عايز اعرف رايكم فى موضوع كدة

[دكتور/عادل]

المشاركة الأصلية كتبت بواسطة ابن الوطن

حبايبى واصحابى عاملين اية جميعا وانشاءالله مصر هتكون بخير

والموضوع اللى انا عايز اعرف رايكم فية هو كالاتى

انا لية اختى كانت بتدرس تمريض واتخرجت سنة 2002 وبعد سنة من تخرجها جالها فرصة انها تسافر السعودية تشتغل ممرضة فى مستشفى فى مكة المهم سافرت وقعدت 3 سنين ورجعت

المهم هى بقة اتجوزت سنة 2009 ودلوقتى معاها ولد وبنت وعايزة تسافر تانى وطبعا لازم جوزها وولادها هيسافروا معاها وهى مصممة على كدة وكل لما تسال فى مكتب سفريات لدولة عربية يرفضوا ويقولولها لازم تسافرى انتى لوحدك المهم مش هطول عليكم واخيرا فية ثلاثة اربع دول وافقوا على انها تسافر ويكون معاها جوزها وولادها مش هتفرق معاهم والدول دية هى

ايران _ افغانستان _كينيا _ واخيرا السودان

فكنت عايز اعرف منكم انهى احسن واحدة فى الدول دية من حيث المرتبات والاستقرار والامن

وشكرا

اخى الحبيب كل ده كلام موش جايب همه خليها تسافر السعوديه بس عن طريق مكتب التوظيف السعودى وليس عقد خاص للاتى:
اولا مرتبها ببدل الندره لن يقل عن 5000 ريال اى حوالى 9000 جنيه
ثانيا بالعقد الحكومى من حقها استقدام الزوج والاولاد
ثالثا وده الاهم المكان مستقر وساعات العمل محدده وقريبه لمصر وفرصه جيده لاداء الحج والعمره
لا تجعلها تحت رحمه العقود الخاصه او مكاتب السفريات التى في اوقات كثيره تكون عباره عن واجهه لنصب واحتيال مكتب التوظيف لن ياخذ قرش واحد وعم في حاجه للتمريض