه

[Champion]

المشاركة الأصلية كتبت بواسطة esaam

فعلا موضوع هام جدا ومثلا واحد بيبيع بونية او سنجة هل ممكن دى تكون للأقتناء اكيد لا انما لو مطوة والعارض يزكر للتزكية الوضع يختلف ومن شكل المطوة بيبان الأستخدام يعنى مثلا معظم الصيادين مش بتزكى الطير بمطوة قرن غزال
انما لما بتكون مطوة كبيرة بيتشك فيها
صحيح فية ناس غاوية اقتناء ولاكن بتكون حاجات شاذة قديمة مثلا او بها نقوش او تحفة واعتقد دى واضحة
اما مسدسات البلى مع الأسف ثبت انها مش عملية للحماية ولا نشان ولا تأثير قوى يبقى لية نشلها ونجازف بقضية
وبعدين فية مقولة تقول الغلبة لمن يشهر سلاحة اولا ودائما المهاجم بيكون اكثر استعداد وجاهزية بينما المدافع يفاجأ ويرتبك وحتى لو معاة سلاح حى الا اذا كان فرد امن او حارس مثلا
واخيرا كثرة اسلاح بهدف الحماية تؤدى الى ان فية ناس بتستخدمة بتهور ومع الأسف تتسبب فى ضرر للغير وللنفس
ولو لم يوجد السلاح لكان افضل لة ولغيرة
وعلى فكرة النت بيدخل علية بلطجية ونصابين وكل حاجة الدنيا وغلطان اللى فاكر ان البلطجى لابس فانلى مخططة ابيض واسود وعلى رسغ ايدة حتة جلد عريضة فى تطور مش احنا بس اللى بنتطور
والتحية لفاتح الموضوع لأهميتة لنا وللمنتدى وللبلد وامنها

المشاركة الأصلية كتبت بواسطة orabi

السلام عليكم و رحمة الله تعالي و بركاته
هذا المنتدي إسمه "الصيد في مصر" و ليس "السلاح في مصر"
وكلمه يارب نفهم مضمونها 100 عضو صياد أفضل من ...،10 عضو ممكن يجيبوا مصيبه للمنتدي و أعضاءه.
يا جماعه من المفروض ان ده كان يتعمل من غير إستفتاء لأن الصياد اللي بيدخل للصيد المواضيع دي بالنسبه له شبهه و بتضايقه. يا ريت المنتدي يركز علي الصيد و تنمية الهواية لأنهم هم رونق المنتدي و دون ذلك ...... !! إنتم عارفين الباقي.

خالص تحياتي للصيادين بس

لأسف الصيادين اقل من ال.......... في المنتدي