صيد الخليج وسمكة جرم البياض

[الصيااد]

السلام عليكم اعضاء المنتدي الكرام ده صور من طلعة صيد يوم 20/12/2010 بمنطقة الخفجي والحمد لله كان حصيلة الصيد سمكة واحدة بس سمكة رائعة وزنها اكثر من 10 كيلو ويارب الصور تعجبكم تحياتي للجميع ..........................

[galal khalifa]

اللهم صلي علي النبي تسلم ايدك صيد جميل واكيد صياد مالوش حل اهم شئ عملتها ازاي لازم تقولنا بالخطوات كلها

[الصيااد]

المشاركة الأصلية كتبت بواسطة galal khalifa

اللهم صلي علي النبي تسلم ايدك صيد جميل واكيد صياد مالوش حل اهم شئ عملتها ازاي لازم تقولنا بالخطوات كلها

ربنا يكرمك يا عمدة الصيادين والله الموضوع كان بسيط للغايه لكن طبعا السمكه عملت مهرجانات في الميه لكن الحمد لله ربنا وفقني فيها خطوات صيدها :
اولا : المكان منطقة الخفجي علي حدود السعودية والكويت في مينا هناك تابعة لشركة ارامكو الحمد لله جبت واسطه وبدخل اصطاد فيها
ثانيا : شعر الصيد او الخيط كان رقم 120 ستيل باور الماني الصنع كان شغل يدوي بدون ماكينة صيد طريقة الحداف و هي معروفه.
ثالثا : نهاية الخيط يوجد واير صلب والسنارة رقم 0/1 ياباني .
رابعا :الطعم المستخدم هنا يسمونه الميد و ممكن نقول عليه في مصر سهليه او جرانه وكانت حية.
خامسا : طريقة الصيد كانت بغرز السلاح المستخدم في ذيل السمكه و هي حية واهم حاجه تكون بعيدة عن عظام السمكه حتي تضمن السمكه تكون حية اكبر وقت ممكن وترميها في تيار الماء وتتركها مع التيار وتثبيت الشعر بعلبه فارغه حتي تكون علامه توضح انها اصطادت عندما تاكل عليك سمكه كبيرة تطير العلبه الفارغه في السماء وعلي الفور يكون الخيط او الشعر في ايدك و تتعامل معها شد وجذب حتي تفقد السمكه قواها .
ويارب الطريقه تعجبك بس طبعا الموضوع يحتاج شوية صبر تقبل تحياتي .......................

[galal khalifa]

استاذ ورئيس صيادين مصر في الخليج العربي رنبا يرجعك بالسلامة سالم غانم ان شاء الله

[الصيااد]

المشاركة الأصلية كتبت بواسطة galal khalifa

استاذ ورئيس صيادين مصر في الخليج العربي رنبا يرجعك بالسلامة سالم غانم ان شاء الله

ربنا يكرمك يا عمدة الصيادين والله شهادة اعتز و افتخر بيها تحياتي ليك يا غالي ................

[lionheart314]

تسلم يا وحش المحيط
سمكة تجنن وبالهنا والشفا وما تنساش أخواتك في جدة

[hanitarek]

ما شاء الله , تسلم ايدك , و عقبالنا لما نوصل لدرجة الإحتراف دى.

بالهنا و الشفا, مع تحياتى

[الصيااد]

المشاركة الأصلية كتبت بواسطة lionheart314

تسلم يا وحش المحيط
سمكة تجنن وبالهنا والشفا وما تنساش أخواتك في جدة

ياباشا احنا في الخدمة و تحت امرك في اي وقت تقبل تحياتي ......

[الصيااد]

المشاركة الأصلية كتبت بواسطة hanitarek

ما شاء الله , تسلم ايدك , و عقبالنا لما نوصل لدرجة الإحتراف دى.

بالهنا و الشفا, مع تحياتى

والله ولا احتراف ولا حاجه وكلنا بنتعلم من بعض ومش حقدر اعزم عليك عشان حتقول عزومة مراكبية هههههههههههه تقبل تحياتي ...........................

[ايهاب ابو الوفا حمدى]

ماشاء الله ياصيااد جرررررررم بياض جميل جميل الف هنا وشفا هذه الطريقة بنسميها فى مصر لينسة بشعر باور برو ومترملة بهوك ورصاص زيتون متوسط وبنشك فها سمكة بونجز صغرة الحجم وياريت تكون فاتحة اللون والبونجز موجود ايضا عندكم فى الخليج ونترك العنان لها حتى تلمس الشعب ونرفعها لمسافة 5 سم ونربطها بزجاجة معدنية فارغة لسماع الصوت كالطلقة عند اصطياد الاسماك الف هنا وشفا صياد ---بس قولى طعم الجرم البياض حلو فى اكله عندكم لانى جربته هنا فى مصر وجدناه دسم جدا وزفر نوعا ما بس لاتنسانى فى عزومة حلوة لما تصطاد شوية كشر ولا ابو شرارة وانا سوف اقولك على طريقة جميلة جدا لاصطياد ابو شرارة الجميل لانى بحبه جدا كل عام وسيادتك بكل خير ودايما عامر .

