دى مهزلة

[عمرو الصياد]

المنتدى الاخر تشن عليه حملات اهانة وتشويه لكل الاعضاء القدامة او الى ليهم علاقة طيبه بادارة هذا المنتدى
ولهذا اطلب من الاعضاء مقاطعة المنتدى الاخر ومن الادارة انت تتخذ خطوات جادة فى هذا الامر
وانا على استعداد انى اجيب المواضيع الى انا بكلم عليها

[pooforever_2010]

مشكور على الروح الطيبه عمرو باشا

ولكن كما يقال
لا يضر السحاب نباح الكلاب

واظن الفرق واضح بين مستوى التعامل فالمكانين
وصاحب العقل حيفرق فين الاصل وفين المسروق

تحياتى وكل سنه وانت طيب
وتحيا شبرا واللى منها

[محمد خلف]

انا مقاطع المنتدى التاني فعلا
بس ساعات بفتحه بالغلط
و لما الباسورد ما يقبلش بخرج منه واجي هنا

[hunter1407]

يا جماعة انا مش فاهم حاجة
فيه منتديين بنفس الإسم
برغم ان بعض المشرفين موجودين فى المنتديين
هو فيه ايه بالظبط ؟؟؟

[عمرو الصياد]

المشاركة الأصلية كتبت بواسطة pooforever_2010

مشكور على الروح الطيبه عمرو باشا

ولكن كما يقال
لا يضر السحاب نباح الكلاب

واظن الفرق واضح بين مستوى التعامل فالمكانين
وصاحب العقل حيفرق فين الاصل وفين المسروق

تحياتى وكل سنه وانت طيب
وتحيا شبرا واللى منها

اشكرك على الرد وفعلا لازم حضرتكم تشوفوا حل للمشكلة دى غير ن المستوى هناك كل ماد بينخفض واصبح السلام بين الاعضاء هناك هو السباب ابوسيف اتعرض للاهانة استاذ ياقوت مفيش تعليق هناك الا فى اهانة ليه حتى انا تعرضت للاهانة وتهمت بانى مستغل وحرامى العجيب والملاحظ ان الى بيحصل دا معاهم الاعضاء القدامى واصحاب السمعة الطيبه كاننا فلول
وتحيا جمهورية شبرا والى منها

[عمرو الصياد]

المشاركة الأصلية كتبت بواسطة محمد خلف

انا مقاطع المنتدى التاني فعلا
بس ساعات بفتحه بالغلط
و لما الباسورد ما يقبلش بخرج منه واجي هنا

اشكرك على الرد بس فعلا احسن لينا عدم الدخول عليه ومقطعته

المشاركة الأصلية كتبت بواسطة hunter1407

يا جماعة انا مش فاهم حاجة
فيه منتديين بنفس الإسم
برغم ان بعض المشرفين موجودين فى المنتديين
هو فيه ايه بالظبط ؟؟؟

اخى العزيز المنتدى دا تعرض للسرقة وفى منتدى اخر بنفس الاسم ولكنه هو المسروق
ام حكاية انى هناك مشرفين فى المنتدى الاخر وهنا كمان دى حاجة محيرة وياريت الادارة ترد علينا فيها

[محمد مكاوى]

"بعد التحية "

برجاة استاز محمد حاول تشوف حل اعضاء كتير محترامين جدأ تم سبهم و اهانتهم لمجرد الدفاع عن كلمة حق
ارجوك محمد بية لو تعرف حد هناك شوف حل فى الراجل الى عمال يشتم و يقول الفاظ فى منتهى القزارة
و لك جزيل الشكر

[pooforever_2010]

المشاركة الأصلية كتبت بواسطة عمرو صياد صغير

اشكرك على الرد وفعلا لازم حضرتكم تشوفوا حل للمشكلة دى غير ن المستوى هناك كل ماد بينخفض واصبح السلام بين الاعضاء هناك هو السباب ابوسيف اتعرض للاهانة استاذ ياقوت مفيش تعليق هناك الا فى اهانة ليه حتى انا تعرضت للاهانة وتهمت بانى مستغل وحرامى العجيب والملاحظ ان الى بيحصل دا معاهم الاعضاء القدامى واصحاب السمعة الطيبه كاننا فلول
وتحيا جمهورية شبرا والى منها

