خدمة لأخوكم بندقية بام

[eng.amg]

المشاركة الأصلية كتبت بواسطة احمد هاشم

السلام عليكم
طبعا عن تجربه
هى كل المشكله ان سعرها حبب الناس فيها مش اكتر عشان حنين شويه
وكمان قوة رد الفعل بتعها ليه مشاكل كتير اولها تفكيك مسامير الدبشك ودى اسهل حاجه ممكن تخلى الدبشك يتشرخ
وغير دقيقه بالمرة
ومتنسوش كمان انها فى الاخر تقليد للديانا52

أستاذ أحمد العزيز
وعليكم السلام ورحمة الله

.. كلامك مظبوط 100 % في حالة إنك جبت البندقية جديدة وضربت بيها علطول
.. بس حضرتك مش (باماوي) ..ليه؟؟ .. علشان حكمت عليها قبل التالي::

أول مواحد باماوي يجيب البام جديدة في شوية قواعد لازم يتبعها:

1-فك البندقية وتنظيفها جيد جدا لأن حيلاقي فيها 2 كجم طين وهباب مطرح الشحم القديم والركنة.
2-تغيير السوستة الأصلية والجلبة بسوستة ديانا 52 لأن الأصلية ناشفة جدا وسمكها أكبر.
3-تشحيم البندقية والسوستة والبستم جيدا جدا بشحم من نوع جيد (يفضل الجيرافيتي)
4-نقطة زيت صغيرة جدا علي الجلبة وركب البندقية.

حتلاقي مواصفاتها كالتالي:

1-رد فعل غير محسوس تقريبا.
2-ناعمة جدا في كسر العتلة وبدون صوت حكة كالسابق.
3-قوة عالية وإختراق عالي جدا.
4-دقة مهولة (في أصحابي بيحطو رشاية علي الطرابيزة وبيضربو عليها.)

وآخر الروشتة .. لو عايز قوة أعلى ممكن تغير الدليل الخلفي بواحد معدني لكن حتكون رد الفعل محسوس. (أنا شايف إنو ملوش لازمة أوي لأن قوتها تكفي)

جرب وقولي ولو معجبتكش أشتريها منك.....أي خدمة