Desert eagle أسرع وأروع وأخطر مسدس تم تصنيعه في العالم

[mr vigo]

أسرع مسدس في العالم

يعتبر مسدس (نسر الصحراء) DESERT EAGLE أسرع وأروع وأخطر مسدس تم تصنيعه في العالم حيث أنه مصنّع من معادن عالية الصلابة مما يجعل حركته سلسة أولاً وثانياً يبقى متماسكاً رغم استخدامه وإن طال به الزمن ... وذلك لأنه غير قابل للتآكل بسبب الاحتكاك .... ولطول ( السبطانة) فائدة قصوى في ثبات التصويب وطول المدى ....
يعمل على طلقات 9 مم و عيار 37 ....
الجدير بالذكر أن هذا المسدس صنع بأمريكا وقام الكيان الصهيوني بتطويره بواسطة شركة uzi للصناعات الحربية ...

وهذه بعض الصور لهذا المرعب








بصراحه انا حاسس من قوته ممكن يعمل ارتداد قوي جدا

[Consul]

إمممممممممسك....ولا مرعب ولا حاجة...ومعلش بقي...بالرغم من إنك جواهرجي وخبير...لكن على رأي المثل...ما يقعش إلا الشاطر...وأول واحد في مجموعتك يطلع فالصو يا باشا...وإنت ذكرت هذا بنفسك وقلته...هو ليس بتطوير...بل تصميم وإنتاج وتصنيع إسرائيلي بالكامل...وهذه دعاية ( Propaganda ) للترويج لا أكثر كعادة هذا الكيان...وهناك أسماء وماركات عالمية أكثر منه دقة ومتانة وعراقة...وعلى كل نحن لا نروج ولا نشجع أي منتجات أو أي شئ لهذا الكيان الطفيلي المغتصب المحتل...حتى لو قطعة ألماظ حر...تغور من وشهم...ماله طبق الفول بالزيت الحار والليمون وقرصين الطعمية ورغيف عيش ناشف...زي الفل...نعمة ربنا يديمها علينا...خالص تحياتي...

[mahmoud el masry]

للعلم بس الى اتعرف عن المسدس دة مجرد ترويج للمنتج القذر دة ولهو سريع ولا حاجة امال التوكاريف ولا الجلوك 17 والحجات الحلوة دى ويجيب السرعة منين اذا كانت ردة فعلة غاية فى القوة !!!والله كل دة ترويج وكلام فارغ ولمهو حلو كدة كات امريكا ولا المانيا ولا اى دولة خلتو السلاح الرسمى بتعها او حتى اعادت انتاجة وللعلم احسن سلاح الروسى ويلية الالمانى

[mr vigo]

المشاركة الأصلية كتبت بواسطة consul

إمممممممممسك....ولا مرعب ولا حاجة...ومعلش بقي...بالرغم من إنك جواهرجي وخبير...لكن على رأي المثل...ما يقعش إلا الشاطر...وأول واحد في مجموعتك يطلع فالصو يا باشا...وإنت ذكرت هذا بنفسك وقلته...هو ليس بتطوير...بل تصميم وإنتاج وتصنيع إسرائيلي بالكامل...وهذه دعاية ( propaganda ) للترويج لا أكثر كعادة هذا الكيان...وهناك أسماء وماركات عالمية أكثر منه دقة ومتانة وعراقة...وعلى كل نحن لا نروج ولا نشجع أي منتجات أو أي شئ لهذا الكيان الطفيلي المغتصب المحتل...حتى لو قطعة ألماظ حر...تغور من وشهم...ماله طبق الفول بالزيت الحار والليمون وقرصين الطعمية ورغيف عيش ناشف...زي الفل...نعمة ربنا يديمها علينا...خالص تحياتي...

انا معاك 100% يا سيادة القنصل
وفعلا كل اللي منهم يغور
لكن تخيل انه فيه رياضه بتاعتهم اسمها الكراف ماجا
ده اسلوب اخترعه جنرال اسرائيلي ورغم اننه قوي جدا وعنيف لانه قتال شوارع
الا اني بكرهه جدا رغم ان فيه شباب عربي بقت تبدأ تلعبه
لكن كل اللي منهم يغور من وشهم
وعلى سيرة الطعميه جوعتني اقوم اجري لطبق الفول المصري الجميل والطعميه العشريه
هههههههههههه

[mr vigo]

المشاركة الأصلية كتبت بواسطة mahmoud el masry

للعلم بس الى اتعرف عن المسدس دة مجرد ترويج للمنتج القذر دة ولهو سريع ولا حاجة امال التوكاريف ولا الجلوك 17 والحجات الحلوة دى ويجيب السرعة منين اذا كانت ردة فعلة غاية فى القوة !!!والله كل دة ترويج وكلام فارغ ولمهو حلو كدة كات امريكا ولا المانيا ولا اى دولة خلتو السلاح الرسمى بتعها او حتى اعادت انتاجة وللعلم احسن سلاح الروسى ويلية الالمانى

