طلعة يوم 26 \ 8 تحت عنوان ( و تستمر الطلعات النحس )

[moorey]

السلام عليكم

ازيكم يا احلا اعضاء في احلا منتدى في العالم

انهردي انا قلت هعرض عليكم اخر طلعه ليا انا بعد الطلعه الاخير و انا عرضتها عليكم تحت عنوان

اغرب طلعه في حياتي زي ما قلتلكم ان انا رحعت من غير اي حاجه رجعت انا و البندقيه و بس

بعتها بحوالي يومين قلت لازم انتقم جهزت نفسي و اخزت صحبي محمد جبر البيطلع معايه

و اجزت 240 رشه و قلت النهردي انا هندقم من اليمام و الحمام و برضو انا و صحبي اتفقنا اننا

المراضي هنركذ شويه علي العصافير علشان ننظم عده حلوه كده في الغليط و هنشويس

عصافير هناك صلينا الفجر و استنينه لحد ما الصبح طلع و رحت واخد البندقيه و خرجت شفت

شجره كان عليها عصافير كتير اصطدة منها 3 عصافير و كملت الطريه لحد ما كان معايه 8 عصافير

قلت كفايه كده عصافير و اركز بقا علي اليمام و الحمام و اضرب اليمامه الاولي تريش و

اليمامه البعدها علي طول برضو تريش عرفت بعد كده ان الطلعه دي هتبقي برضو نحس زي

الطلعه القبلها و في النهايه رجعنا ب10 عصافير و بس و في 3 يمامات ريشوا و يمامه وقعت

بس كانت فوق بيت معرفناش نجبها و كنت بضرب الحمام الطلقه كانت تيجي فيه و يكمل

طيران مش عارف بقا هي البندقيه ضعفت و له مفيش توفيق

و كمان في حاجه انا عاوز اقلهلكم انا بعد ما ضربت علي كام يمامه و مجتش حسيت بعدم

ثقه اثرت فيها جامت بقيت لما اجي انشن ابقا عارف ان الطلقه من هتيجي في اليمامه و

ايدي بقت تتهز جامد اوي و مهما اكتم نفسي او اعمل اي حاجه برضو بتتهز مش عارف ايه

الحصلي

مع العلم ان انا لسه جايب البندقيه من حوالي 3 شهور و كنت في البدايه برحع بنتائج احسن

من دي بكتير مش عارف بقا فيه ايه ؟؟؟؟؟؟؟؟؟؟؟؟؟؟؟؟؟؟؟؟

و دي بقا الصور

انا عارف ان دول 8 بس الباقي اصطدته و احنا رجعين بس مصورتوش



و ده انا



و من المواقف الطريه الحصلت معانا صحبي ده الكان طالع معايا و هوبينظف عصفوره من الريش و هو بقا بيشيل دمغها طلعت صوت كده زي ما تكون بتصوصو اتلاقيته رماها و قام و قف من الخضه و مرضاش يجي جمبها تاني ههههههههههههههههه

و دي بقا صور حفل الشواء بتاع بليل




و ده صحبي البيطلع معايه كان بيعملنا الشاي

[Bebeto]

نسيت اهم عااااااامل و هو الرزق اللي ربنا كاتبهولك و بعدها النصيب
طلعة موفقة و بالتوفيق في القادم ان شاء الله

[زياد عثمان مهنا]

ايه نوع البندقية يا صحبي

[Angel of Death]

و الله أنا النهاردة ريشت 5-6 يمامات و جبت 2 بس مش عارف ليه؟؟؟ بس أفتكرت إني عمري ما هأخد أكثر أو أقل من اللي ربنا كاتبهولي.. بس الحمد الله الصحبة شكلها كانت حلوة

[moorey]

المشاركة الأصلية كتبت بواسطة angel of death

و الله أنا النهاردة ريشت 5-6 يمامات و جبت 2 بس مش عارف ليه؟؟؟ بس أفتكرت إني عمري ما هأخد أكثر أو أقل من اللي ربنا كاتبهولي.. بس الحمد الله الصحبة شكلها كانت حلوة

عندك حق و نعم بالله

و الحمد لله الصحبه فعلا كانت حلوه

[moorey]

المشاركة الأصلية كتبت بواسطة زياد عثمان مهنا

ايه نوع البندقية يا صحبي

نوع البندقيه شنجهاي صيني موديل 55 عيار نمره 2

[moorey]

المشاركة الأصلية كتبت بواسطة bebeto

نسيت اهم عااااااامل و هو الرزق اللي ربنا كاتبهولك و بعدها النصيب
طلعة موفقة و بالتوفيق في القادم ان شاء الله

شكرا لمرور حضرتك و فعلا هو التوفيق اهم عامل

[زياد عثمان مهنا]

اهدي واثبت واوعي تتنرفز خلي قلبك حديد ودايما قول انت قناص

[POSTMAN2200]

