أحط الطلقات فى الثلاجه أو الفريزر؟

[egyptweb]

يا جماعه فيه واحد اقترح عليا انى لو عايز أخزن الطلقات (صوت او حى) لمده فانه من الأفضل الأحتفاظ بها فى الثلاجه او الفريزر. حد عنده فكره عن الموضوع ده صح و لا غلط قبل ما ابوظ الطلقتين اللى حيلتى؟

[عبدالله6]

طبعا غلط يتحط فى ردة الدقيق تقعد اكتر من 100 سنة بلاش تحطها فى الفريزر لانها هتتلف
وياريت تساعدنى فى شراء مسدس وانا معى تصريح شراء ولك الف شكر مسدس حلوان

[egyptweb]

ربنا يوفقك يا عبدالله تلاقى المسدس اللى يناسبك و يرزقك خيره ان شاء الله. اما بالنسبه لموضوع الفريزر فاللى خلانى اسأل انه قال لى انه عادى اومال الجيش الروسى الطلقات مابتبوظش عنده ليه على الرغم من ان الحراره هناك تحت الصفر؟! فريزر فريزر يعنى! و هناك فيديوهات على انت لناس بتضرب ألى روسى فى الثلج و الطلقات محطوطه عادى فى وسط الثلج!

[مجدي خضـر]

اعتقد اني ده يكون غلط جداا علي الطلق ده افضل مكان لتخزين الطلق يكون في قماش صوف ازي يبقي في التلج
وننتظر رد من خبراء المنتدي

[kghazy]

باختصار شديد (الرطوبة اكبر عدو للطبقات)

[راكان]

لفها في كيس بلاستك واقفلة باحكام وطعها في درج هتعد معاك 30 سنة بهذة الطريقة
لو وضعتها في الثلاجة 15 يوم الطلقة هتصدي وتتلف نهائي وجرب في طلقة واحد وانتا تشوف
هههههههههههههههههه

[egyptweb]

انا ياجماعه كبرت فى دماغى و فعلا عايز اعرف المعلومه. اللى انا فاهمه ان الرطوبه هى عدو الذخيره. موش درجه الحراره! يعنى مثلا لو اخذت باقتراح ردة الدقيق اللى فوق, و كمان حطيتها فى كيس بلاستيك محكم زى الأقتراح الأخير. -كل الأحتياطات ضد الرطوبه- ثم وضعتها فى الفريزر, هل مجرد انخفاض الحراره له تاثير على الطلقات سواء بالزياده او النقص؟ - مع فرض ان الرطوبه تم منعها!

[Eng Badran]

اه فعلا كلامة صحيح بدليل انك لما بتحط اللحمة في الفريزر بعد سنه بتلاقيها زي ما هيا .. حط الرصاص في الفيرز بقا ( الافضل تتحط في مية وتخلي المية تتلج عليها ) وطلعها بعد ان شالله 60 سنه هتلاقي الطلقة لسه زي ما هيا وطعمها زي ما هوا بالزبط امال هما عملوا التلاجات ليه يا جدع انت فاكرهم عاملينها للاكل ؟؟ لا طبعا التلاجة اصلا معمولة عشان يتشال فيها الاسلحة مش الأكل !! انت مش بتشوف افلام اجنبي ولا ايه ؟؟؟

[kghazy]

وفقا للمعاير الدولية يتم تخزين الذخيرة فى مكان جاف بارد لا تقل درجة الحرارة فيه عن 18.5 درجة مئوية ولا تزيد عن 50 درجة مئوية، هذا عن التخزين أما الاستخدام فيكون فى ظل أية درجة حرارة.

[MIDO911S]

كلام جميل ومنطقي

[محمد مكاوى]

المشاركة الأصلية كتبت بواسطة eng badran

اه فعلا كلامة صحيح بدليل انك لما بتحط اللحمة في الفريزر بعد سنه بتلاقيها زي ما هيا .. حط الرصاص في الفيرز بقا ( الافضل تتحط في مية وتخلي المية تتلج عليها ) وطلعها بعد ان شالله 60 سنه هتلاقي الطلقة لسه زي ما هيا وطعمها زي ما هوا بالزبط امال هما عملوا التلاجات ليه يا جدع انت فاكرهم عاملينها للاكل ؟؟ لا طبعا التلاجة اصلا معمولة عشان يتشال فيها الاسلحة مش الأكل !! انت مش بتشوف افلام اجنبي ولا ايه ؟؟؟

السلأم عليكم "
كلأم حضرتك صحيح فى ناس كتير كانت فكرة ان الثلأجات لتخزين الطعام و دية معلومة خاطئة
اكيد معمولة لتخزين الزخائر و الأسلأحة لية عشان تصدء بسرعة و يريحو دمغهم من الناس الى معاها سلأح
انا ناوى اجرب فى كام طلفة و هشوف طعمهم اية و اقولكم ؟؟؟؟؟؟؟؟؟؟؟؟؟؟؟؟؟؟؟؟؟؟؟

[كيمو الصعيدي]

هو في ايه!!!!!!!

[محمد مكاوى]

المشاركة الأصلية كتبت بواسطة كيمو الصعيدي

هو في ايه!!!!!!!

السلأم عليكم "
تقصد مين بلتحديد لو تكرمت

[nazekbakr]

المشاركة الأصلية كتبت بواسطة egyptweb

انا ياجماعه كبرت فى دماغى و فعلا عايز اعرف المعلومه. اللى انا فاهمه ان الرطوبه هى عدو الذخيره. موش درجه الحراره! يعنى مثلا لو اخذت باقتراح ردة الدقيق اللى فوق, و كمان حطيتها فى كيس بلاستيك محكم زى الأقتراح الأخير. -كل الأحتياطات ضد الرطوبه- ثم وضعتها فى الفريزر, هل مجرد انخفاض الحراره له تاثير على الطلقات سواء بالزياده او النقص؟ - مع فرض ان الرطوبه تم منعها!

ياجماعة تلاجة يعني برد يعني رطوبة افضل شيئ تحطها في علبة وفي مادة اسمها سيلكا جيل تمتص الرطوبة حطها معاها في العلبة انا باعمل كده

[محمد مكاوى]

دة كلأم مظبوط

[ibiza]

خلاصة الكلام عشان منحكيش كتير الطلق لو حصله رطوبة هيبوظ احتفظ بيه في اي مكان بعيد الرطوبة وعمره ما يبوظ