يعنى ايه البندقية دقيقة

[adel152]

المشاركة الأصلية كتبت بواسطة هشام سمير

الدقيقه والرشيقه .... دا انتا بتهذر بئا يا عم الحج
بس مع لينا
اقولك انا يا سيدى ايه هى العوامل الرئيسيه لصنع دقة البندقيه
باختصار كل حاجه فى البندقيه بتأثر على دقتها تسألنى حتى الدبشك . اقولك ايوووووووووه حتى الدبشك
بمعنى
حجم غرفة الهواء ( الكانون ) . ومدى تناسبه مع قوة وطول االسوسته . مع وزن البستم
طول الماسوره وتناسبها مع شكل وعدد الشخشنات ... شكل الشخشنات . طوليه ام دائريه
بالمناسبه الطريف انى الحاجه الوحيده اللى ملهاش دعوه بالدقه .. هى النشنكنات ايييييييييييوه النشنكنات
اختلاف شكل وكفاءة النشنكنات بتأثر فى سرعة التجميع فى الرفع على الهدف
نرجع بئا لسؤلك الثانى
ان الدقه معتمده على الرامى او الصياد .. دى حقيقه مفروغ منها
بس احنا لو ثبتا البندقيه بطريقه اليه . بمنجله او اى حاجه ..
وضربنا 20 ضربه متتاليه على مسافات متباعده
كل البنادق فى مسافة ال 10 متر هتدى نفس الاداء
بعد كده الدقيقه بس اللى هتجمع
غير الدقيقه او بمعنى اصح اللى فيها خلل فى التصنيع هتلاقيها بتشكل فى الضرب
بس فى الاخر كلها بندقيه بتأدى نفس الغرض
مثال
العربيه اللانوس والعربيه المرسيدس
الاتنين هيأدو نفس الغرض
دى هتوصلك ودى هتوصلك .. ودى بتجرى ودى بتجرى
فرق السعر الكبيييييير او بينهم مش بس فرق خماات وتكنولجيا
لا فرق دقة وكفاءة تصنيع
تقبل تحياااااااتى

هوه ده الكلام اللى من الاخر ياأتش.
دقة البندقية تقاس فى حالة الثبات بمساحة تجميع الرش على الهدف.
يعنى مثلا يوجد بندقية من 20 متر تجميعها بيكون نصف بوصة (يعنى تقريبا سنتى وربع) بعد ضرب من 5 الى 7 رشات مثلا. بندقية أخرى تجميعها بيكون 3/4 بوصة (يعنى تقريبا 2 سنتى) وبندقية ثالثة يكون تجميعها بوصة (2.5 سنتى تقريبا) وهكذا. بكده نقدر نقول أن البندقية الاولى أدق من الثانية والثانية أدق من الثالثة وده بيرجع للأسباب اللى ذكرها أخى العزيز هشام.
طبعا ده والبنادق ثابتة حتى لا يدخل العنصر البشرى فى نتيجة التجميع.
شوف الصور الموجودة فى نهاية الرد هتفسر كلام استاذ هشام وتعليقى.
تحياتى للجميع.