الصوره التانيه اللي حضرتك حاطتها لعصفور ملون هو النوع ده من العصافير بيتاكل
اصلي دايما بلاقيه واقف علي السلك بتاع الكهربا والغريب انه مش بيخاف وحسيت انه اساسا مش بيشوف لاني ممكن يكون 10 او اكتر واقفين علي السلك واقعد اضرب فيهم والباقي مش يطير فبصراحه مش بقيت اصطادو
بالنسبه لليمام والتريس حصلت معايا من كام يوم بردو اضرب يمام وتيجي فيه ويطير والاقي الريش طالع في كل المكان
بس بصراحه وانا بكمل صيد وماشي بلاقيه لاما واقع علي الارض ومات لاما واقف علي شجره تانيه ومش بيتحرك يعني بيبقي اثرت فيه الطلقه بس مش عارف لما بيطير بيكون اكني ضربتو باستك مش ببندقيه , اعتقد ان صحته حلوه ههههههههههه عموما حظ جميل الطلعات الجيه ان شاء الله

[moorey]

المشاركة الأصلية كتبت بواسطة postman2200

الصوره التانيه اللي حضرتك حاطتها لعصفور ملون هو النوع ده من العصافير بيتاكل
اصلي دايما بلاقيه واقف علي السلك بتاع الكهربا والغريب انه مش بيخاف وحسيت انه اساسا مش بيشوف لاني ممكن يكون 10 او اكتر واقفين علي السلك واقعد اضرب فيهم والباقي مش يطير فبصراحه مش بقيت اصطادو
بالنسبه لليمام والتريس حصلت معايا من كام يوم بردو اضرب يمام وتيجي فيه ويطير والاقي الريش طالع في كل المكان
بس بصراحه وانا بكمل صيد وماشي بلاقيه لاما واقع علي الارض ومات لاما واقف علي شجره تانيه ومش بيتحرك يعني بيبقي اثرت فيه الطلقه بس مش عارف لما بيطير بيكون اكني ضربتو باستك مش ببندقيه , اعتقد ان صحته حلوه ههههههههههه عموما حظ جميل الطلعات الجيه ان شاء الله

انا مش متاكد بالظبط بس متهيقلي بيتاكل انا عن نفسي لما اصطاده باكله عادي

المشاركة الأصلية كتبت بواسطة زياد عثمان مهنا

اهدي واثبت واوعي تتنرفز خلي قلبك حديد ودايما قول انت قناص

شكرا ليك يا استاذ زياد علي النصيحه و ان شاء الله الجي احسن هطلع فجر بكره ان شاء الله

[القبطان المصرى 77]

اولا عاااااااااااااااااادى جدا متزعلش نفسك
وسعات كتير بيحصل معانا اننا بنقعد بالشهر مش بنجيب حاجه
ده رزق ومقسوم
المهم بس اوعى الشك وعدم الثقه يتسربو ليك
خلى عندك ثقه فى نفسك
وانت بتقول انك جبت عشر عصافير
يعنى صيااااااااااااااااد اهو

[القبطان المصرى 77]

وااااااااااااااااادى تقييم محترم اهو ليك عشان ماتزعلش نفسك

[hemi afifi]

الطير الرفيع ابو ديل اسود طويل ده مبيتاكلش عشان انا كنت سامع قبل كده و اتأكدت من الناس علي المنتدي قالولي مش بيتاكل

[TheLegnedkiller]

لا يا كبير الطائر الاسود ده يعتبر من فصائل العصافير المهاجره وغير صالح للاكل


وعلي العموم طلعه موقفه

وبالتوفيق في الافضل

[moorey]

المشاركة الأصلية كتبت بواسطة القبطان المصرى22

اولا عاااااااااااااااااادى جدا متزعلش نفسك
وسعات كتير بيحصل معانا اننا بنقعد بالشهر مش بنجيب حاجه
ده رزق ومقسوم
المهم بس اوعى الشك وعدم الثقه يتسربو ليك
خلى عندك ثقه فى نفسك
وانت بتقول انك جبت عشر عصافير
يعنى صيااااااااااااااااد اهو

شكرا ليك يا قبطان و انا مش زعلان كفايه انك دخلت علي الموضوع

المشاركة الأصلية كتبت بواسطة hemi afifi

الطير الرفيع ابو ديل اسود طويل ده مبيتاكلش عشان انا كنت سامع قبل كده و اتأكدت من الناس علي المنتدي قالولي مش بيتاكل

اااااااااااه ايه ده انا من زمان و انا بكله
علي العموم عادي ده اصلا بعد ما تنظفه مبتلاقيش فيه حاجه

بس انا عاوز اعرف الطائر ده هو طائر السنونو و له ده غيره ؟

المشاركة الأصلية كتبت بواسطة thelegnedkiller

لا يا كبير الطائر الاسود ده يعتبر من فصائل العصافير المهاجره وغير صالح للاكل


اااااااااااه ايه ده انا من زمان و انا بكله

بس علي العموم عادي كده ده هو بيبقا مفيهوش حاجه تتاكل بعد ما تنظفه

شكرا للافاده

وعلي العموم طلعه موقفه

وبالتوفيق في الافضل

[محمد خلف]

ولا يهمك هما بس تلاقيهم صحتهم حلوه بتخليهم يعافرو شويه و بيموتو بعد كده
بس بعيد للاسف