معلومه جديده احنا بنتكلم مصري مش عربي

[avokato]

1 - اللغة المصرية القديمة موجودة من سنة 4000 ق.م علي أقل تقدير.

2 - اللغة العربية أقدم وجود ليها هو القرن الرابع الميلادي .. يعني فرق 4000 سنة .

3 - يعني المصريين كانوا عارفين كلمات زي ( نام - مشي - بكا - سبح - ركع - دعا ) وآلاف الكلمات التانية اللي بنتكلمها لحد النهاردة قبل ما يكون في أصلاً أي كيان علي سطح الأرض اسمه عرب.

4 - والعرب حسب أحدث الأبحاث المسجلة في دايرة المعارف البريطانية هم خليط من ( فرس - آراميين - أفارقة ) . والنظرية اللي كانت بتقول إن في حاجة اسهما جنس عربي وإن الجزيرة العربية هي موطن وأصل كل الثقافات السامية ثبت خطئها بشكل قاطع
http://www.britannica.com/EBchecked/topic/31551/Arabia

5 - واللغة العربية اتأثرت بالآرامية والسريانية اللي هم أصلا اتأثروا بالفينيقية اللي هي كمان متأثرة كتير جدا بالمصرية القديمة

6 - مصر حكمت منطقة سوريا وفلسطين لمدة 500 سنة من القرن 16 ق.م للقرن 11 ق.م
http://ar.wikipedia.org/wiki/الدولة_الحديثة

وفي الفترة دي اتنقلت آلاف المفردات من المصرية القديمة للفينيقية واللي اتنقلت فيما بعد للعربية

و كلنا عارفين ان القرآن الكريم فيه كلمات كتير مش عربية .. وفيه كلمات فارسية زي استبرق وسندس .. فمفيش أي مشكلة لما نقول القرآن فيه مئات الكلمات اللي أصلها مصري قديم نطقها وعرفها المصريين قبل ظهور العرب للوجود بآلاف السنين

لغتنا اللي بنتكلمها حاليا هي المرحلة الرابعة في تطور لسان المصريين بعد المرحلة اللي هنسميها مجازا ( الهيروغليفية ) ومن بعدها الديموطيقية والقبطية وأخيرا المصرية الحديثة

الهيروغليفي والديموطيقي والقبطي والمصري الحديث كلهم خطوط لكتابة نفس اللغة المصرية اللي بيتكلمها المصريين من آلاف السنين
حتي الحروف اللي بنكتب بيها واسمها حروف عربية .. كلها أصلها مصري قديم

http://on.******/YfSY75

احنا مصريين .. بنتكلم مصري .. و بنحب اللغة العربية لغة القرآن الكريم .. لكنها مش لغتنا اللي بنتكلمها من آلاف السنين وعمرنا ما غيرناها.

اتأثرت لغتنا بلغات كتير أهمهم العربي .. دي حقيقة .. لكن العربي نفسه اتأثر بالفينيقي والمصري وبالفارسي .. وكل لغات الدنيا بتتأثر ببعض ..

لكن في النهاية ..

احنا بنتكلم مصري

[الخواجه]

بجد معلومات ممتازه وموضوع جميل