والله يا باشا
احنا نبهنا كتير على الاعضاء ان المنتدى التانى تم التهكير عليه
وان الادارة غير مسئوله عن اى شئ يحدث هناك
ولكن بعض الاعضاء
تصر على الدخول هناك رغم التنبيه
وللاسف اى حد من طاقم الادارة بيخش هناك ويحاول يصلح بياخد بان فورى
وده حصل معايا شخصيا
واتمنى اى شخص يتحاشى المنتدى الاخر
لان الواضح انه لايوجد رقابه عليه بسبب المخالفات الكثيرة وعدم تدخل احد

تحياتى وكل سنه وانتم طيبين

[احمدفتحىمحمد]

انا مش بدخل هناك مطلقا

[فوزى السيد]

اخوانى الكرام ملحوظة بسيطة عشان محدش يروح هناك بالخطاء لما نيجى ندخل على جوجل هنكتب فى البحث eghunt وليس الصيد فى مصر بكدة مش هيجيلك على صفحة جوجل غير منتدانا والمواضيع الخاصة بية بدون اى شيئ عن المنتدى القديم




مع خالص تحياتى

[محمد ياقوت]

واى مهزلة لو فى اكبر من كلمه مهزله ممكن نستعملها وفى مشكله اكبر فيرس وملفات تجسس
الوندوز وقعت اكتر من 3 مرات واخرها اليوم فوجئت بعدم وجود بعض الملفات الخاصه على الجهاز هيه كلها عاديه يعنى مفيهاش حاجه شخصيه او مهمه المنتدى القديم بدأ فى السقوط والانهيار

[ashraf_f]

يا اخوانى الحل الوحيد عدم الدخول للمنتدى الاخر لعدم مقدرة القائمين عليه من حماية الاعضاء المحترمين من التعدى عليهم

[elmasrey123]

انا واحد من الناس اتغسلت على المنتدى هناك علشان فيه عضو حزرت منه الناس الصياد2013 وقلت انه نصاب فاستلمنى رسايل قليلة الادب شكل الى خلفوه وشيع لى على المنتدى ان انا الى نصاب وفلوسى مزورة وعمل ايميل شكل اسم ايميلبه وجمبه شرطة ودخل يعمل مواضيع لنفسه مضمونه انه شاذ وكده وراح بلغ الادارة ان انا الى عملت الايميل دة وكانت النتيجة باند للاكونت بتاعى طبعا

[محمد خلف]

انا متشتمتش الحمد لله
بس مبدخلش هناك خالص
و لما بيفتح بالصدفه و اعرف ان دا القديم بطلع علطول
مع اني حافظ الباسورد بتاعه

[Orabi]

يا رجاله إحنا ردينا عليكم قبل كده بس نقول تاني

ده المنتدي الاصلي و التاني مسروق
احنا قدمنا هنا كذا دليل ان احنا الاصل اولهم ان كل الاعضاء القدام هنا و تانيهم ان طقم الاشراف القديم برضه هنا وتالتهم ان فيديو مسابقة الرمايه للمنتدي الاخيره وكمان صورها اللي كانت قبل سرقة المنتدي بيومين نزلت هنا مش هناك .. كمان يا رجاله لما الناس المعروفه تبقي هنا مع حفظ الالقاب زي هشام سمير و محمد محمود و محمد سعيد و عادل عبده و دكتور محمد كمال و المستشار فليفل و التجار المعروفين زي ابو سيف و محمد ياقوت و مش عايز انسي حد و كمان انا هنا ههههههههه يبقي عايزين اثبات تاني ايه...
اما السؤال الاهم اللي محير الناس طب ازاي اسماء طقم الاداره هنا زي هناك هقوله يا باشا لو دخلت هناك هتلاقي اسمائنا معمول لها حظر لاننا اول لما المنتدي اتسرق قعدنا نحظر الناس فعملوا لنا باند بس سابوا اسمائنا كنوع من التمويه ههههههه قال يعني كده مش هنعرف نوصل للناس كطقم اشراف بس طبعآ لان الناس و الاعضاء اصحابنا و كلنا عارفين بعض كلمنا الناس علي الموبيلات و عرفناهم اللي حصل و دفعت كروت شحن كتير اوي ههههههه
المفروض بقي يا رجاله تساعدونا وتقولوا لاي حد احنا معرفناش نوصله او تفهموا اي حد جديد معانا ومش فاهم ايه اللي حصل و ميعرفش احنا مين و المساعده الاكبر ان محدش يدخل هناك خالص لانكم بدخولكم هناك بتساعدوا علي استمرار هؤلاء اللصوص .. يا رب اكون وضحت تاتي للناس اللي مقرتش ردود الاداره السابقه. أخر حاجه هقولها اني احب اطمن الناس ان الدومين الجديد تم تامينه علي اعلي مستوي و باحدث تقنيه لعدم تكرار اي محاوله دنيئه زي اللي حصلت ..
دمتم لنا أعضاء مميزين ودام منتدانا العظيم ..الصيد في مصر أول و أعرق منتدي للصيد في مصر...

