شكراً لمسدس الصوت اللى جابني هنا

Ebrahim Al Ansari · 11-02-19, 12:14 AM

السلام عليكم ورحمة الله وبركاته يا أهل المنتدى

مكانش يجول بخاطري فى يوم من الأيام إنى أكتب موضوع فى منتدى، ولا إني أدخل منتدي أصلاً.. لأن أغلب المنتديات اللى شفتها حالها مايسرش

وياللعجب!! لما جيت أدور على مسدس صوت لقيت المنتدى ده (أو البيت والأسره دي)!! وكانت النتيجه إني قررت إني أستنى شويه على موضوع مسدس الصوت ده وإني أقعد فى المنتدى معاكو (وربنا يكون فى عونكم)

وده لعدة أسباب:
أولاً: قررت إنى أهتم بهواية الصيد الجميلة واتعلمها بصورة نظرية من كلامكو وتجاربكم لغاية ما اقدر اجيب تجهيزاتها وأطلع أصطاد بصورة عملية
ثانياً: دخل دماغي موضوع الصيد بالصقور ده
ثالثاً: وثالثاً دى لازم أقتبس كلام قالو الأستاذ بدر فى أحد مشاركاته وقال فيها:
(وعجبنى معلومة ان الناس على وعى بالموديل السي زد . ولسة كمان بعد الهجمات الشرسة على المحال لشراء المسدسات هيبقى شعب عندة ثقافة نيرانية
وممكن لا قدر الله لو اتنين نزلو يتخانقو وكل واحد طلع المسدس اعتقد ان السؤال الاول جبت البرونى دة بكام ومن عند مين .......اه شوفت اضحك عليك انا جايبة من ميشيل عاذر ارخص ههههههه)

وطبعاً أنا مش بتاع خناق أصلاً بس تخيلت الموقف لقيته كوميدي جداً بصراحة، ورغبتي فى المسدس الصوت كانت بسبب حبي للسلاح كتحفه فنية مش كأداة لإلحاق الضرر بالآخرين، وطبعا للحماية بعد يومين الرعب اللى شفناهم دول (واللى إن شاء الله مش هيحصلو تانى ربنا يحفظنا)
بس برضه إن شاء الله لما الدنيا تهدى والأزمه الإقتصادية دي تنتهي حجيب بس هستنضف قوي لأني غالباً هقعد اتفرج عليه وأتأمل فيه أكتر ما هضرب بيه عشان مزعجش الناس

عموماً طولت قوي فى الموضوع وكان ممكن العنوان يكون كافي بس نصيبكم بقى اني قررت أفضل معاكو لازم تستحملوا

ومره تانيه سعيد جدأ بالبيت ده والسلام عليكم وكفايه رغي بقى

Ebrahim Al Ansari · 11-02-19, 03:50 AM

وبعد مرور أكتر من 3 سعات من البحث المتواصل داخل هذا الموقع المليئ بالمعلومات (لحد ما عيني وجعتني)
أقدر أقول إني قررت أجيب كرال نمره 2 الفيبر الأسود
وكان فى تعليق على انها فيها جزء حاد فى الدبشك أعتقد انه ممكن يتسنفر ويتعالج بس لما انزل واشوفها عشان أتأكد انه ينفع
بس دلوقت اللى محيرني أتجه إلى الكرال الكسر ولا الكرال العتله؟

kemohabib · 11-02-19, 04:28 PM

هات الكسر عمليه اكتر وان قيل ان العتله ادق في التصويب

kemohabib · 11-02-19, 04:52 PM

لو سمحت سؤال هل انت ابراهيم الانصاري بمساكن الصلب التبين

Ebrahim Al Ansari · 11-02-19, 11:31 PM

اقتباس:

المشاركة الأصلية كتبت بواسطة kemohabib

هات الكسر عمليه اكتر وان قيل ان العتله ادق في التصويب

اقتباس:

المشاركة الأصلية كتبت بواسطة kemohabib

لو سمحت سؤال هل انت ابراهيم الانصاري بمساكن الصلب التبين

ألف شكر على النصيحة الغالية ولو ممكن أتعبك شوية تفهمني عملية إزاى
هل كأعطال ولا كعمر ومتانه ولا ايه .. معلش شوية معلومات كده عشان أخد قرار على أرضية صلبة

أما بالنسبة لسؤالك واضح انه تشابه مش أكتر

sayed allaa · 11-02-19, 11:37 PM

بص نصيحة هات الكسر عشان قطع غيارها متوفرة و صيانتها اسهل بعكس العتلة المتعبة
وان كانت العتلة ادق
لكن نصيحة هات الكسر
وانا عن نفسي عندي الكسر
و نصيحة تانية بلاش الفيبر الاسود
هات اللي بلون الخشب تقفيلها احسن
بس لو عاوز تجيب حاجة متينة و تعيش معاك هات الخشب
انا عن نفسي عندي الخشب اغلى شوية
بس امتن
و القرار لك في النهاية

Ebrahim Al Ansari · 11-02-20, 12:19 AM

اقتباس:

