الصوره دي نزلت علي صفحه المنتدي عالفيس و لازم توضيح

[_SAIKO_]

السلام عليكم

انا شوفت الصوره علي صفحه المنتدي و بصراحه عندي اسئله





1- هل الطائر دة بيتاكل ؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

2- الاتنين دول مصريين و من المنتدي ولا من بره المنتدي ؟؟؟؟؟

و لو الطائر دة مش للاكل ليه بيصطادوه ولا هي فشخره كدابه و منظره عالفاضي و خراطيش ببلاش

[bodygard 34]

طبعا دى فشخره كدابه عالفاضى...ولو فى حكومه المفروض يتحاسبوا على كده..

[_SAIKO_]

يعني الطائر ده مش للاكل ..

شاكر لرد حضرتك و مرورك الكريم عالموضوع و هي فعلا فشخره و مسخره كمان

[هشام سمير]

مين قال ان البجع ليس للاكل
يا جماعه فيه قاعده فقهيه ان الاشياء الدنيويه الاصل فيها الاباحه مالم يرد نص بالتحريم
والقاعده عندنا حرم على امتى الحيوانات كل زى ناب ومن الطيور كل ذى مخلب
الامر ما هو الى اهواء شخصيه من شاء اكل ومن شاء رفض

[_SAIKO_]

يعني للاكل ولا مش للاكل .. انا عمري ما شفت حد بياكل بجع

[هشام سمير]

المشاركة الأصلية كتبت بواسطة _SAIKO_

يعني للاكل ولا مش للاكل .. انا عمري ما شفت حد بياكل بجع

اكيد انتا مشفتش كل حاجه حصلت فى الدنيا

[realfighter]

السلام عليكم ورحمة الله وبركاته
ازيك يا بشمهندس سيد
واضح من الصورة انهم مصريين وفى الارياف كمان
واعتقد انه حلال باذن الله والله اعلى واعلم
قال تعالى
بسم الله الرحمن الرحيم
حرمت عليكم الميتة والدم ولحم الخنزير وما اهل لغير الله به والمنخنقة والموقذة والمتردية والنطيحة وما اكل السبع الا ما ذكيتم وما ذبح على النصب
صدق الله العظيم
وقال تعالى
بسم الله الرحمن الرحيم
يسألونك ماذا احل لهم قل احل لكم الطيبات وما علمتم من الجوارح مكلبين تعلمونهن مما علمكم الله فكلوا مما امسكن عليكم واذكروا اسم الله عليه واتقوا الله ان الله سريع الحساب
صدق الله العظيم
وقال تعالى
بسم الله الرحمن الرحيم
يا ايها الذين امنوا كلوا من طيبات ما رزقناكم واشكروا لله ان كنتم اياه تعبدون انما حرم عليكم الميتة والدم ولحم الخنزير وما اهل به لغير الله فمن اضطر غير باغ ولا عاد فلا اثم عليه ان الله غفور رحيم
صدق الله العظيم
واعتقد ان البجع من طيبات الرزق التى احلت لبنى ادم والله اعلى واعلم
وتبلوا مرورى وتسلم ايدك على الموضوع يا بشمهندس

[_SAIKO_]

مشكور يا هندسه عالمرور و الرد

[_SAIKO_]

طالما بيتاكل و هما هياكلوه يبقي خلاص مفيش مشكله انما لمجرد الصيد اظن يبقي في رأي مختلف

[realfighter]

المشاركة الأصلية كتبت بواسطة _SAIKO_

مشكور يا هندسه عالمرور و الرد

العفو يا هندسة

[realfighter]

المشاركة الأصلية كتبت بواسطة _saiko_

طالما بيتاكل و هما هياكلوه يبقي خلاص مفيش مشكله انما لمجرد الصيد اظن يبقي في رأي مختلف

طبعا اذا هو صيد لمجرد رماية على اهداف متحركة اكيد فساد وحرام

[bodygard 34]

يعنى انتوا شايفين ان دول اصطادوا بجعه عشان كانوا ميتين من الجوع ومش لاقيين حاجه ياكلوها.. ماكانش فيه حمام برى ولا يمام ولا بط؟؟؟ اذا كنتوا شايفين ده خلاص

