طلعة النهارده ( كنت هاروح فى داهيه )

[ahmedafefy]

المشاركة الأصلية كتبت بواسطة القبطان المصرى22

السلام عليكم ورحمة الله وبركاته
الموضوع اللى هاحكيه ده مش فلم هندى ولا فلم خيال علمى
ده حصل معايا بجد النهارده
هما موقفين حصلو معايا
طبعا انتو عارفين انى لسه شارى الجامو رويال من يومين
وخرجت بيها النهارده للتجربه
صحيت الساعه 5
اخدت معايا ( سمو الاميره ) وده اسمها ان شاء الله

وعلبة رش ديابلو هوبيرتوس المانى

وخرجت قاصد قريه فى الكيلو 68 مصر اسكندريه صحراوى
وبدأت صيد وانا ايدى بتترعش وقلقان احسن البندقيه تكسفنى
وبالفعل ضربت حوالى 7 رشات فى الاول مجبتش منهم غير يمامه
بدأت اشك فى نفسى شويه
وفى البندقيه شويه
لكن اصريت انى اكافح واكمل للنهايه
مسكت البندقيه ظبطت نشانها من اول وجديد
وبدات صيد وجربت الاول على عصفورتين عشان ارضى غرورى
وبالفعل الحمد لله جبتهم الاتنين من مسافة 14 متر و11 متر
كده بدأت اطمن شويه
.وقمت داخل على المعركه وعد ياريس بقى من هنا ورايح جثث عماله تقع شمال ويمين
هههههههههههههههههههه
وكلللللللللل الاصابات الرشه بتخترق الطريده والخروج من الناحيه التانيه
ومعظم الطلقات بتصفر وعامله صوت وهى فى الجو
وبسم الله ماشاء الله مسافات كبيره باضرب عليها
نيجى بقى للمواقف
الموقف الاول
فجأه لقيت يمامه بعيييييييييييييد اوى على الارض وبينى وبينها طريق وترعه وهى بعد الترعه بمسافه كبيره اوى
ومعرفش يا اخويا انا جبت الجبروت و الثقه دى كلها منين
وقمت معمر ونشنت وركزت جامد
وضربت
اتقلبت مكانها
المسافه بقى كااااااااااااااااااااام؟؟
67 متر وشويه
اه والله
واوبن سايت بدون منظار
والمشكله انها كانت على الارض يعنى اصعب بكتيييييييييييير اوى من اللى بتبقى واقفه على ارتفاع
مبقتش مصدق طبعا
وخصوصا ان اكبر مسافه جبت فيها اوبن سايت قبل كده كانت 53 متر
المهم
الموقف التانى
وبعد مالفيت القريه شارع شارع وزنجه زنجه على راى الشاعر الكبير معمر القذافى
قمت طالع على مكان مهجور بعد القريه بشويه كده
لقيت شوية هيش ( اشجار الطرفه ) ارتفاعها حوالى مترين بس كان طالع وسطهم هيش كتير وكانو مضلمين خالص ومش شايف النحايه التانيه وراهم
وكان واقف علي الطرفه والهيش جوز يمام
وكان فيه قريب منهم على بعد حوالى 30 متر عشه قديمه كده
لكن المكان مهجور مفهوش صريخ ابن يومين
قعدت اتسحب اتسحب لغاية ماوصلت للعشه دى واستخبيت وراها
وقمت معمر ومسمى
طبعا انا فى مكان مهجور يعنى واثق ان مفيش حد
وقمت منشن على يمامه منهم
وطااااااااااااخ
اليمامتين طارو
واتفجأت بواحد طالع يجرى طياره من ورا الهيش الناحيه التانيه وقالع البنطلون لغاية ركبته وماسكه بأيده وبيجرى
انا شفت المنظر كان هايغمى عليا من الخضه
وقلت لنفسى اكيد الرشه صابته
المهم بعد ماجرى حوالى 20 متر كده الناحيه التانيه اتلفت وراه وشافنى
وقالى حرام على اهلك كنت هاتموتنى يا............. وشتمنى
بس انا طبعا عشان مخضوض عليه والموقف كان مقلق حاولت اهديه وقلتله اهدى بس براحه فى حاجه جت فيك ؟؟ قال دى كانت هتخرم عينى
قلتله وانت بتعمل ايه هنا ياريس انا باصطاد والمكان مهجور
قالى انا كنتت باعمل حمام ولقيت الطلقه معديه من فوق ودنى الشمال بالظبط لدرجة ان الهوى بتاع الطلقه خبط فى ودنى سورنى وكان صوتها وحش
انا سمعت كلمة باعمل حمام دى وتخيلت منظره وهو بيجرى ومقدرتش امسك نفسى من الضحك والقهقهه
هههههههههههههههههههههههههه
قالى انت كمان بتضحك
والله انا ودنى لسه بتصفر لغاية دلوقت
اتارى المعلم كان بيصطاد سمك فى ترعه قريبه وجه هنا عشان يعمل حمام
وكان وشه وهو بيعمل حمام ناحيتى وانا باضرب
حظه بقى
اتعرفنا مع بعض وشرب ميه ساقعه من معاياا وسلمنا على بعض ومشينا
بس كل مافتكر منظره وهو طالع يجرى وقالع البنطلون افطس من الضحك
ههههههههههههههههههه
لكن حمدت ربنا طبعا انها مجتش فيه
كان زمانى مشرف فى الحبس
كده اطمنت على ( سمو الاميره )
ودى بيانات المجزره
قصدى الحصيله
33 الاجمالى
13 حمامه
15 يمامه
3 غراب
2 عصفوره
وفيه تلات حمامات ويمامتين معرفتش اجبهم
وبسم الله ماشاء الله على البندقيه
هاسيب الصور تتكلم عنها





وادعولى بالله عليكو ربنا يباركلى فى سمو الاميره وتفضل دايما كده مرزقه زى كايداهم الله يرحمها
هههههههههههههههههههههه
سلامى لجميع احبابى واصحابى القناصين

ماشاء الله حصيله جميله