فعلا يا محمد انا اكتشفت انها مجرد دعايه من الاعلام بتاعهم
وكذبهم مالوش اخر طول العمر

الجلوك برقبة امه

:d

[Consul]

المشاركة الأصلية كتبت بواسطة mahmoud el masry

للعلم بس الى اتعرف عن المسدس دة مجرد ترويج للمنتج القذر دة ولهو سريع ولا حاجة امال التوكاريف ولا الجلوك 17 والحجات الحلوة دى ويجيب السرعة منين اذا كانت ردة فعلة غاية فى القوة !!!والله كل دة ترويج وكلام فارغ ولمهو حلو كدة كات امريكا ولا المانيا ولا اى دولة خلتو السلاح الرسمى بتعها او حتى اعادت انتاجة وللعلم احسن سلاح الروسى ويلية الالمانى

بارك الله فيك أخي الحبيب...وعلى رأيك...ومصداقا لقولك...الأمريكان بجلالة قدرهم وأسلحتهم المرعبة في حربهم وغزوهم لفيتنام ألقوا من أيديهم الـ m16 الرهيب وإستولوا من الأهالي على الـ ak 47 ( الكلاشنكوف الروسي ) حتى يستطيعوا أن يحموا أنفسهم ويقدروا ينسحبوا من فيتنام...وفي هذا السياق لا ننسى أبدا الهيكلر والروم والوالتر والماوتسر الألماني ولا البراونينج والـ fn البلجيكي ولا الجلوك والستاير النمساوي ولا السيج ساور السويسري ولا الـ feg المجري ولا البريتا الإيطالي ولا الأركوس البلغاري ولا الأسترا والستار الأسباني...ولا التوروس البرازيلي...كثير وكثير إلخ إلخ...خالص تحياتي...

[Consul]

المشاركة الأصلية كتبت بواسطة mr vigo

انا معاك 100% يا سيادة القنصل
وفعلا كل اللي منهم يغور
لكن تخيل انه فيه رياضه بتاعتهم اسمها الكراف ماجا
ده اسلوب اخترعه جنرال اسرائيلي ورغم اننه قوي جدا وعنيف لانه قتال شوارع
الا اني بكرهه جدا رغم ان فيه شباب عربي بقت تبدأ تلعبه
لكن كل اللي منهم يغور من وشهم
وعلى سيرة الطعميه جوعتني اقوم اجري لطبق الفول المصري الجميل والطعميه العشريه
هههههههههههه

ما أعطلكش حبيب قلبي...فوول التانك وتعالي...لا نملك إلا أن ننحني ونرفع القبعة لطبق الفول المصري الحبيب وقرصين الطعمية السخنين...بألف هناء وشفاء...ما تنساش الطحينة والليمون...وقرنين فلفل حامي مع فحل بصل أخضر...خالص تحياتي...

[mahmoud el masry]

انا بفكر فيها اية لو نشجع منتجات بلدنا ونطورها لي ميكونش بيننا كلاشنكوف وعلى فكرة مصنع 54حربى بينتج حجات كويسة كتير والمصريين مخهم نضيف جدا جدا بس نقصهم الفرصة وان حد يشجعهم لان مع الاسف احنا فى بلدنا مواهب مدفونة كتير ومع الاسف الشديد كتير من العلماء المصريين بيترموا فى احضان الدول الى بتديهم فلوس (دة مش تعميم)مع العلم ان فى مصريين كتير فادوا مصر ذى مجدى يعقوب والله راجل يستاهل السلامة فاد بلدة واهلها ومستناش مقابل

[mohamednagy39]

انا نفسى أشوف مصر مصنعة حاجة حلوة مثل الجلوك أو الهكلر أو جميلة مثل البريتا و لمن للأسف الحلوان سيء جدا فى الإعتماد علية و تقفيلة سيئ و كذلك أيضاً الشكل العام أتمنى أن اكون فخورا ببلادى فى كل المجالات و تحياتى إلى كل الأعضاء و أخص بالذكر منهم سيادة القنصل و شكرا للجميع

[كريم الشامي]

اللهم انصر المسلمين وأعزهم بالقوة و الايمان

انا أول مبدأت اتعرف علي السلاح عجبني اوي شكل الديزرت ايجل بس محدش يتصور لما قريت الكتابة اللي عليه
( جيش اسرائيل ) حسيت بألف رصاصة بتدخل قلبي لان اكيد اضرب بيه علي اخوانا الفلسطنين واصبحت بكرة حتي سماع اسمو ربنا يبارك في الحلوان قصاد مليون ديزرت ايجل !