[avokato]

كل الطعام حلال الا ما حرم بنص ومفيش قياس

[mustafa-amer]

انا عجبني الموضوع

اللي بيتاكل من الطيور اللي يكون بداخله قنصة ذي اللي في الفراخ و الحمام و البط

المفروض لا ناكل الطيور اللي بتاكل دود و حشرات ذي فرخ الغيط " مرة لقيته ماسك ثعب و طاير بيه و زلطه سم سم

لانها ممكن ان تكن مسممه او ملوثة بالطفيليات
تحياتي

[scorpion007]

يعنى هوه احنا هندحك على بعض واله هنسطعبط بعض هههههههههههههههههههه بالله عليكم الى عمال يقول حرام و حلال انتا ممكن تاكل يجهع واله همه الناس الى فى الصوره دى هياكلوها واله هيخطر على بالهم انهم ياكلوهه
هههههههههههههه يا عالم ارحمونا بقى

( بطلنا الى يعطلنا )

[ahmed yasser]

هو البجع موجود فين فى مصر اصلا ؟؟؟؟

[_SAIKO_]

+++++++++++++++1

[_SAIKO_]

ايوه يا استاذي فيها بجع

هي فشخره اصلا حتي لو حلال عمري ماسمعت عن ناس بتاكل بجع .. دة الناس بتجيبه للتباهي و المنظره .. يبقي هياكلوه ازاي وليه من قله الاكل يعني ؟؟؟؟ ف بالتالي هي فشخره و خرطوش سايب

زي بالظبط الصوره اللي قفشتها من فتره ل واحد صياد و مصري و راصص اليمام عالارض .. مغطي الارض يمام و لما سالته ايه الافترا ده انت بتصطاد لمجرد الصيد ... هتعمل بيه ايه ايه ده كله .. كان رده التمويهي و الحجه كالاتي :

اصل انا بوزع علي صحابي و بدي للغلابه . يعني عشان تدي الغلابه و توزع ع صحابك تقوم تنزل ع منطقه تنضفها .

[ahmed yasser]

فعلا معاك حق الواحد المفروض يصتاد على قده وبس يعنى معدل 10 الى 15 يمامة بالكتير لكل صياد فى الاسبوع عشان نحافظ على التوازن البيئى وانا برضو شفت صورة لواحد عربى وطبعا معاه خرطوش ونص الى صايد حوالى 10 عنز وغزالتين او تلاتة وثعلب وطبعا معلقهم على عربية نص نقل وسايبهم لانو مكسل ينضفهم وكانو فى بعض الصور ابتدو يعفنو وبطنهم تتنفخ وطبعا كدا حرام اكلهم والبيه صايدهم للتفاخر وعشان يتصور جنبهم وفى الاخر اترموا بس انتا ماقولتليش البجع موجود فين فى مصر

[_SAIKO_]

عندنا ف اسماعيليه الصيادين ف السوق عندهم بجع و شوفته من زمان لكن حاليا مش موجود و ف مطاعم الاسماك بيكون عندهم برده بجع .. انا شوفت البجع دة كتير زمان عندنا لكن حاليا مفيش

[ahmed yasser]

المشاركة الأصلية كتبت بواسطة _saiko_

عندنا ف اسماعيليه الصيادين ف السوق عندهم بجع و شوفته من زمان لكن حاليا مش موجود و ف مطاعم الاسماك بيكون عندهم برده بجع .. انا شوفت البجع دة كتير زمان عندنا لكن حاليا مفيش

ايوا بتوع السمك عندنا برضو مربيين بجع انا بسال فين بياته اللى بيعيش فيها فى مصر

[_SAIKO_]

لا مش عارف الصراحه

[realfighter]

المشاركة الأصلية كتبت بواسطة _saiko_

طالما بيتاكل و هما هياكلوه يبقي خلاص مفيش مشكله انما لمجرد الصيد اظن يبقي في رأي مختلف

