رد: موضوع نفسي ؟ (للعامه)
بص ماتتعبش اعصابك ...انا ماشى مع سبعة مثلا ...اقدمهم معايا من حوالى 13 سنة (انا 22) ودا ارجلهم بصراحة الى لما اطلب منه حاجة اطلبها بقلب جامد وعارف انه هيروح ويجى علشانى وممكن اعمله اى حاجة ..واحد تانى اعرفه من خمس سنين دا عاجبنى فيه انه دايما يحاول يحسن من نفسه ومن الى حواليه ولو لقانى محبط يشجعنى وبيزرع فيا حاجات حلوة ...واحد تالت صاحبى من سنتين ودا ماشفتش منه حاجة وحشة غير قليل وبنساه لان الخير منه اكتر ...واحد غيرهم معايا من اربع سنين او خمسة دا يخرج معايا لكن لو طلبت منه حاجة هتكلفه خطوة يتحركها من مكانه يخلق مليون حجة ودا انا عرفت اخره
الخلاصة شوف الى فعلا بيحبك منهم ومستعد يعملك اى حاجة واعرف ان دا الى هيفضل صاحبك ودايما تسال عليه واعرف انه من عزوتك الى ممكن تقول لو كل الى حواليا راحوا ودا موجود هيبقى كفاية ..دا الى هتكلمه تقوله رتب مع الديجى الى هيجى فرحى واعزم الناس وتعالى انصب معايا العفش و هتقوله انا عيان الواد عنده مشكلة فالمدرسة روح شوفه وهكذا
الباقيين اعرف اخرهم وعاملهم بالى تشوفهم يستاهلوه
__________________
احفظ علاءك يزدريك الاسفلُ...ان الجواد بعز شأنه يبخلُ
|
13-01-31, 02:04 AM
المواضيع المتشابهه
العرض الشجري