استفسار بخصوص الكرال!!!!!

[adel152]

المشاركة الأصلية كتبت بواسطة mahmoud@sniper

السلام عليكم يا اغلى اعضاء فى احلى منتدى .....
انا بس ليا سؤال بيلح عليا من فترة :
هو ليه معظم البنادق اللى الاعضاء بتبيعها و غالبا بتكون كسر زيرو بتكون (كرال)؟؟؟
طيب هل فيها اى عيوب بتظهر بعد ما الواحد يشتريها و بكده يحس انه لبس البندقية فبيحاول يبيعها ؟؟
او جودتها لا تليق مع سعرها ولا ايه حكايتها بالظبط ؟؟

استاذ محمود بعد التحية.
سؤال حضرتك ده اتجاوب عليه فى المنتدى أكثر من مرة.
البندقية الكرال بتحتاج بعد التعديلات البسيطة عند شرائها جديدة واهم تعديل هو تغيير سوستة البندقية الاصلية بسوستة اسبانى اصلى بتاعة الجامو. تغيير السوستة بيفرق كثير مع البندقية الكرال.
فى ناس كثير اشترت البندقية وماعرفتش تتعامل معاها وفى ناس كثير اشتروا البندقية وبيعملوا بيها احلى شغل فى البر والبحر (بيصطادوا بيها سمك كمان).
لازم يكون فيه توافق وتألف بين الصياد وبندقيته وده بيفرق كثير جدا. البنادق الهاى بور بيبقى ليها رد فعل أقوى من البنادق المتوسطة وده بيحتاج بعض الخبرة للتعامل مع البندقية (هنا الخبرة بتلعب دور كبير).
صدقنى المشكلة مش فى البندقية المشكلة مين هيستعملها وانا أتعلمت حاجة من الخبراء فى هذا المنتدى ان الصيد %70 صياد و%30 بندقية.
لو راجعت المواضيع الموجودة فى المنتدى هتلاقى ناس بتعمل أحلى شغل ببنادق بسيطة زى الرمسيس أكثر من بعض الاعضاء اللى معاهم ديانا او بى اس.

بالنسبة لجودة خامات الكرال من وجهة نظرى تعتبر ممتازة مقارنة بسعرها (لكن برجاء عدم مقارنتها بالبنادق الاسبانى او الالمانى او الانجليزى مثلا).

ده اكثر حاجة أقدر أقولها لحضرتك بأختصار لكن يوجد مواضيع كثير عن الكرال فى المنتدى أكثر من اى بندقية اخرى لو قرأت جميع المواضيع هتقدر تلاقى أجابات اكثر من كده وبالتفصيل.
تحياتى.