المشاركة الأصلية كتبت بواسطة sayed allaa

بص نصيحة هات الكسر عشان قطع غيارها متوفرة و صيانتها اسهل بعكس العتلة المتعبة
وان كانت العتلة ادق
لكن نصيحة هات الكسر
وانا عن نفسي عندي الكسر
و نصيحة تانية بلاش الفيبر الاسود
هات اللي بلون الخشب تقفيلها احسن
بس لو عاوز تجيب حاجة متينة و تعيش معاك هات الخشب
انا عن نفسي عندي الخشب اغلى شوية
بس امتن
و القرار لك في النهاية

جزاك الله خيراً على النصيحة أستاذ سيد
مسألة قطع الغيار دي أعتقد مسألة وقت لحد ما تنتشر وإن شاء الله بعد ما أكون أخدت خيرها وتحتاج صيانه يكون الموضوع اتحل والقطع إتوفرت.. ولا ده كلام نظري وفى حالات حصل فيها أعطال بسرعه؟؟

طبعا مفهوم من كلامي إني خايف وبطمن نفسي بالكلام اللى انا قلته ده لأني حابب العتله أكتر

بصراحه كمان حابب اللون الأسود

وش فقر بقى
ونفسي أفهم إيه الفرق فى التقفيل بينهم

sayed allaa · 11-02-20, 12:58 AM

التقفيل كده احسن و مفيش اجزاء حادة و شكلها كده انضف و اشيك من السودة
بس لو حابب الاسود يبقى خلاص
و بالنسبة للكسر او العتلة
برده دي حاجة راجعة ليك
بس للأسف محدش جربها و بيعها قليل اوي لما انا سألت فتح الله
يمكن يكون السبب ان فيها عيب معرفش والله
بس احنا بنجيب اللي الناس مجرباه و بتشكر فيه
مش في حاجة مسمعناش ان حد جربها فاهم
يعني لما تسمع ان فيه منتج الناس بتشكر فيه و مجرباه هتجيبه
لكن تجرب انت كده الحاجة و تلاقي ان فيها عيب هتزعل و هتندم
هات اللي الناس مجرباه و مضمون احسن
و برده مش معناه ان العتلة وحشة
بس احنا مسمعناش حد جربها الصراحة ولا بيشكر فيها

Ebrahim Al Ansari · 11-02-20, 01:05 AM

تعبتك معايا وكلامك صح ربنا يجازيك خير على الإهتمام

sayed allaa · 11-02-20, 01:22 AM

اقتباس:

المشاركة الأصلية كتبت بواسطة ebrahim al ansari

تعبتك معايا وكلامك صح ربنا يجازيك خير على الإهتمام

لالا ابدا ولا يهمك
بس خلي بالك و متتسرعش
و على فكرة انا كنت برده زيك في الاول كنت عاوز اجيب العتلة
بس قلقت منها الصراحة عشان مشوفتش حد جابها ولا جربها حتى فجبت كسر خشب اضمن

11-02-19, 12:14 AM	#1
Ebrahim Al Ansari صياد متفاعل تاريخ التسجيل: Feb 2011 المشاركات: 166 معدل تقييم المستوى: 7	شكراً لمسدس الصوت اللى جابني هنا السلام عليكم ورحمة الله وبركاته يا أهل المنتدى مكانش يجول بخاطري فى يوم من الأيام إنى أكتب موضوع فى منتدى، ولا إني أدخل منتدي أصلاً.. لأن أغلب المنتديات اللى شفتها حالها مايسرش وياللعجب!! لما جيت أدور على مسدس صوت لقيت المنتدى ده (أو البيت والأسره دي)!! وكانت النتيجه إني قررت إني أستنى شويه على موضوع مسدس الصوت ده وإني أقعد فى المنتدى معاكو (وربنا يكون فى عونكم) وده لعدة أسباب: أولاً: قررت إنى أهتم بهواية الصيد الجميلة واتعلمها بصورة نظرية من كلامكو وتجاربكم لغاية ما اقدر اجيب تجهيزاتها وأطلع أصطاد بصورة عملية ثانياً: دخل دماغي موضوع الصيد بالصقور ده ثالثاً: وثالثاً دى لازم أقتبس كلام قالو الأستاذ بدر فى أحد مشاركاته وقال فيها: (وعجبنى معلومة ان الناس على وعى بالموديل السي زد . ولسة كمان بعد الهجمات الشرسة على المحال لشراء المسدسات هيبقى شعب عندة ثقافة نيرانية وممكن لا قدر الله لو اتنين نزلو يتخانقو وكل واحد طلع المسدس اعتقد ان السؤال الاول جبت البرونى دة بكام ومن عند مين .......اه شوفت اضحك عليك انا جايبة من ميشيل عاذر ارخص ههههههه) وطبعاً أنا مش بتاع خناق أصلاً بس تخيلت الموقف لقيته كوميدي جداً بصراحة، ورغبتي فى المسدس الصوت كانت بسبب حبي للسلاح كتحفه فنية مش كأداة لإلحاق الضرر بالآخرين، وطبعا للحماية بعد يومين الرعب اللى شفناهم دول (واللى إن شاء الله مش هيحصلو تانى ربنا يحفظنا) بس برضه إن شاء الله لما الدنيا تهدى والأزمه الإقتصادية دي تنتهي حجيب بس هستنضف قوي لأني غالباً هقعد اتفرج عليه وأتأمل فيه أكتر ما هضرب بيه عشان مزعجش الناس عموماً طولت قوي فى الموضوع وكان ممكن العنوان يكون كافي بس نصيبكم بقى اني قررت أفضل معاكو لازم تستحملوا ومره تانيه سعيد جدأ بالبيت ده والسلام عليكم وكفايه رغي بقى

