استيراد مسدس صوت

[realfighter]

السلام عليكم ورحمة الله
انسى ان حضرتك تدخل مسدس صوت من برا مصر لان اللى مسموحلهم بالاستيراد فقط تجار السلاح الرسميين ومواصفات المسدسات الصوت اللى بتدخل دى قصة محسومة من زمان بواسطة الحكومة المصرية انها محدده مواصفات معينة لمسدسات الصوت اللى بتدخل مصر بحيث يكون من الصعب تحويلها الى حى ولو حصل واتحولت بتكون بمواصفات لا تسمح باطالة عمر السلاح
واحب اضيف معلومه ان لولا المواصفات اللى حطاها حكومتنا المحترمه كان زمان السوق المصرى فيه مسدسات صوت بمواصفات اعلى بكتير من اللى موجوده حاليا ومش هتفرق كتير فى السعر
اما بالنسبة لشرعية المسدس عند ضبطه معاك فى المطار فده بيتوقف على تقرير ضابط المفرقعات فى المطار لان هو اللى هيفحص المسدس وبعد الفحص هيتم وضعه تحت شريحة من الثلاثة
1-مسدس حى
2-مسدس صوت مطابق للمواصفات
3- مسدس صوت غير مطابق للمواصفات
فى حال انه مسدس حى وداخل بشكل رسمى اوك فى حال ان صاحب السلاح لا يحمل رخصة ولا لديه الاجراءات اللازمه لدخول السلاح فده فيه مسالة قانونية
فى حال انه صوت مطابق للمواصفات فحضرتك هتدخل للبلاد بالف سلامه وسيتم وضع المسدس كوديعة فى المطار
وفى حال انه صوت غير مطابق للمواصفات فحضرتك ان شاء الله تطلع محظوظ وترجع لبيتك بسرعه بس هتنسى المسدس لانه ولا هيدخل مصر ولا برا مصر