الاشتغالة الاكثر شهرة اليومين دول( خليها تصدي)

[ahmed ghost]

اسعار السلاح الحي خاصة الاسلحة الشخصية المعروضة من الاعضاء مش من التجار اصبحت مبالغ فيها لدرجة الاشتغال مع العلم اني غير مهتم بحيازة سلاح ولو هارخص اكيد هاستورد انضف سلاح ب 2600 دولار بالكتير ومحدش يقول ابقي قابلني لو رخصت اي حد تتوافر فية شروط الترخيص سهل اوي يستورد وعلي فكرة لو اشتريت اكيد هاجي اشتغلكم هنا وابيع ابو 2600 دولار ب 120 و 150 الف وكل واحد عنده مسدس من 100 سنة ولا من 50 سنة كان جايبة بربع جنية وكان تمنة قبل الوكسة ( الثورة) لا يتعدي ال 5000 او 6000 يجي يعرضة هنا علي 30 او 35 الف ده علي اساس ان الاعضاء هنا زباين ولا هبل مش عارف دي لدرجة ان المسدس زيج زور اصبح معروض اكثر من الريتاي الصوت ماهي اصبحت تجارة سهلة وربح خيالي مضمون وبعد هذا الكم من الاسلحة الحية المعروضة الاقي ناس بتقول اصل الترخيص صعب انا لا انتقد شخص بعينة انا انتقد الظروف التي جعلت بعض ضعاف النفوس من استغلال الخوف بعد الثورة في مضاعفة الاسعار الي هذة الارقام الخرافية
والاقي واحد عارض مسدس من ايام هتلر ويقول دي سلاح ضارب خزنة فقط سعة طلقتين عيار 1.5 (وانا عارف ان مفيش عيار اسمة 1.5 انا بهزر علشان مايجيش واحد دمه خفيف ويستخف عليا) ومعاه 4 طلقات من نفس العيار من جزر البهاما ب 39999 الف نهائي طب طالما انت ولا ابوك ولا جد جدك حتي استخدمة يبقي اية لزمتة حديدة ومرمية في البيت وخلاص و علي فكرة حتي لو معاك ak103 وطلع عليك حرامية يسبتوك والله ولا هاتعرف تعمل معاهم حاجة يعني من الاخر انا اقصد من ارغي الكتير ده ان اقناء السلاح لغير الاشخاص التي تنقل اموال او تحتفظ بمبالغ كبيرة في البيت غير ضروري ولو عايز تشتري هواية وحب في السلاح يبقي مش بالاسعار دية وخلينا نعمل زي الحملة اللي كانت علي العربيات لما غليت ظهرت دعوة خليها تصدي وتم دعوة الافراد الي الامتناع عن الشراء الي ان يستجيب التجار ويتم تخفيض هامش الربح ( وركز انا بقول هامش الربح مش الاسعار) الي النسب المعقول
طبعا انا هاتشتم للصبح