استفسار وعذرا للازعاج

[eslampharm]

[SIZE="4"]اولا دي اول مشاركه ليا في المنتدي وارجو اني اكون عضو فعال و متواصل وافيد المنتدي وشباب المنتدي
ثانيا عندي استفسار صغنون انا عايز اشتري مسدس الجاب ولقيت احد الاصدقاء عنده واحد بيقول انه وارد الخارج المهم اتفرجت عليه ورحت علي محل عندنا في الشرقيه اسمه العراقي واتفرجت علي الجاب اللي عنده طبعا الاتنين 9mm ومكتوب عليهم بالحفر made in italy بس لفت انتباهي فروق طفيفه في الكتابه اللي علي المسدسين:[/SIZE]المسدس اللي معا احد الاصدقاء كتابته كبيره والرقم التسلسلي علي الجزء الثابت من المسدس وسعره 1200 جنيه ودي صوره





والمسدس اللي شوفته في المحل كتابته صغيره والرقم علي الجزء المتحرك الخارجي من المسدس وسعره 1500 جنيه ودي صوره




طبعا انا سمعت انه في تقليد وحاجات مضروبه في السوق وحاجات مصري فقلت اخد راي الخبراء الموجدين في المنتدي وبرضه تنصحوني ايه رايكم في الجاب وبرضه سعره ده معقول ولا ايه وايه الفرق بين الطلق التركي والالماني واستفيد والكل برضه يستفيد للمصلحه العامه
انا اسف انا نسيت اعرفكم بنفس انا طبيب شرعي اعمل في كاليفورنيا امريكا وبقالي خمس سنين بعمل مع الشرطه الامريكيه وسلاحي الشخصي hk 45 طبعا ده غير سلاح الرسمي الجلوك 22
وطبعا زي ما انتوا عارفين اللي اتعود يشيل سلاح ما يعرفش يمشي من غيره وانا حابب الجاب لانه حجمه كبير وانا جاهز لو حد عايز اي استفسار في مجالي ولكم جزيل الشكر

[elsayad]

منور يا باشا وشرفت المنتدى
تلاقى المسدس اللى شفته عند العراقى تصنيع حديث بس مفيش مشكلة ولا مضروب ولا حاجة وبعدين روح للحاج عبد الحميد اللى فى الشارع اللى على ناصيته السينما ، مش المحل بتاع ياسر اللى بره على الطريق . . وإن شاء الله تلاقي عنده شغل مضبوط .

[eslampharm]

الف شكر يابوالسيد بس هو فين المحلات دي لاني مقيم بره مصر من فتره ومعرفش البلد اوي؟
وممكن استفسر ايهم افضل واعلي صوت الطلق التركي ولا الالماني لان كل واحد له راي مختلف مين جربهم الاتنين وينصحنا والف شكر لكل المنتدي

[بدر]

المشاركة الأصلية كتبت بواسطة eslampharm

الف شكر يابوالسيد بس هو فين المحلات دي لاني مقيم بره مصر من فتره ومعرفش البلد اوي؟
وممكن استفسر ايهم افضل واعلي صوت الطلق التركي ولا الالماني لان كل واحد له راي مختلف مين جربهم الاتنين وينصحنا والف شكر لكل المنتدي

الاخ الفاضل
اهلا بيك بين اخوانك فى المنتدى
انا من تجربتى الشخصية استعملت الطلقات التركى والالمانى. طبعا الالمانى نسبة الكربون فيها قليلة جدا .اما التركى بعد الاستخدام تحس ان المسدس مهبب أسود وأسف على اللفظ بس هوا فعلا كدة.
أما بقى موضوع الصوت الناس بتقول ان الالمانى صوتة أعلى.انا ليا رأى تانى عملية الصوت عملية نسبية وكل واحد هوا وحساسية ودانة:-)
وتقبل مرورى

[eslampharm]

الف شكر يا استاذ بدر بس حضرتك تقدر تفدني في الفرق ببين المسدسين اللي انا عارضهم بحكم خبرتك ولكم جزيل الشكر

[بدر]

المشاركة الأصلية كتبت بواسطة eslampharm

الف شكر يا استاذ بدر بس حضرتك تقدر تفدني في الفرق ببين المسدسين اللي انا عارضهم بحكم خبرتك ولكم جزيل الشكر

الاخ الفاضل
لا شكرا على واجب . بس حقيقى مش اقدر افيدك من الصور .كل معلوماتى عن المسدس انة من انتاج شركة برونى الايطالية ومعرفش فية انتاج منة مضروب ولا لأ.بس من الاعضاء اللى جربوة ان فية مشكلة حشر طلقات مع الطلقات الالمانى .بس المشكلة دى مش موجودة مع الطلقات التركى.وتقبل تحياتى

[eslampharm]

شكرا اخي بدر انت كفيت ووفيت وشكرا علي اهتمامك