السلام عليكم ورحمة الله
حبيبى يا بشمهندس سيد ازيك يارب تكون بخير ؟
اولا مشاركتى فى الموضوع كانت اجابة على اسئلتك على حد علمى وبما لا يخالف الشرع
وليس بما لا يخالف هوى نفسى
وتعليقى هنا على جملة (هما هياكلوه) فدى بقى الله اعلى واعلم فيها لانى ما كنتش معاهم وهم بيصطادوا ومش المفروض اصلا اى حد يجزم بانهم اصطادوه بنية الهزار والفشخرة او هياكلوه او هيرموه لان ببساطه ولا واحد من اللى علقوا على الصورة كان معاهم وببساطة ولا واحد من اللى علقوا بما فيهم انا يعرف ايه اللى فى نيتهم ودى بقى ربنا سبحانه وتعالى وحده اللى يعلمها فمش المفروض نفتى ونقول اكيد هم هيرموا الصيد ده
زى بالضبط لما واحد يشترى وجبة من مطعم وياكلها مافيش مشكلة, لكن يشتريها عشان يرميها!!!!!!!!!! هنا الحرمانية اكيد لانه دخل تحت وصف المبذرين وهنا الحرمانية انه هيرمى الوجبة مش الحرمانية انه اشتراها!!!!!!!!!
والمفروض اننا ننتقد سلوك معين ايه هو (الصيد الجائر) بكل انواعه اما اننا نحكم من وحى خيالنا على صورة لا نعلم من هم اصحابها ولا نعلم ما ما بنواياهم التى لا يعلمها الا الله
هنا بقى اسف ده اسلوب عقيم والمقصود بكلمة عقيم هنا انه لا يجدى نفعا عشان بس يا بشمهندس فى ناس مش عارف بيفكروا ازاى وبالتالى مش عارف ممكن يفهموا معنى الكلمة دى ازاى
وعلى فكرة يا هندسة ردى ده موجه لكل من يجد فيه اجابة على سؤال قد يدور فى ذهنه
واخيرا يا بشمهندس سيد حضرتك ذكرت مرة انك اول مرة تعرف ان فى ناس بتاكل بجع ومرة تانيه ذكرت انك شفته فى بعض المطاعم
واخيرا يا هندسة تقبل مرورى
صديقك
م/مصطفى

[_SAIKO_]

وجهه نظرك و صلت يا هندسه و واضحه 100 % جزيت خيرا عالمرور و الرد يا هندسه

[realfighter]

المشاركة الأصلية كتبت بواسطة _saiko_

وجهه نظرك و صلت يا هندسه و واضحه 100 % جزيت خيرا عالمرور و الرد يا هندسه

حبيبى يا بشمهندس سيد جزانا واياك
وانا فاهم كويس انك بتقصد التنبيه من بعض مظاهر الصيد الجائر بس كمان لازم اجابتنا تكون مححده وواضحة لما السؤال يكون حلال او حرام؟ يبقى لازم الاجابة تكون على قد السؤال
وانا فعلا جاوبت على قد سؤالك بس مش من هوايا جاوبت من كلام ربنا
ولما يكون السؤال هم هياكلوه او هيرموه ؟فهنا كمان لازم تكون الاجابة محدده وواضحة ولا يمكن يكون هناك اجابة اكيده الا من صاحب الشأن نفسه الا بقى لو فى حد هنا بينجم وبيعرف الغيب .
ويظهر ان معظم الناس اتفقت على فكرة التنجيم دى واتباع الظن وكلهم اكدوا انها فشخرة وكانهم كانوا موجودين مع اصحاب الصورة وقت الصيد !!!!!!!!!!!!!!!!!
اما انا فــ والله ما كنتش معاهم ولا استطيع ان احكم على احد فقط مستندا لظنى!!!!!!
وحتى ان تغلب عندى حسن الظن بهم فالاجابة الادق هى الله اعلى واعلم لانى ببساطه مش بنجم ولا بعرف الغيب
اما بقى ان فى ناس ترد على هواها ويوجهوا الموضوع فى مسار اخر فده شىء انا ما اقدرش الومك عليه لان انا عارف بشمهندس سيد وعارف بيفكر ازاى وعارف ايه غرضه ونيته الطيبة من الموضوع
وتقبل مرورى يا هندسة