مسدسين جداد من شركة ايكول

[khaled . cena]

المشاركة الأصلية كتبت بواسطة mr_mody

استاذ هاوي معلش انا معرفش اسم حضرتك ايه !

من الواضح ان حضرتك اخدت فكره غلط علي تعليق الأستاذ خالد انه ممكن يكون مش عاجبه حاجه او مثلا الموضوع من الأساس مش عاجبه او انه داخل مثلا بقصد اي نيه يعني!

انا شفت انه كان بيقول رأيه يعني يقصد يقول ان مافيش تطور حصل للمسدسات و انها نفس اصدار الفولجا و التونا و الي اتغير بس الشكل و الشكل الفيبر ! فهو كان بيشارك برأيه فكان بيتكلم باللغه العاميه انه "مش حاسس ان حصل تجديد"

حضرتك مش شايف تعابير وجهه او صوته وانا لا اعتقد انه يعرفك شخصيا انه يدخل مثلا كان شايل منك في حاجه فقال ادخل ارخم عليه مثلا! هو كان كل الي يقصده انه كان بيعبر عن رأيه مش اكثر! فرد حضرتك كان aggressive شويه انك قلت " انا منزل الموضوع للعلم بالشي مش للأحاسيس"
حضرتك تسلم علي مجهودك الرائع ان حضرتك عامل الموضوع و حاطت فيديوهات و هو لا يقصد التقليل من شأن الموضوع ولا احد يقصد شيء

احنا هنا كلنا بنستفيد من بعض و كلنا بنتعامل مع بعض كأخوة و ماتفتكرش اني بعمل نفسي مصلح اجتماعي ولا حاجه انا بس كنت بعلق علي الحته دي ان ممكن حد يكون بيقول حاجه و علشان انت مش سامعها منه كا صوت او مش شايف تعابير وشه ممكن تفهم انه بيقولها مثل بيسخر او شيء و شكرا علي مجهودك و ارجو انك ماتضايقش من كلامي و تقبل مروري و فائق الأحترام

متشكر يا باشا على التوضيح . وانا فعلا كنت بتكلم عادى بس لقيت استاذ هاوى بيرد عليا بعصبيه شويه معرفش ليه .. و اسف لاستاذ هاوى لكون قولت حاجه زعلتو و انا مش واخد بالى