إكتب احلي نكتةسمعتها :-)

[كريم الرجحى]

السلام عليكم ورحمة الله وبركاته

أولاً أحب اشكر إدارة المنتدى علي هذا الموقع الرائع
وثانياً أحب أسلم على اجمل اعضاد وصيادين في مصر
ندخل في الموضوع يا ريت كل واحد يكتب أحلى نكتة سمعها في حياته
أو اطرف موقف حصل له
الموضوع ده عشان تسلية الأعضاء عشان كل متحس بالملل تدخل وترفه عن نفسك
وياريت الأعضاد يشاركو ويبقي لكل عضو ثلاث مشاركات
واحب أبدأ انا وأقول أحلى نكتة سمعتها في حياتي
وهي : مرة واحدة راح صيدلية وطلب فرشاة سنان الصيدلي جابله فرشاة كبيييييره اوي الراجل قاله ايه ديه قاله هنا صيدلية البركة كل حاجة عندنا فيها بركه قام الراجل قاله طب هاتلي معجون سنان قام جايبله معجون كبيييييير قام الراجل قاله وايه ده كمان قاله هنا صيدلية البركة كل حاجة عندنا فيها بركه قام الراجل قاله طب سلامو عليكو قاله حضرتك رايح فين قاله رايح اجيب لبوس من الصيدلية اللي جمبكم.

[COLOR="rgb(47, 79, 79)"]بالنسبة لكتر موقف ضحكني هو مقزز شوية بس كل لما افتكره اموت علي نافسي من الضحك
وهو : كنت بشرب كانز وانا طالع علي السلم وانت عارف بقه الكانز والتكر..... طبعاً فاهمني المهم من غير مقصد وطلعت مني واحدة جامدة اوي ولا اسد بيزأر المهم سمعت صوت جارتنا بتقول بسم الله الرحمن الرحيم ايه دااااااااااه وبتتربس الباب انا طبعاً فريره علي بيتنا بس مقدرتش امسك نفسي من الضحك.
لو الموضوع عجبكم ارجو المشاركة بقصصكم والتقيم وشكراً . [/COLOR]

[معاذ نشأت]

هههههههههههههههه
حلوة بس بلاش مواقف مقرفه أحسن :-d

[معاذ نشأت]

انا بقي الموقف اللي كل لمه افتكره أضحك هو
كنت مره مع اصحابي بنتمشي علي البحر ودخلنا شاطئ سان ستيفانو وهو كان لسه مخلصش ساعتها
المهم لقينا الامن بيطلع الناس وجاي يطلعنا كده رزاله قمنا احنا غلسنا وفضلنا ندخل تاني من وراه لغايه لما لقيناه دخل الكابينه بتاعته وطالعلنا بكلب حراسه وسابه علينا كان ساعتها بيجري علينا من بعيد
انا قولتلهم منحريش ونثبت عشان ميجريش ورانا ويجبنا من ضهرنا
فوقفنا والكلب عمال يقرب ويقرب واحنا خوفنا بس فضلنا ثابتين
لغايه لما خبط فينا كأننا بولنج وفرقنا وكل واحد طلع يجري
بس مش عارف ليه مسك فيا انا وساب الباقي فضل يجري ورايا وانا اجري كنا علي الرمله والجري كان صعب لغايه لما سابني اعدت اخد نفسي بعد كده لقيت كلب تاني جاي من بعيد بقي يجري ورايا والتاني يحلق عليا
لغايه لما طلعت علي البلوكات قام سايبني هههههههههه الي مدايقني بس اصحابي الانذال ولا حد ساعدني كله هرب

[كريم الرجحى]

المشاركة الأصلية كتبت بواسطة معاذ نشأت

هههههههههههههههه
حلوة بس بلاش مواقف مقرفه أحسن :-d

ماشي ياعم مع انك ملك الحاجات دي بس بلاش افضح

[كريم الرجحى]

المشاركة الأصلية كتبت بواسطة معاذ نشأت

انا بقي الموقف اللي كل لمه افتكره أضحك هو
كنت مره مع اصحابي بنتمشي علي البحر ودخلنا شاطئ سان ستيفانو وهو كان لسه مخلصش ساعتها
المهم لقينا الامن بيطلع الناس وجاي يطلعنا كده رزاله قمنا احنا غلسنا وفضلنا ندخل تاني من وراه لغايه لما لقيناه دخل الكابينه بتاعته وطالعلنا بكلب حراسه وسابه علينا كان ساعتها بيجري علينا من بعيد
انا قولتلهم منحريش ونثبت عشان ميجريش ورانا ويجبنا من ضهرنا
فوقفنا والكلب عمال يقرب ويقرب واحنا خوفنا بس فضلنا ثابتين
لغايه لما خبط فينا كأننا بولنج وفرقنا وكل واحد طلع يجري
بس مش عارف ليه مسك فيا انا وساب الباقي فضل يجري ورايا وانا اجري كنا علي الرمله والجري كان صعب لغايه لما سابني اعدت اخد نفسي بعد كده لقيت كلب تاني جاي من بعيد بقي يجري ورايا والتاني يحلق عليا
لغايه لما طلعت علي البلوكات قام سايبني هههههههههه الي مدايقني بس اصحابي الانذال ولا حد ساعدني كله هرب

