تشابه تصميم الاسلحه

[mr vigo]

وأنا عمال بنخور وأدعبس كالعاده في المسدسات القديمه موديلات الخمسينات

لآني بعشقها جدا

لقيتلكم حاجه غريبه قوي قوي

مسدس قديم من بريتا شبه التوكيروف الروسي تقريبا بنسبه 89%

والاغرب بقه

اني لقيت كمان ان الكولت أقتبست نفس التصميم وعملته تخيلو



دي صورة البريتا





ودي صورة التوكيروف






ودي صورة الكولت





هو طبيعي ان التصميم يكون واحد بالشكل ده مابين شركات عريقه جدا كده ؟؟؟

انا كنت فاكر ان الشركات كانت بتقتبس من البريتا بس

لكن واضح ان دي كانت من زمان تقليعه متبعه

أحب اشوف أرائكم معايا

[bodygard 34]

لو راجعت موديلات السيارات فى العالم خلال نفس الحقبه حتلاقى نفس الموضوع..هى فى الغالب مش قصة شكل فقط اعتقد انها برضه مرتبطه بمستوى معين من التكنيك(طريقة اداء) مرتبط بابعاد وشكل معين..وفى حالة تطور طريقة الاداء تتغير الابعاد وبالتالى الشكل

[mr vigo]

كلامك صحيح يا بودي

بس كنت أفضل الخروج من الشكل العام اللي ألى حد ما متقارب جدا

أحنا من التسعينات بنشوف نفس الاشكال ماعدا الوالتر والديزرت اللي خرجو شويه من سباق التناسخ ده

[BERETTA fs92]

مش المشكله في الشكل هي امكانيات السلاح هيا الي ايمها كانت بتلزمك بشكل محدد والكولت بتصنع موديل التوكاريف بس مش اكتر وشكرا ليك

[قناص الظلم]

المشاركة الأصلية كتبت بواسطة mr vigo

كلامك صحيح يا بودي

بس كنت أفضل الخروج من الشكل العام اللي ألى حد ما متقارب جدا

أحنا من التسعينات بنشوف نفس الاشكال ماعدا الوالتر والديزرت اللي خرجو شويه من سباق التناسخ ده

اعرفك بالاستاذ بودى جارد يا فيجو - عمى الحاج محمد والراجل الطيب دا فى سن والدنا يافيجو - المسدس الروسى اسمه توكاريف وعياره مخصص له فقط عيار 7,62 - الحاج محمد يافيجو كان عنده المسدس البرتا الربع دا من فتره

[mr vigo]

المشاركة الأصلية كتبت بواسطة قناص الظلم

اعرفك بالاستاذ بودى جارد يا فيجو - عمى الحاج محمد والراجل الطيب دا فى سن والدنا يافيجو - المسدس الروسى اسمه توكاريف وعياره مخصص له فقط عيار 7,62 - الحاج محمد يافيجو كان عنده المسدس البرتا الربع دا من فتره

يا قناص

ده عمنا كلنا وفوق راسنا من فوق

ربنا يباركله ويكرمنا بعلمه

العتب على النظر معلش

ماتعرفش يا قناص الحاج جاب الربع بكام ؟؟

[bodygard 34]

الربع البريتا 418 هو اللى كان عندى وانا ماشتريتوش لكن قعد معايا فتره للتجربه وكان ممكن ايامها من حوالى 6 شهور يخلص على 3000 وكنت حاضيفه على الرخصه بس بصراحه حالة المسدس ماعجبتنيش(حالته الخاصه) فرجعته..لكن هو طبعا تحت اى مسمى.. سلاح..يعنى ممكن يقتل ميزته الوحيده انه ممكن يكون مفاجأه للى قدامك مش عامل حسابها..لكنه مش سلاح اساسى..تحياتى لقناصنا الغالى وكل سنه وانت طيب يا سيد فيجو

[mr vigo]

المشاركة الأصلية كتبت بواسطة bodygard 34

الربع البريتا 418 هو اللى كان عندى وانا ماشتريتوش لكن قعد معايا فتره للتجربه وكان ممكن ايامها من حوالى 6 شهور يخلص على 3000 وكنت حاضيفه على الرخصه بس بصراحه حالة المسدس ماعجبتنيش(حالته الخاصه) فرجعته..لكن هو طبعا تحت اى مسمى.. سلاح..يعنى ممكن يقتل ميزته الوحيده انه ممكن يكون مفاجأه للى قدامك مش عامل حسابها..لكنه مش سلاح اساسى..تحياتى لقناصنا الغالى وكل سنه وانت طيب يا سيد فيجو

كل سنه وحضرتك طيب يا أستاذ ابراهيم

وبعوده ايام رمضان

المسدس فعلا بيشكل مفاجأه قاتله للمعتدي

مشكلته فقط ان صوته مش عالي زي الـ9 مللي

يعني لايشكل تهديد كبير

لكن ينفع طبعا يثبت الرخصه قبل ماتنتهي لحين شراء اخر محترم

لكن صوته كان ازاي يا ابراهيم باشا ؟؟

[bodygard 34]

ليه مصمم ان اسمى ابراهيم؟؟انا اسمى الحاج محمد عزت ..من الزقازيق..انت صايم ولا ايه؟؟رمضان كريم يا سيد فيجو يا نشيط...طبعا الصوت مش زى ال9 الطويل ولا القصير.. كمية البارود الموجوده فى الطلقه اقل بكثير وكمان الماسوره صغيره ودول سببين كافيين ان الصوت مايكونش عالى.. طبعا تقدر تثبته على الرخصه ده سلاح نارى مخشخن..ويحفظ لك تصريح الشراء لحد ربنا مايفرجها.. اه بالله عليك بلاش موضوع باشا ده انا لقبى اللى باعتز بيه قوى الحاج محمد

[mr vigo]

انا والله متأسف جدا يا حاج محمد

والله العظيم مانا عارف بكتب ايه

واضح ان الصيام بجد مدروخني خالص

هههههههههههههه

على كده فعلا ينفع تصبيره لحد أستخراج الرخصه!!!

طب والله ده حل لناس كتيره قوي قربت يروح عليها الترخيص

ربنا يكرمك يا حاج وتسلملنا يارب

[bodygard 34]

ولا يهمك..المهم انت معاك ترخيص حايخلص ولا ايه؟؟