سؤال عن الكرال التركي

[basemzero]

انا هقولك اللى انا اعرفو لانى بردو مش خبير قوى فى البنادق....
بالنسبة للبام هى اقوى من الكرال بس دة ميمنعش ان الكرال قوية بس البام 290 m/s فى عيار 5.5 على ما اتذكر يعنى عنيفه قوى
بالنسبه للخامات بيقولو ان البام خاماتها انضف مع العلم ان انا معايا كرال بنى دبشك فيبر وشايف ان خامتها جيدة جدا
و هى المفروض دفعة ثانية فرز اول انا جبتها يوم 20 فبراير
عيب السوسته ده بقى معرفش اتعدل ولا ومقدرش احكم لانها معايا بقالها اقل من شهر
بس المشكله اللى انا شايف انها ممكن تفرق معاك ان البام ليها رد فعل عالى نسبيا نظرا لقوتها و اعتقد وزنها تقيل شوية دى بردو ممكن تفرق معاك
بالنسبة لفك البندقية..ده شئ مش هيضر البندقية لو تم بطرقه محترفة يعنى وديها لشخص يكون فاهم عشان يعرف اية الاماكن اللى تتزيت واللى تتشحم و الزيت المناسب.
اخيرا بقى..انت لو عاوز تقرر انهى بندقيه هتشترى من الافضل انك تجرب الاتنين بنفسك مع اى احد من اصدقائك تكون معاه ولو مفيش ياسيدى جاهز بالكرال تجربها فى اى وقت ناقص بس تشوف حد معاه البام