ياه الكلاب بنت الإيه ديه عملتها معايا برده
يلاحظك حلو انك موقعتش من البلوكات

[كريم الرجحى]

يلا ياجماعة حد يشجعني ولا مفيش نكت خالص. :-(

[كابتن محمود دياب]

ده موضوع من مواضيعى كنت كاتبه فى مسابقة للقصص الفكاهية
يارب يعجبكم

يوم فى حياة كل واحد فينا يوم فى حياتك يوم فى حياتى يوم فى حياتكم تعالو كده نجرب نشوف الدنيا عامله ايه ونسرق يوم من حياتنا وفى فسحة نقضيه
صحيت الصبح من النوم الشمس جميلة والهواء حلو والجو يساعد على الخروج لبست واتشيكت كده وخرجت من البيت ركبت العربية ونزلت مصر حبيت اغير جو كده وصلت الموقف ونزلت اتمشى فى شوارع لاانا عارفها ولا حتى دخلتها قبل كده الناس عادتها غريبة وافعالها اغرب وبابص جنبى لقيت بنت زى القمر سبحان من صور جمالها وبابص لقيت صرصار ماشى وراها البنطلون نازل لنص وسطه وشعره كله معقد وياه على فاترينة السلاسل الى فى رقبته وماشى وراها يعكسها ويقولها كلام سوقى مايتقلشى وتقوم الشهامة وخدانى وطبعا علشان البنت جميلة واروح اقوله مش عيب عليك كده ايه الى بتعمله ده لقيت صوت ناعم جاى من ورايا بيقولى وانت مالك صاعقة نزلت عليها وانا باسمع كلامها وهى بتقول ماتسيبه هو عاملك حاجة سيبته وقفايا بيامر عيش وعلى راى عم صلاح جاهين اعجب ماتعجب كل شىء له عجب المهم كملت طريقى وانا بحاول انسى نفسى الى حصل وبابص على الفاترين الكبيرة وانا ماشى وباشوف اسعار غريبة ايه ده بنطلون 300 جنيه قميص 200 جنيه الله يرحمك ياجدى كان زمان زمان يعنى ايام الجنيه الكبير ده الى كانو يطلقون عليه الجنيه الجبس لانه كان صعب انه يتصرف كان جدى ينزل بالجنيه يشترى بدلة لبابا وفستان لماما وبدلتين ليه وهدوم المدارس لينا وجلبيه لتيته وفستان لعمتو ويرجع ومعاه 60 قرش باقى ياه على ايام زمان عمرها ماترجع تانى ايه ده لمحت عربية فول وانا واقع من الجوع تمام قوى روحت وقفت فى الطابور واخدت دورى اخدت الطبق بتاعى وقعدت لقيت فى صوت جنبى التفت اشوفه ورجعت تانى بابص مالقتشى طبق الفول اتمسح بابص جنبى لقيت غوريلا قمت من سوكات جبت طبق تانى وحطيته قدامى بالتفت اجيب رغيف عيش مالقيتهوش قمت باصيت للى جنبى كده وقلتله حضرتك ماشفتش طبق الفول الى ... ويارتنى ماسالت بلاعة اتفتحت فى وشى وحلفلى بايمنات الدنيا وحلفانات غريبة كده والمصيبة وشه كله متلحوس فول قمت بعد مافطرت الفطار الى مافطرتهوش وانا باتمشى لقيت دش ميه ساقع نازل عليا بابص فوق لقيت واحدة واقفة فوق وبتقولى لامؤاخذه ياخويا دى مايه نضيفه مية حموم حمادة تقولشى مية زمزم وقفت فى الشمس شوية على ما نشفت ولقيت الجو قرب يليل روحت الموقف وركبت اتوبس كان زحمة لكن ماكنشى فيه غيره قدامى قعدت واقف طول السكة ولقيت بنت من الى بيقولو عليه موزة صاروخ جت لزقت جنبى وقالتلى سورى يالهوى عالرقة مش معقول فرحت قوى وطول السكة هى لازقة فيا نزلت من الاوتوبيس وانا مش عايز انزل خالص نزلت فى الموقف بتاع العربيات الى بتودينى بلدى روحت اشترى شوية لب وباحط ايدى فى جيبى مالقتش المحفظة اهههههههههه افتكرت الاوتوبيس قعدت استغفر ربنا واقول يارب سامحنى ده جزائى اتصلت باخويا جه خدنى وروحت بلدنا وطلعت بيتنا ومن بعدها حلفت توبة ماخرج من بيتى تانى على الاقل لوحدى
يارب يكون عجبكم الموضوع