11-02-19, 03:50 AM	#2
Ebrahim Al Ansari صياد متفاعل تاريخ التسجيل: Feb 2011 المشاركات: 166 معدل تقييم المستوى: 7	رد: شكراً لمسدس الصوت اللى جابني هنا وبعد مرور أكتر من 3 سعات من البحث المتواصل داخل هذا الموقع المليئ بالمعلومات (لحد ما عيني وجعتني) أقدر أقول إني قررت أجيب كرال نمره 2 الفيبر الأسود وكان فى تعليق على انها فيها جزء حاد فى الدبشك أعتقد انه ممكن يتسنفر ويتعالج بس لما انزل واشوفها عشان أتأكد انه ينفع بس دلوقت اللى محيرني أتجه إلى الكرال الكسر ولا الكرال العتله؟

11-02-19, 04:28 PM	#3
kemohabib صياد متفاعل تاريخ التسجيل: Jan 2011 المدينه: القاهره المشاركات: 216 معدل تقييم المستوى: 7	رد: شكراً لمسدس الصوت اللى جابني هنا هات الكسر عمليه اكتر وان قيل ان العتله ادق في التصويب

11-02-19, 04:52 PM	#4
kemohabib صياد متفاعل تاريخ التسجيل: Jan 2011 المدينه: القاهره المشاركات: 216 معدل تقييم المستوى: 7	رد: شكراً لمسدس الصوت اللى جابني هنا لو سمحت سؤال هل انت ابراهيم الانصاري بمساكن الصلب التبين

11-02-19, 11:37 PM	#6
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: شكراً لمسدس الصوت اللى جابني هنا بص نصيحة هات الكسر عشان قطع غيارها متوفرة و صيانتها اسهل بعكس العتلة المتعبة وان كانت العتلة ادق لكن نصيحة هات الكسر وانا عن نفسي عندي الكسر و نصيحة تانية بلاش الفيبر الاسود هات اللي بلون الخشب تقفيلها احسن بس لو عاوز تجيب حاجة متينة و تعيش معاك هات الخشب انا عن نفسي عندي الخشب اغلى شوية بس امتن و القرار لك في النهاية

11-02-20, 12:58 AM	#8
sayed allaa صياد نشيط تاريخ التسجيل: Jan 2011 المشاركات: 303 معدل تقييم المستوى: 13	رد: شكراً لمسدس الصوت اللى جابني هنا التقفيل كده احسن و مفيش اجزاء حادة و شكلها كده انضف و اشيك من السودة بس لو حابب الاسود يبقى خلاص و بالنسبة للكسر او العتلة برده دي حاجة راجعة ليك بس للأسف محدش جربها و بيعها قليل اوي لما انا سألت فتح الله يمكن يكون السبب ان فيها عيب معرفش والله بس احنا بنجيب اللي الناس مجرباه و بتشكر فيه مش في حاجة مسمعناش ان حد جربها فاهم يعني لما تسمع ان فيه منتج الناس بتشكر فيه و مجرباه هتجيبه لكن تجرب انت كده الحاجة و تلاقي ان فيها عيب هتزعل و هتندم هات اللي الناس مجرباه و مضمون احسن و برده مش معناه ان العتلة وحشة بس احنا مسمعناش حد جربها الصراحة ولا بيشكر فيها

11-02-20, 01:05 AM	#9
Ebrahim Al Ansari صياد متفاعل تاريخ التسجيل: Feb 2011 المشاركات: 166 معدل تقييم المستوى: 7	رد: شكراً لمسدس الصوت اللى جابني هنا تعبتك معايا وكلامك صح ربنا يجازيك خير على الإهتمام

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ايه افضل انواع مسدسات الصوت اللى فى السوق ؟	hazeeeeem	محدثات الصوت	19	12-08-22 02:09 PM
هل يوجد رخصة لمسدس الصوت في مصر	nader_sb	الصيد العام	6	11-02-16 11:24 AM
هل يوجد رخصة لمسدس الصوت في مصر	nader_sb	محدثات الصوت	9	11-02-05 11:07 PM
العب في بيت النار لمسدس الصوت	smsmn8888	ادوات الصيد الثقيله	8	11-01-24 02:47 AM
ليزر سكوب ( red dot ) حكاية اللي يجيبة انا ادفع فية اللي يقولة	hassanshokrof	سوق المنتدى	7	10-10-11 08:33 PM