مشكله مش فاهمها

[adel152]

المشاركة الأصلية كتبت بواسطة محمد خلف

السلام عليكم جميعا
عاملين ايه ؟
تمام؟
طب الحمد لله
المهم
انا عندي بندقيه تل lg 15 من ام عتله سفليه دي
البندقيه دي كانت فضلت اكتر من 15 سنه مركونه وبعدين انا خدتها من والدي
كانت شديده اوي لدرجه اني كنت بصطاد بيها كلاب و قطط(لحد ما عرفت من اخواتي الي هنا ان دا حرام و من يومها بطلت الموضوع دا)
بس من فتره لاحظت ان البندقيه مبقتش شديده زي الاول
يعني الرشه مبتعديش في الخشب زي ما كانت
ومبقتش تجيب من مسافات زي الاول
بس ارتداد السسته زي ما هو
انا شايف ان العيب ممكن يكون في الجلبه بتاعه البستم
بس معرفش افكها
فياريت لو حد من الخبراء الي في المنتدى يفيدني في الموضوع دا عشان الحكايه دي غايظاني اوي
انا بس عاوز اعرف افكها ازاي
و اعرف اذا كان العيب في الجلبه ولا حاجه تانيه ازاي
و الف شكر
و دي صور البندقيه للتقييم
و هرفع صور السكوب الي كان جاي معاها
يمكن حد يكون يعرف حاجه عنه
هو الكروش بتاعه مقطوع و مش عارف احل البتاعه الي كان عليها
مع اني حليتها قبل كده
هو مكتوب عليه نوركونيا 4*15
ياريت حد يفيدني في الموضوعين دول
بس البندقيه اهم لاني بضرب اوبن سايت

استاذ محمد بعد التحية.
أن شاء الله هتلاقى كل المطلوب لبندقية حضرتك هو تغيير جلبة البستم لأن هذه البنادق فيها جلبة جلد زفرة ومع مرور الوقت والركنة بتتفرفت وتتقطع.
شوف ياسيدى اولا انت هتحتاج حد معاك علشان يساعدك فى الضغط على البندقية اثناء حل البنز اللى ماسك القاعدة اللى فى نهاية الكانون لأن عليها ضغط من السوستة.
اول حاجة هتفك 3 مسامير ماسكين الدبشك الخشب بالكانون الحديد 2 منهم فى مقدمة الدبشك وانا عاملك سهم احمر على المسمار (ويوجد مسمار أخر فى الناحية الاخرى) فى الصورة بتاعة بندقيك هتحتاج مفك عادة كبير والمسمار الثالث عند مجموعة الزناد.
بعد حل المسامير الثلاثة هتلاقى الدبشك طلع لوحده بعيد عن الكانون.
نيجى بقى للحته اللى هتحتاج فيها مساعد.
أقلب البندقية وضعها بشكل رأسى على ترابيزة وتكون ماسورة البندقية موجهة ناحيى السقف والغطاء اللى موجود فى نهاية البندقية على الترابيزة.
خاللى المساعد بتاعك يضغط على الغطاء نحو الترابيزة وانت بمفك صليبة هتزق على البنز لأخراجه من مكانه (أنا عاملك سهم احمر على البنز فى الصورة بتاعة بندقيتك).
اول ما البنز يخرج من مكانه خاللى المساعد بتاعك يرفع الضغط من على البندقية بهدؤ لأن السوستة ضغطه على القاعدة. بعد رفع البندقية بهدؤ حوالى 2 سم كده انت شيلت الضغط بتاع السوستة هتلاقى السوستة طلعت من مكانها وخلف السوستة موجود البستم وفيه الجلبة.
على فكرة لو لم يتم تعديل بندقيتك بأى شكل من الاشكال هيكون فيها سوستيتين واحدة منهم الداخلية تعمل كدليل للسوستة الاولى.
انا وضعت لحضرتك شكل البندقية وهى مفكوكة والاجزاء الخاصة بها.
خد البستم عند أى محل بتاع بنادق وخليه يركبلك جلبة جديدة.
التركيب عكس الحل تمام مع مراعاة أثناء دخول البستم يتم تحريك لسان الزناد بمفك عادة صغير الى أسفل حتى تستطيع دخول البستم.
لو حضرتك حاسس انك مش هتعرف تعمل هذه الخطوات أنصحك بأخذ البندقية كلها لمحل بنادق وهو يغيرلك الجلبة وانت واقف على ايده الموضوع كله مش هياخد اكثر من نصف ساعو الى 45 دقيقة.
بالتوفيق وتحياتى.