[كريم الرجحى]

المشاركة الأصلية كتبت بواسطة كابتن محمود دياب

ده موضوع من مواضيعى كنت كاتبه فى مسابقة للقصص الفكاهية
يارب يعجبكم

يوم فى حياة كل واحد فينا يوم فى حياتك يوم فى حياتى يوم فى حياتكم تعالو كده نجرب نشوف الدنيا عامله ايه ونسرق يوم من حياتنا وفى فسحة نقضيه
صحيت الصبح من النوم الشمس جميلة والهواء حلو والجو يساعد على الخروج لبست واتشيكت كده وخرجت من البيت ركبت العربية ونزلت مصر حبيت اغير جو كده وصلت الموقف ونزلت اتمشى فى شوارع لاانا عارفها ولا حتى دخلتها قبل كده الناس عادتها غريبة وافعالها اغرب وبابص جنبى لقيت بنت زى القمر سبحان من صور جمالها وبابص لقيت صرصار ماشى وراها البنطلون نازل لنص وسطه وشعره كله معقد وياه على فاترينة السلاسل الى فى رقبته وماشى وراها يعكسها ويقولها كلام سوقى مايتقلشى وتقوم الشهامة وخدانى وطبعا علشان البنت جميلة واروح اقوله مش عيب عليك كده ايه الى بتعمله ده لقيت صوت ناعم جاى من ورايا بيقولى وانت مالك صاعقة نزلت عليها وانا باسمع كلامها وهى بتقول ماتسيبه هو عاملك حاجة سيبته وقفايا بيامر عيش وعلى راى عم صلاح جاهين اعجب ماتعجب كل شىء له عجب المهم كملت طريقى وانا بحاول انسى نفسى الى حصل وبابص على الفاترين الكبيرة وانا ماشى وباشوف اسعار غريبة ايه ده بنطلون 300 جنيه قميص 200 جنيه الله يرحمك ياجدى كان زمان زمان يعنى ايام الجنيه الكبير ده الى كانو يطلقون عليه الجنيه الجبس لانه كان صعب انه يتصرف كان جدى ينزل بالجنيه يشترى بدلة لبابا وفستان لماما وبدلتين ليه وهدوم المدارس لينا وجلبيه لتيته وفستان لعمتو ويرجع ومعاه 60 قرش باقى ياه على ايام زمان عمرها ماترجع تانى ايه ده لمحت عربية فول وانا واقع من الجوع تمام قوى روحت وقفت فى الطابور واخدت دورى اخدت الطبق بتاعى وقعدت لقيت فى صوت جنبى التفت اشوفه ورجعت تانى بابص مالقتشى طبق الفول اتمسح بابص جنبى لقيت غوريلا قمت من سوكات جبت طبق تانى وحطيته قدامى بالتفت اجيب رغيف عيش مالقيتهوش قمت باصيت للى جنبى كده وقلتله حضرتك ماشفتش طبق الفول الى ... ويارتنى ماسالت بلاعة اتفتحت فى وشى وحلفلى بايمنات الدنيا وحلفانات غريبة كده والمصيبة وشه كله متلحوس فول قمت بعد مافطرت الفطار الى مافطرتهوش وانا باتمشى لقيت دش ميه ساقع نازل عليا بابص فوق لقيت واحدة واقفة فوق وبتقولى لامؤاخذه ياخويا دى مايه نضيفه مية حموم حمادة تقولشى مية زمزم وقفت فى الشمس شوية على ما نشفت ولقيت الجو قرب يليل روحت الموقف وركبت اتوبس كان زحمة لكن ماكنشى فيه غيره قدامى قعدت واقف طول السكة ولقيت بنت من الى بيقولو عليه موزة صاروخ جت لزقت جنبى وقالتلى سورى يالهوى عالرقة مش معقول فرحت قوى وطول السكة هى لازقة فيا نزلت من الاوتوبيس وانا مش عايز انزل خالص نزلت فى الموقف بتاع العربيات الى بتودينى بلدى روحت اشترى شوية لب وباحط ايدى فى جيبى مالقتش المحفظة اهههههههههه افتكرت الاوتوبيس قعدت استغفر ربنا واقول يارب سامحنى ده جزائى اتصلت باخويا جه خدنى وروحت بلدنا وطلعت بيتنا ومن بعدها حلفت توبة ماخرج من بيتى تانى على الاقل لوحدى
يارب يكون عجبكم الموضوع

هههههههههههههههه موضوع جميل يستحق التقيم
ولا احلي حاجه بتاعت حموم حماده هههههههههه.
الف شكر على مرورك الكريم