كايداهم تتألق فى المعركه ( وبتضرب بالجوز )

[القبطان المصرى 77]

بسم الله الرحمن الرحيم
اتمنى يكون الجميع بخير وصحه وسعاده
دى اخر طلعه طلعتها وتم فيها تصوير بعض الضربات فيديو
وكانت كايداهم مبدعه وبتوقع بالجوز من اليمام من مسافه كبيره وتم تصويرهم فيديو
ومتألقه ومرعبه مع الغربان والبلشون
وبجد بجد برغم ان الجو كان صعب جدا اليومين اللى فاتو دول
لكن ربنا كرم بحصيله كويسه برده
ومن ضمن الحصيله اتنين بلشون شكلهم جميل اوى
وفى دماغ طائر البلشون من الخلف حاجه كده زى الريشه اللى بتكون على تاج السلاطين والملوك
ده غير الاستمتاع وسط الزراعات والخضره فى المنطقه اللى كنت باصطاد فيها
ومش هاتصدقونى لو قلتلكو انى فى الرحله دى لفيت حوالى 40 كيلو متر مشى على رجلى
وبرغم التعب والارهاق لكن صورت كام لقطه كده فيديو
والحمد لله كنت مبسوط اليوم ده
وكانت اكبر مفجأه ليا فى اليوم ده هى انى وانا باصطاد اتفجأت بحمله امنيه ماشيه على الطريق والظابط عدى من جنبى بالبوكس
لكن الغريب انو مفتحش بقو ولا حتى قالى انت بتعمل ايه بالبندقيه دى هنا
والحمد لله الموقف عدى على خير
تفاصيل الرحله

البندقيه/كرال ( كايداهم )


الرش/ ديابلو المانى

27 رشه تم ضربهم
الحصيله
13 يمامه
2 بلشونه
2 غراب ابقع
1 غراب احمر
3 يمامه مصابين ضاعو
6 رشه اخطأت الهدف
وكمان الحمد لله ربنا وفقنى وضربت يمامتين بطلقه واحده من حوالى 30 متر
وكانو قاعدين بيلعبو مع بعض على سلوك الكهربه وفكرت انى ممكن اضربهم مع بعض
وبالفعل استنيت اللحظه المناسبه اللى اتجمعو فيها جنب بعض وضربت
وربنا وفقنى ونزلو الاتنين واحد مقفول وواحد مصاب
فيديو قنص اليمامتين
https://www.youtube.com/watch?v=sQotwDEJnUU

وده كمان فيديو لبعض الضربات سواء بلشون او يمام
https://www.youtube.com/watch?v=Om8NBaqkylI
بس طبعا مش كل الحصيله متصوره لأن التصوير فيديو بياخد مجهود وسعات بيضيع بعض الاهداف اللى بتطير قبل الضرب

صور الحصيله










والسلام عليكم ورحمة الله وبركاته