[Orabi]

أنا بقترح من خلال هذا الموضوع إن كل شخص بيحب المنتدي ده و يهمه إنه يستعيد الصداره علي محركات البحث التي نحاول استعادتها بعد تغيير الدومين إن كلنا نتواجد علي المنتدي يوم الجمعه الجايه الساعه 10 مساء لمدة ساعه وده هيبقي أقل إهداء للمنتدي اللي عرفنا الهوايه و حبيبنا فيها و عرفنا كلنا علي بعض .. يا ريت الفكره تعجبكم و تلاقي قبول لديكم

[عمرو الصياد]

المشاركة الأصلية كتبت بواسطة orabi

أنا بقترح من خلال هذا الموضوع إن كل شخص بيحب المنتدي ده و يهمه إنه يستعيد الصداره علي محركات البحث التي نحاول استعادتها بعد تغيير الدومين إن كلنا نتواجد علي المنتدي يوم الجمعه الجايه الساعه 10 مساء لمدة ساعه وده هيبقي أقل إهداء للمنتدي اللي عرفنا الهوايه و حبيبنا فيها و عرفنا كلنا علي بعض .. يا ريت الفكره تعجبكم و تلاقي قبول لديكم

فكرة ممتاز واعتبرنى قاعد من دلوقتى لحد يوم الجمعة باليل

[Orabi]

المشاركة الأصلية كتبت بواسطة عمرو صياد صغير

فكرة ممتاز واعتبرنى قاعد من دلوقتى لحد يوم الجمعة باليل

+++++++++++++++++++++1

الله ينور أدي أول واحد ان شاء الله المنتدي كله هيبقي موجود

[AhmeD EslaM]

المشاركة الأصلية كتبت بواسطة عمرو صياد صغير

فكرة ممتاز واعتبرنى قاعد من دلوقتى لحد يوم الجمعة باليل

وانا كمان معاكو

[محمد خلف]

المشاركة الأصلية كتبت بواسطة orabi

أنا بقترح من خلال هذا الموضوع إن كل شخص بيحب المنتدي ده و يهمه إنه يستعيد الصداره علي محركات البحث التي نحاول استعادتها بعد تغيير الدومين إن كلنا نتواجد علي المنتدي يوم الجمعه الجايه الساعه 10 مساء لمدة ساعه وده هيبقي أقل إهداء للمنتدي اللي عرفنا الهوايه و حبيبنا فيها و عرفنا كلنا علي بعض .. يا ريت الفكره تعجبكم و تلاقي قبول لديكم

اقتراح جميل
انا كده كده فاتح يوم الجمعه من الصبح
اشطه يعني

[mohamed2010habib]

اقتراااااااااااااااااح رائع بالتوفيق يا رب

[الغاوى]

أنا بحاول ألغى عضويتى فى المنتدى القديم و مش عارف ...

و لابد من وجود طريقه لالغاء الأكونتات بتاعتنا من المنتدى الاخر (Account Deactivation)

ياريت أى عضو فاضل يدلنى على طريقة الغاء عضويتى من المنتدى الاخر ...

و يجب علينا الغاء ألاكونتات بتاعتنا كلنا من المنتدى الاخرى و هذه تكون ضربه قويه له

و شـــــــكرا

[محمد مكاوى]

ان شاء اللة انا هدخل يوم الجمعة كلة و السبت كمان و دة اقل شى نعملة
و فى حاجة تنية ممكن ندخل عادى و كل حد لية صديق تربطهم صداقة قوية يعرفة حتى لو على الموبيل

[bodygard 34]

انتوا سبتونى هناك لوحدى مش فاهم حاجه..لحد ماجه واحد مشكور نبه لموضع ان المنتدى مسروق وان المنتدى الاصلى هنا.. وبرضه تهت لحد ماعرفت اجى.(السن له حكمه)..عموما انا بلغت فعلا احد الجهات الامنيه اللى بيهمها موضوع السلاح الشمال (اللى على عينك ياتاجر هناك) وكمان ادارة مكافحة الجريمه الالكترونيه..ولعل وعسى ياخدوا خطوه صح عشان يتقفل خالص