|
| الإعلانات |
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
 |
|
|
أدوات الموضوع | إبحث في الموضوع | انواع عرض الموضوع |
|
|
13-03-31, 06:37 PM
|
#1 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
رد: اولى مذابح صيف 2013 (القبطان المصرى)
اقتباس:
ياراجل مانا عارف انك صياد جامد بس انا كنت بانكشك مش اكتر بس برده انا هافضل وراك لغاية ماتتوب قصدى يعنى ترمى العود وتشتغل بالبندقيه وخدها منى كلمه وثيقه لو جربت قنص السمكه بالبندقيه مش هاتمسك عود تانى وانا باستحداك حلوه كلمة باستحداك دى صح؟؟؟ هههههههههههههههههههههههه وابقى سلملى عالواد احمد ابنك بقى ههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
13-03-31, 06:52 PM
|
#2 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: اولى مذابح صيف 2013 (القبطان المصرى)
اقتباس:
ومتشكرين على النكش يا قباطينوا بس انا عندى مشكلة هههههههههههه ماقدرش ارمى العود عشان عندى يجى 15 عود هههههههههههه ويجى 15 ...20 مكنة ويجى 5000 سن فحتى لو رميت واحد هيفضل كتير اصل اخوك غاوى اوى واوعا تستحدانى .....انا بغسل سنانى وبعدين ما يمكن انا اللى اخليك تحب صيد السمك انت قولت ان كان عندك عود وفضلت تصطاد لما اتشليت اكيد كنت بتطلع تصطاد بطعم بالنهار.....صح؟ |
|
|
|
|
|
13-03-31, 07:02 PM
|
#3 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: اولى مذابح صيف 2013 (القبطان المصرى)
اقتباس:
لقيت الراجل ابن اللذينه بيقوللى بــ 110 جنيه قلتلو ميه وعشره فى عنيك ليه يعنى ده فى كل حته بــ70 و80 وسبته ومشيت وانا فعلا كنت باصطاد سناره لغاية السنه اللى فاتت وكنت شغال طعم او غله وليل ونهار وكنت مرزق كراكير بصراحه مفيش طلعه غير لما اجيب فيها كركورين على الاقل بس بصراحه مش باحب اقعد عالميه اوقات طويله فالبتالى بتكون الحصيله كيلو او كيلو ونص بالكتير واكتر حاجه شلتنى هى الغله طبعا زى مانت عارف عاوزه صبر ايوب ولما جربت بقى البندقيه ومتعت قنصها للسمكه زائد الحصيله الحلوه اللى ربنا بيكرم بيها فى كل طلع مش اقل من 2 كيلو وسعات 5 وسعات 4 كرهت العود عقبالك هههههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-04-01, 05:45 PM
|
#4 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: اولى مذابح صيف 2013 (القبطان المصرى)
اقتباس:
تصدق بالله مش انا بقولك عندى 15 عود لسة شارى عود خمسة متر النهاردة هههههههههه بس بتاع ريم وفاضى مش ملفوف ب 45 جنية اصلى بخزنهم لما الاقى نوعم كويس وابقا الفلهم دبل على راحتى وجيت كمان اربع علب سنار هو الغلة كويسة بس دى بتبقا بالنهار بس وليها ادوار معينة الطعم ليل وبس ويفضل المية البطيئة جدا طالما بتصطاد بالليل يبقا لازم تبقا صديق الكراكير الحصيلة حلوة فى الريم لو اكل معاك يبقا عبيلوا واديلوا هههههههههههه الفايبر اللى عاوز تعملة ملقاف لازم يبقا غالى عشان يبقا محمل خد بقا النصيحة دى تروح اى محل صيد تسأل على واحد بيصلح فيابر ولما تقفشة تقولة عاوز فايبر ممنوش الرجا بس يكون محمل هيديك فايبر يكون اربع او خمس عقل ويكون طاير منة عقلتين تلاتة وهيبقا مية مية ومش هيبقا غالى كبيرة من 20 ل 30 جنية وتدعيلى وعشان تختار عود كويس تعمل منة ملقاف افتح كعبة من ورا وبص على تخانات العقل وكل مايكون اتخن يبقا احسن وبرضة تدعيلى ههههههههه تحياتى يا نجم |
|
|
|
|
|
13-04-01, 09:22 PM
|
#5 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: اولى مذابح صيف 2013 (القبطان المصرى)
اقتباس:
هى 45 جنيه ده هتلاقيه عود صينى لكن اللى انا سالت عليه كان كورى وبالنسبه لموضوع اللف الدوبل ده انا عايزك تقوللى اعملو ازاى لانى محتاج عود قوى زى مانت فاهم عشان هاعملو ملقاف ومعتقدش انى هلاقى حد فى اسكندريه بيصلح اعواد وطبيعى هدعيلك ياكبير دايما روح يا شيخ ربنا يصلح حالك وحالنا هههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
