مطلوب بام 21

[Karam]

بص يا سيدي
ال 350 بندقيه قمه في القوه و الدقه
عيبها هو طولها و وزنها
وزنها بالسكوب 4.5 كيلو على الميزان
رده الفعل مش قويه أوي بس ملحوظه و البندقيه تقيله تقيله تقيله في كسرها يعني ما تفتكرش أنك هتكسر و تعمر و تضرب لأ دا أنت هتزنق كعب الدبشك في جنبك و تمسكها بأيدك جامد و تكسر و بعدين تسمي و تضرب
هي صعب تضرب بيها فري هاند يعني أنا دايما بسندها على حاجه و أي تغير في مسكتك بيفرء كتير في مكان الأصابه
هي محتاجه تعود بس أول ما تتعود عليها خلاص أنسى أنك ما تصيبش الهدف
أه و حاجه مهمه أوي البندقيه محتاجه تتشحم أول ما تشتريها لأنها ناشفه زي ما يكون مافيهاش نقطه شحم

أنا غلط الغلطه دي في الأول
يعني أول ما أشتريتها ضربت بيها يجي تلات علب رش و بعدين فكيت الدبشك و حطيط حتته شحم (أسمه Mollypaste) موجود عند بتوع أكسسوارات العربيات في مصر الجديده شارع دمشق أو في وسط البلد شارع الجمهوريه هو غالي شويتين بس ممتاز لتشحيم كل أجزاء البندقيه
المهم بعد ما شحمت السوسته الصوت أثناء الكسر أختلف خالص بقى زي الحلاوه بعد ما كان خشن كده في الأول
و هي على فكره وجبتها المفضلى البروماجنوم و دقيق جدا معاها الماتش صغير شويه عليها و مش بنفس الدقه بتاعت البروماجنوم مع المسافات الطويله
أنا بضرب بيها 70 متر بكل سهوله و بكل دقه
السكوبات عندي منهم 2 و هم الأتنين ميل دوت و الحمد لله لسه ماباظوش من رده الفعل بس أكيد هيجي لهم يوم