عائز اتعلم رماية

[hesham hamdy]

أنا مبتديء و عائز اتعلم رماية ممكن حد يدلني علي مدرسة رماية أو نادي للهواة في القاهرة. و ايه البندقية المناسبة.

[tito]

نادى طلائع الجيش فيه مدرسة لتعليم الرماية وبتقبل اى سن والمدرسة بتستمر حوالى شهرين بسعر تقريبا150ج. اما لو كنت عاوز تتعلم الصيد فبنادق الصيد بتبداء من 500ج الى ماشا الله وبالتوفيق ولو احتجت اى مساعدة او استفسار انا فى الخدمة

[hanykhodair]

ممكن أعرف عنوانه فين أو كيف احصل على عنوانه وفين اجد البنادق اللي ثمنها 500 جنيه وهل هي رخيصه لأمكانياتها البسيطه ولا لضعف صنعها والأحسن كبدايه تكون ايه وبكام؟

[أميجو]

المشاركة الأصلية كتبت بواسطة hanykhodair

ممكن أعرف عنوانه فين أو كيف احصل على عنوانه وفين اجد البنادق اللي ثمنها 500 جنيه وهل هي رخيصه لأمكانياتها البسيطه ولا لضعف صنعها والأحسن كبدايه تكون ايه وبكام؟

ممكن تبتدى ببندقية رمسيس زى معظم الاعضاء هنا وسعرها على حد علمى قبل الازمة الاخيرة من 550 حتى 600 وبتتباع فى اماكن كثيرة مثل مشيل عازر وفتح الله وابو ضيف .
وهناك موضوع وضعه عضو فاضل هنا فى المنتدى عن عناوين وارقام تليفونات المحلات ممكن يساعدك وبالتوفيق .

[محمود محروس]

الصديق هشام:اهلا بيك صديق جديد ونصيحتى عايز تتعلم الصيد تابع هذا المنتدى وانت تتعلم ما تريده ومالا تريده فهم واقصد الاعضاء المحترمين سيمدوك بكل ما ستحتاجه ونصيحتى لك الا تبدأ برمسيس لانك لن تتعلم شئ وبعد شهرين ستخسر نقودك التى دفعتها فيها تعالى على نفسك وهات بندقيه كويسه والمنتدى هيساعدك بانواع البنادق الكويسه واسعارها.تقبل تحياتى ومرورى

[محمود محروس]

أه.....الصديق /اميجو أسف على التعدى على قولك ابدأ برمسيس
لم اقصد تجاهل رأيك قصدت انه اذا بدأببندقيه نضيفه سوف تحببه فى الهوايه اما الرمسيس ستصدمه فى الصيد.عذرا يا صديقى.

[مصراويي]

والله الرمسيس حلوة كبداية ونمرة واحد كمان..

[rock]

[quote=محمود محروس;49197]أه.....الصديق /اميجو أسف على التعدى على قولك ابدأ برمسيس
لم اقصد تجاهل رأيك قصدت انه اذا بدأببندقيه نضيفه سوف تحببه فى الهوايه اما الرمسيس ستصدمه فى الصيد.عذرا يا صديقى.

السلام عليكم ..... لك حرية الرأى اخى الكريم ..... ولكن الرمسيس تحفه وخصوصا القديم منها وانا كنت بانزل مع واحد صحبى فى اماكن متعدده زى الشروق والوراق وكنا بنوقع أد بعض .... بل هو كمان بيغلبنى .... ياجماعه مش موضوع بندقيه .... الموضوع يخص الصياد .....لينا صديق عزيز معاه بندقيه صينى البى ثرى .... وحطم رقم قياسى بيها ....100 يمامه ..... فى طلعه واحده ..... ياريت يا جماعه نحس بقيمة الرمسيس ونحب نفكر الناس انها بندقيه اجنبيه اساسا وهى من يوغوسلافيا .... ونسخه من ادق البنادق الهوائيه فى العالم السلافيا ..... انما المعادى هى اللى تقصر الرقبه بعد المحاولات الفاشله لتعديلها الاان الرمسيس اللى من 25 سنه هى دى اللى مفيش زيها وممكن حضرتك تشرفنى واخليك تنشن على رأس مسمار كذا مره ..... البندقيه البطيئه يعنى دقه .... ارجو ان محدش يزعل من كلامى .... انا كنت بوضح مش اكتر ..... تحياتى .

[مصراويي]

[quote=rock;49542]

المشاركة الأصلية كتبت بواسطة محمود محروس

أه.....الصديق /اميجو أسف على التعدى على قولك ابدأ برمسيس
لم اقصد تجاهل رأيك قصدت انه اذا بدأببندقيه نضيفه سوف تحببه فى الهوايه اما الرمسيس ستصدمه فى الصيد.عذرا يا صديقى.

السلام عليكم ..... لك حرية الرأى اخى الكريم ..... ولكن الرمسيس تحفه وخصوصا القديم منها وانا كنت بانزل مع واحد صحبى فى اماكن متعدده زى الشروق والوراق وكنا بنوقع أد بعض .... بل هو كمان بيغلبنى .... ياجماعه مش موضوع بندقيه .... الموضوع يخص الصياد .....لينا صديق عزيز معاه بندقيه صينى البى ثرى .... وحطم رقم قياسى بيها ....100 يمامه ..... فى طلعه واحده ..... ياريت يا جماعه نحس بقيمة الرمسيس ونحب نفكر الناس انها بندقيه اجنبيه اساسا وهى من يوغوسلافيا .... ونسخه من ادق البنادق الهوائيه فى العالم السلافيا ..... انما المعادى هى اللى تقصر الرقبه بعد المحاولات الفاشله لتعديلها الاان الرمسيس اللى من 25 سنه هى دى اللى مفيش زيها وممكن حضرتك تشرفنى واخليك تنشن على رأس مسمار كذا مره ..... البندقيه البطيئه يعنى دقه .... ارجو ان محدش يزعل من كلامى .... انا كنت بوضح مش اكتر ..... تحياتى .

أخويا العزيز Rock
كلامك سليم والله أنا معايا رمسيس نمرة واحد قديمة فوق ال30 سنة بس بسم الله ماشاء الله زي الفل رغم انها فقدت قوتها شوية الفترة الاخيرة وعايز أغيرلها جلبة بس هي الصراحة مفيهاش تسريب هوا أبدا وخايف أوديها عند حد يبوظها فلو تعرف حد في اسكندرية يكون كويس بلغني بيه
وعلى فكرة أنا لسة بجيب بيها يمام رغم ان اسكندرية اليمام قل فيها أوي... هو انتو من اسكندرية ولا ايه ده انتو خلصتو اليمام كله ...ههههههههههههه