13-04-02, 11:50 AM
|
#6 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: اولى مذابح صيف 2013 (القبطان المصرى)
اقتباس:
اعواد الريم انواع الريم كطريقة صيد لازم يكون وزن العود فى ايدك خفيف لية لأنك بتشيلة على ايدك طوووووول النهار يعنى ماينفعش مثلا تطعم ريم وتسيب العود على جنب وترجع تلاقى فية سمكة لا هتلاقى الريمة اتاكلت يعنى بتبقا ماسك العود ومستنى على غمزة وهوب تلاقى العود بيترج والخيط راشق فى المية وتلاقى اللى بيقولك سيب وانا سيب انا فاكر المرة اللى قبل الأخيرة كنت بصطاد والمية عمقها حوالى متر وربع وشبكة معايا سمكة وفضلت الم فيها ومن قوتها كانت راشقة فى الأرض لدرجة انى ماقدرتش اشوف وشها لغاية ما فلتت من قوتها المهم نرجع مرجوعنا العود فعلا صينى بس جبار عود كاربون قوى ومرن جدا ورقع على هواك بس نص رقعة وكمان خفيييييييف وبيصفى طول خمسة متر عاوز اية تانى العود دة حلم اى صياد ريم وانا شخصيا كدة عندى منة 3 عيدان انت فاكرنى بشتر اى حاجة دنا صياد عيدان اما بقا عن عود تعملة ملقاف فدا لازم يكون جبر وتقيل ومحمل طبعا اما انك ماتعرفش حد بيصلح اعواد فى اليكس دا طبعا عشان مادورتش لكن لو سألت كام محل ادوات صيد هيوصفولك اماكن ويدوك نمر ناس وممكن تلاقى حد منهم جنبك جدا كمان موضوع لف الدبل دة بيبقا لعيدان الريم بس تشترى العود بيبقا فاضى لا فية دبل تدخل فية الخيط ولا مكان يمسك المكنة بنجيب الدبل الحلقات يعنى ومساكة ماكينة ونلف خيط حرير على الحلقات دى على العود وبكدة يبقا شكل العيدان العادية بس دبلة مربوطة بخيط حرير وطبعا بنحط عليها امير وورنيش عربيات وبيبقا جامد جدا اللى ممكن تستفيدة من الموضوع دة انك لما تجيب العود وتيجى تربط علية الشبكة بتاعتك اللى ملفوفة على حلقة كبيرة ممكن تلف علية خيط حرير وتحط امير وبعدين ورنيش والخيط الحرير علشان مابيدوبش بالمية هيكون ممتاز ولو جيت مصر هديك حتة خيط حرير هتدعيلى طوول عمرك خيط حرير يوازى تخانة خيط 100 يعنى هيبقا معاك عجب وعلى فكرة فية ملقاف جاهز طولة 3 متر او 3 ونص والا انت عاوز اطول؟؟ محدش فى اليكس بيصلح اعواد ههههههه هىهىهىهىه هوهوهوهو اكيد طبعا فية انت بس ماتعرفش دى اسكندرية ام الصيد نعكش ونخرب وهتتفاجى يعنى بص مثلا روح على اقدم محل صيد فى اليكس وقول للراجل هو الراجل اللى بيصلح الفيابر يمين والا على طوول هيقولك يمين فى سيد ومحمد وعلى وعلى طوول فية رفعت وجرجس وجمعة اما لو رجعت لورا فية محسن ودعبس ومرسى هههههه لا بلاش مرسى لحسن مرسى والتصليح دونت ميكس....هههههههههه مرسى بيبوظ بس المهم هتتفاجىء ان حواليك ناس كتير جرب وقولى يا معلم تحياتى |
|
|
|
|
13-04-02, 06:42 PM
|
#7 | |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141 |
رد: اولى مذابح صيف 2013 (القبطان المصرى)
اقتباس:
انت كده جبت من الاخر ياكبير والله وعلى فكره انا كنت فاهم كلمة ( دبل ) دى غلط انا كنت فاكر انك تقصد لف العود عشان يبقى تخين ( دُبل ) بضم حرف الدال هههههههههههههههههه لكن دلوقت فهمت القصه صح وان شاء الله هاسأل على حد بيصلح اعواد واشوف وعلى فكره مش هاينفع معايا الملقاف الــ3 متر ده انا حاليا معايا 4.5 ومش نافع لأن الترع والمصارف واسعه هنا وبيضيع منى سمك كتير انا عاوز 5 او 7 متر وهاعملو تزويده كمان بعامود ستاره حوالى 4 متر تانى هههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اخر اختراعات القبطان المصرى | القبطان المصرى 77 | ابتكارات و اختراعات الاعضاء | 38 | 13-01-10 02:01 AM |
| اولى طلعاتى بالكرال | tarekabasy | صور وفيديو الصيد ورحلاته | 13 | 12-12-24 11:54 AM |
| القبطان المصرى يتحدى الملل | القبطان المصرى 77 | صور وفيديو الصيد ورحلاته | 33 | 12-10-14 08:12 PM |
| رساله من القبطان الى اعضاء المنتدى | القبطان | سوق المنتدى | 7 | 11-04-13 07:04 PM |
العرض المتطور