[هشام سمير]

اه انا كده عرفت بقا انتا متغيب ليه بتخطط وتكتك للسمكه طيب حته سمكه (زى العسل) تخليك تنسى حبيبك ماشى يا ابو محمد انا بعتلك رساله على الخاص

[الجزار]

السمكه دي تكفيه اسبوع بسم الله ما شاء الله

[الصيااد]

المشاركة الأصلية كتبت بواسطة ايهاب ابو الوفا حمدى

ماشاء الله ياصيااد جرررررررم بياض جميل جميل الف هنا وشفا هذه الطريقة بنسميها فى مصر لينسة بشعر باور برو ومترملة بهوك ورصاص زيتون متوسط وبنشك فها سمكة بونجز صغرة الحجم وياريت تكون فاتحة اللون والبونجز موجود ايضا عندكم فى الخليج ونترك العنان لها حتى تلمس الشعب ونرفعها لمسافة 5 سم ونربطها بزجاجة معدنية فارغة لسماع الصوت كالطلقة عند اصطياد الاسماك الف هنا وشفا صياد ---بس قولى طعم الجرم البياض حلو فى اكله عندكم لانى جربته هنا فى مصر وجدناه دسم جدا وزفر نوعا ما بس لاتنسانى فى عزومة حلوة لما تصطاد شوية كشر ولا ابو شرارة وانا سوف اقولك على طريقة جميلة جدا لاصطياد ابو شرارة الجميل لانى بحبه جدا كل عام وسيادتك بكل خير ودايما عامر .

يا باشا انا تلميذك والله وانا بتعلم منك لو انا محترف صيد حضرتك اسطورة صيد و بالنسبة لطعم جرم البياض فهو فعلا طعمه زفر شويه لكن مش وحش مقبول لكن طبعا في سمك كتير في الطعم روعه مثل الهامور والسبيطي و الشعور و الكنعد او الدراك و تسلم علي المعلومات القيمه ..................

[الصيااد]

المشاركة الأصلية كتبت بواسطة هشام سمير

اه انا كده عرفت بقا انتا متغيب ليه بتخطط وتكتك للسمكه طيب حته سمكه (زى العسل) تخليك تنسى حبيبك ماشى يا ابو محمد انا بعتلك رساله على الخاص

عيب عليك يا ايتش انت الكل في الكل لكن السمك ده نسيبه لمين وبعدين الصراحه صيد السمك بيجري في دمي اكتر من صيد الطيور بكتير متعة ما بعدها متعة وانا مقدرش انساك انت حبيبي يا ايتش ...............

[الصيااد]

المشاركة الأصلية كتبت بواسطة الجزار

السمكه دي تكفيه اسبوع بسم الله ما شاء الله

فعلا هي تكفي اكتر من اسبوع كمان لكن متعة صيد السمك في صيدة اكتر من اكلة وبعدين عايز اقولك تعالي اتفضل تقولي اجيلك ازاي ده عزومة مراكبية . تقبل تحياتي

[saeed moharam]

شئ جميل ماشاء الله بارك الله لك وبارك فيك

[عاشق القنص]

بسم الله ماشاء الله
ربنا يباركلك

[rock]

بسم الله ماشاء الله .... صيد موفق .... ربنا يزيد ويبارك .... تحياتى .

[الصيااد]

المشاركة الأصلية كتبت بواسطة saeed moharam

شئ جميل ماشاء الله بارك الله لك وبارك فيك

تسلم يا غالي علي الدعوة الجميلة تقبل تحياتي ................

[الصيااد]

المشاركة الأصلية كتبت بواسطة عاشق القنص

بسم الله ماشاء الله
ربنا يباركلك

الحمد لله انا طول عمري في الصيد شعاري ضربة بالمرزبة ولا عشرة بالشاكوش تقبل تحياتي

[الصيااد]

المشاركة الأصلية كتبت بواسطة rock

بسم الله ماشاء الله .... صيد موفق .... ربنا يزيد ويبارك .... تحياتى .

ربنا يكرمك يا احمد باشا شرفني مرورك يا غالي