يا سلام سلم لما الكاليمارى يتكلم

[tarekabasy]

صباح الفل يا اجدع صيادين.........
بينى وبينكم طلعت تلات رحلات سابقة ماشوفناش شنب الكاليمارى ههههههههههههه
يعنى ممكن نكون 30 صياد منتشرين على الشط تخيلوا ولا واحد يطلع حتة واحدة ههههههههههه

المهم الخميس اللى فات كنا مجهزين لطلعة
وطلعنا الحمد لله وكنا على المية الساعة 4
وكان دخول المية
وبدأت تشتغل 5.30
وكنا 5 افراد....وكل الواقفين ابتدوا يصطادوا وكل واحد اخد حتتين تقريبا اوزان من 300 جرام ل 750 تقريبيا
الا انا
ههههههههههههه
طبعا انا بالنسبة ليا عادى
ولا بحط فى دماغى خالص انشالة ماصطادش خالص......قعدنا نشتغل شوية
حصلى فيهم حاجات غريبة جدا
اول موقف برمى الربالة وبحدف وبلم لقيتها خفيفة
ههههههههههتسألونة الربالة طارت من العقدة ازاى وراحت فين اقولكم ماعرفش ههههههههههه
قولت مش مشكلة
قوم رابط واحدة جديدة حدفتلى مرتين تلاتة ورابع مرة تقريبا كنت قاعد والجربندية ورايا وبحدف هوب قامت الربالى ماسكة فى الجربندية ولببص لقيتها اتقطعت لقيت سبحان الله المدور اتقطع اتنين......هههههههههه
قولت ماشى دا مدور قديم من المرة اللى فاتت مش مشكلة قومت مركب واحد جديد..........اهوة مركب مدور جديد قدامكو اهوة ههههههههههههههههه
وقومت حادف ...........واشكرى يا انشراح ماللى راح راح.............هههههه اللى لقيتة اللغماز بس....تخيلوا...............كلة راح ..........كلة اكسر كلة ادمر....وفضيت علينا الدار.............ههههههههههههههههه
وحسيت بالنهضة بتسرى فعروقى ههههههههههههه
زى الولة دة ههههههههههههه...اللى بيفكرنى باللى بالى بالكم طبعا فاكرين ههههههههههه
وكمان بتفكرنى بالكاليمارى لما بيطلع حبرة



Uploaded with ImageShack.us

بينى وبينكم قولت افصل شوية وقومت لامم وواكل وعامل شاى ونايم ساعة على الشط هههههههههههه
ماهى كانت ممنعة معاهم كلهم
قولت تمام انام ولو اشتغلت اقوم...........المهم ساعة كدة وقومت وقومت جايب ربالة جديدة و ورابطها مباشر فى الخيط بدون اى وصلات ولا مداور ولا اى حاجة..............وكان الخيط 45
حلو كدا حلو
والمهم نقلنا وروحنا مكان تانى...........
كان وبدانا نشتغل ماكلتش مع حد....وبعد نص ساعة كدا هوب....والاقى حتى بتقولى يانا يانت.....والحمد لله العود تمام والمكنة تمام وشد يا معلم....واسحبها لغاية اقرب حجر واشيلها من الخيط وارفعها...........وتطلع اول حتة...........وطلع وزنها فى البيت 1200 جرام..........

..........وهوب كمان شوية حتة يجى 350 جرام
وكمان شوية كمان حتة 250 جرام
وكانوا زهقوا من المكان وقالوا ننقل.....محدش تانى اخد اى حتة من المكان دة غيرى
ونقلنا رجعنا للمكان الأول ........كانت الساعة 4 تقريبا الفجر
وكلة ابتدا يشتغل اخدت كمان حتة 700 جرام....
وواحد صاحبنا فلتت منة حتة حلوة
وبس
شوية ولمينا وروحنا.............وكل عام وانتم بخير
وكانت الحصيلة النهائية حتتين لكل فرد من الأربعة اللى معايا
وابع حتت ليا وبس
ودى الصور
وطبعا بحمد ربنا ان المشاكل اللى حصلتى حصلت فى الأول عشان لو المشاكل دى حصلت وانا معايا حتة كنت زعلت من نفسى .....وكأن ربنا كان عاوزنى ازبط الخيط والربط عشان فية حتة كبيرة جاية

ودى بقا الصور....... اتفرجوا على اجمل اللوحات اللى اتعملت بدون قصد من الكاليمارى والزلط اللى على الأرض ولا اروع ولا اجمل بجد سبحان الله...




Uploaded with ImageShack.us




Uploaded with ImageShack.us




Uploaded with ImageShack.us



Uploaded with ImageShack.us





Uploaded with ImageShack.us



Uploaded with ImageShack.us


Uploaded with ImageShack.us





Uploaded with ImageShack.us



ودى بقا التقفيزة السحرية هههههههههه اللى بعملها على الشط....لواجهة التلج والصقيع.....تقولى بقا انت لابس اسود انت بلاك بلوك هههههههههههبلوك بلوك بس ماموتش من البرد هههههههههههه



Uploaded with ImageShack.us



Uploaded with ImageShack.us


صحيح للاصدقاء اللى متابعين معايا حالة الصقر اللى اصطدتة
هو الحمد لله ودى صورتة امبارح بالليل
فكيتة خالص وقررت اطلاقة
حطيتة على ايدى عشان يطير مارضيش....قولتلة ماشى مش عاوز تطير بالليل اوك هسيبك فى البلكونة طير براحتك وقت ما يعجبك
صحيت الصبح لقيتة لسة قاعد...هههههههههه قولت لولادى هو تمرت فية العشرة والا اية ههههههههه
طيب ماشى يا عم قولتلهم هنزل اصطادلة كام عصفورة قبل الشغل مراتى بتقولى طبعا ماهو واكل شارب نايم هيمشى لية ههههههههههههه
وجبتلة اربع عصافير فى دقيقتين كدا على السريع.....وقابلت عرسة هههههه خارجة من باب محل ومبينة راسها بس....قومت مخلص البشريه منها.........ههههههه وكل عام وانتم بخير
خالص تحياتى

بعد مكالمة تليفونية من البيت دلوقتى عرفت ان الصقر اكل الأربع عصافير وفلسع ههههههههه...قولتلهم يمكن راح يشرب او راح الحمام...او راح التحرير او الأتحادية هههههههههه