الكناس منجم احسن ولا ايكول جاكال

[amrhady]

المشاركة الأصلية كتبت بواسطة mando alex

شكرا يا عمرو علي المعلومات وانا فعلا هجيب الكانس بس انا عاوز اعرف ايه الفرق بين الصورتين مع العلم الاتنين فردي مش الي

بص ياباشا الفرق إن الصورة التانية قديمة وللإصدار التاني والكتابة اللي عليه بالشكل اللي انت شايفه في الصورة وهو آلي للعلم (عذرا تصحيح معلومة) لأن أنا عندي بقية مجموعة الصور دي وفيها صورة المسدس ده من الجنب التاني وفيه مفتاح تغيير الاوضاع فردي وآلي وأبقى ابحث عليهم على جوجل صور معلش لأني والله ماعرفش أرفع الصور أما الصورة الأولى أحدث وللإصدار الثالث وهو النوع الفردي زي اللي معايا بالكتابة اللي عليه بالشكل اللي في الصورة سواء فردي أو آلي لأني شفت الآلي في العتبة ووسط البلد بنفس الشكل فرق المفتاح لتغيير الأوضاع فقط وأصلا الصورة دي متاخدة من محل أبوسيف للصيد البري وهو معندوش الآلي بس ممكن يجيبهولك وعلى فكرة هو ده أغلب اللي موجود في السوق وهو ممتاز وفينيشه نضيف وجامد ووالله الآلي حبيب قلبي ملوش ثلاثة لازمة لأنه زي مقلتلك أعطاله أكثر ومستهلك للطلقات والفلوس ومفقوس لأن عمره وانا فاهمك بتفكر في ايه إن صوته يبقى زي البندقية الآلي عمره ماهايكون بنفس الصوت لأنه بيضرب بسرعة قوي والكلاشينكوف مش كده بل أبطأ ومش هايفيدك في البلي بالعكس إن البلي محتاج النوع الفردي مهما كان نوع طبة البلي او الصوت أو تعديلها لأنك بتركب حاجة مش في مكانها أصلا ومن الآخر زي عملية التجميل الغير مضمونة أو زي ماتقلبه حي وده قمة الفشل في التركيب في غير المكان مهما كان اللي هايصنعه محترف أسلحة... وبرضو هتلاقي صور على النت للإصدار الأول الحفر وده مش هتلاقيه وهو كان بيبقى مقفول من قدام بمسمار بلاستيك وماسورته مخرومة في النص عشان تطلع النار بد من قدام لأنه إصدار أوروبي تقريبا...
وربنا يصلح الأحوال في البلد وماتحتجش البلي ووالله أنا فكرت في موضوع البلي برضو بس خفت ومازلت خايف ... لأني اتمسكت بالريتاي بارون اللي معايا ورجعته الحمدلله بعد 3 شهو و بيت ليلة حلوة في القسم والحمدلله ربنا سترها معايا... والواحد مابيتعلمش ببلاش ياصاحبي...
وبس والكلام مش هيخلص يازميلي في المواضيع دي...
وإن شاء الله ربنا يسترها علينا ويعطينا خير المسدسات الصوت والبلي ويكفينا شرهم...
ومعلش أنا راغاي أصلي أنا وحداني وأصحابي قليلين ومابصدق حد يكون هاوي الحاجة اللي بحبها وضامنها والضمان على الله ياصاحبي وأحب أفيد الناس معايا في كل كبيرة وصغيرة...