بخصوص مسدسات الصوت والبلى والطبات

[tifa4000]

السلام عليكم ورحمه الله وبركاته



دلوقتى انا عايز اشترى مسدس صوت ينفع يتحول انه يضرب بلى

طبعا زى محضارتكم عارفين البلد واللى حاصل فيها والايام اللى مش باينلها نهايه دى فالواحد محتاج حاجه يحمى بيها نفسه واهل بيته

بس انا بقالى كام يوم بجمع معلومات عن المووضع ده

واللى فهمته ان افكره تحويل مسدس الصوت لضرب طلقات حيه دى فكره متخلفه تماما لان الرصاص الحى فيه بارود اكتر وانفجاره اكتر وخامات المسدس متستحملش

لكن فى حاله البلى كعادة المصريين والعرب عموما مفيش موضوع ايه فيه النقيضين اللى يقول تمام وزى الفل بدون ذكر اسباب واللى يقول فكره فاشله وتسببت فى حوادث كتير برده بدون ذكر اسباب

لكن من كتر مدورت وقريت مواضيع ومشاركات وصلت ان الفكره نفسها منطقيه لان الرصاصه الفشنك قوه انفجارها مش كبير قوى والمسدس مصمم لاستحماله ولكن سد الطلقه من قدام بالبلى ممكن ياثر على الانفجار وحتت ضغط الغاز اللى بيطلع الفارغ ده غير برده ان مقاس البلية مش نفس مقاس الماسوره فالبليه بتترجرج فى المسوره قبل متخرج وده ممكن ياثر على المسوره نفسها

وكمان قريت فى منتدى اجنبى نفس الفكره برده وبيقولوا شغاله تمام وواحد شارح الفكره كلها كامله فى احد المواقع

طبعا انا وصلت للحل ده للدفاع عن النفس بعد معديت على كل الاسلحه الممكنه من اول المطاوى والصاعق لحد مسدسات الرش والايرسوفت وكلها حلول غير عمليه بالمره فموضوع الطلق البلى مع مسدس الصوت ده احسن حل عملى لانه يعتبر نص سلاح حى خصوصا لما شوفت تاثيره فى مواضيع الاعضاء هنا

المهم يعنى علشان مطولش عليكم فى ضوء الى فات ده كله ومع خبره حضراتكم فى المجال ده

1-ايه هو افضل نوع مسدس صوت يمكن تحويله لضرب البلى بدون ادنى مشاكل وميبقاش فيه اى خطر من اى نوع وده طبعا بنائا على حاله المسدس وخامته

طبعا بغض النظر عن السعر او الشكل او عدد الطلقات او الامكانيات انا بسال من ناحيه واحده بس وهيا تحويله لضرب البلى

2-انا عاجبنى الايكول فولجا علشان حجمه صغير وسعره كويس فهل ده يمكن تحويله مع الامان التام؟؟

[Mohamed El-Hadidy]

يا باشا معظم مسدسات الصوت تنفع لضرب البلي,و الفولجا احسنهم,و متقلقش علي الماسوره بدال انت مختار حجم البليه المناسب

[darkshaft]

انا كمان بفكر فالفولجه،عشان حجمه الصغير و عشان بيضرب بلى نمره ٣ بدون طبه و لا حشر فده ميزه بس الفكره انى انا حبقى خايف عالمسوره.

[Egyptian_Destroyer]

احسن حاجه الفولجا علي راي اغلب الاعضاء و انا ان شاء الله بدور علي حته يكون سعرها كويس علشان اشتريها و مش محتاجه طبه ولا غيره و بتضرب بلي نمره 3

[M.SHADY]

طيب الطلقات البلى النمره 3 نفسها بتتجاب منين

[tifa4000]

المشاركة الأصلية كتبت بواسطة mohamed el-hadidy

يا باشا معظم مسدسات الصوت تنفع لضرب البلي,و الفولجا احسنهم,و متقلقش علي الماسوره بدال انت مختار حجم البليه المناسب

والله يا غالى انا بقالى كام يوم ليل نهار بدور وببحث فى الموضوع ده مفيش موضوع هنا فى المنتدى او على اى منتدى عربى تانى الا لما قريته كله كويس وبعد كده نقلت على الاجنبى بس الاجانب معندهمش اهتمام قوى بالموضوع لان السلاح عندهم عادى ده غير طبعا ان الامن عندهم عادى

اللى قالقنى ان البليه فعلا قويه جدا وتاثيرها تقريبا شبه الرصاصه ان مكانش مماثل ومن هنا يجى القلق على الماسوره خصوصا ان احد الاعضاء ذكر حادثه ان واحد صاحبه طار عقله من صباعه بسبب مسدس صوت بيضرب بلى وده اللى قلقنى اكتر

المشاركة الأصلية كتبت بواسطة darkshaft

انا كمان بفكر فالفولجه،عشان حجمه الصغير و عشان بيضرب بلى نمره ٣ بدون طبه و لا حشر فده ميزه بس الفكره انى انا حبقى خايف عالمسوره.

انابرده اول مفكرت فكرت فى الفولجا لان حجمه صغير تقدر تتحرك وتشيله بسهوله فى اى مكان

المشاركة الأصلية كتبت بواسطة egyptian_destroyer

احسن حاجه الفولجا علي راي اغلب الاعضاء و انا ان شاء الله بدور علي حته يكون سعرها كويس علشان اشتريها و مش محتاجه طبه ولا غيره و بتضرب بلي نمره 3

تمام يا غالى انا عايز اشتريها جديده ولسه بشوف الاول بس ايه احسن طبنجه صوت تتقلب بلى

وبعد كده اشوف اشتريها منين

المشاركة الأصلية كتبت بواسطة m.shady

طيب الطلقات البلى النمره 3 نفسها بتتجاب منين

ااعتقد بتتعمل يدوى حتى اللى بيتباع جاهز برده بيتعمل يدوى

[mr vigo]

عاوزين تفاصيل أكتر ياجماعه

[tifa4000]

ايه يجماعه مفيش اى اخبار