الريتاي اتش كية بتاعي اتكسر :(

[مورو]

المشاركة الأصلية كتبت بواسطة وليد سالم

بعد اذن الاساتذه السابق تعليقهم علي الموضوع

اولا : التاجر غير مسؤول مسؤلية تامة عن جودة خامة المنتج لانه لم يشرف علي خط التصنيع
وليس من المفترض ايضا انه يفك كل مسدس من علبتة وكيسة ويجربة ويفكة قطعة قطعة عشان يفتش فية
التاجر بيفتح العلب عشان يتطمن علي الحالة الخارجية فقط حتي لا يوجد بها كسر او شرخ في الجسم الخارجي وده بيحصل مع الكثير من التجار وانا شفت بنفسي بعض التجار بيفك كرتونة الطرد ويفتش علي كل قطعة فية ولكن من الخارج مع تجربة شد الاجزاء للاطمئنان علي الحركة الميكانيكية للمسدس

وده بينفي اي شبهة لكون التاجر يعلم بسوء حالة البضاعة ومع ذلك بيبيعها
والكثير من تجار المنتدي بيعملوا مرتجع لاي حاجة يتم الشك فيها ولكن عامل الوقت مهم في مبدأ الاستبدال

وبصراحة انا مش مقتنع اني لو اشتريت تيشيرت مثلا ولبستة 3 شهور اروح ارجعه للمحل عشان اتقطع واشكك في خامة القماش مثلا
ومن المتعارف علية ان مبدا الاستبدال او اعادة المشتريات في التوكيلات المعروفة في مصر مدتها 14 يوما ولا تتعدي شهر بالكتير ممكن 45 يوم في بعض الاماكن مش 3 شهور

ثانيا : من المتعارف علية ان جميع التجار بيجربوا المسدسات وقت البيع للعميل في المحل من شد اجزاء وتجربة الامان وخروج الفارغ وخلافة كما نعرف جميعا فلو كان في جسم المسدس اي شرخ كان اتلاحظ او حتي كان بان له اي رد فعل ملحوظ في ساعتها

ثالثا : كون ان التاجر عرض اعادة المبلغ لصاحب الشكوي فده شيئ يعبر عن مدي كرم ونبل واخلاق التاجر مع صاحب المشكلة كونة ليس ملزما بتقديم ذلك العرض بعد انقضاء مدة 90 يوم من تاريخ الشراء مع عدم معرفة ما هو سبب الكسر ( اهمال او تعرض للسقوط او عدم تنظيفة بعد الاستعمال فتعرض للاكسده في بعض الاجزاء سهلت عملية الكسر ... الله اعلم

بس انا عن نفسي يشرفني ان اتعامل مع هذا التاجر بعد ما صدر منه من كرم ونبل اخلاقة

واخيرا يا كيرو تخيل لو انك قمت واشتريت ولو حتي ( شبشب ) من محل وروحت بعد 3 شهور لصاحب المحل وعملت هلولة ادام المحل عشان ترجعه بحجة انه انقطع منك وانت ملبستوش غير 9 مرات مثلا ... تفتكر صاحب المحل والعمال اللي عنده ممكن يعملوا ايييييييييييه

بس ياعم وليد بالنسبه للتاجر مع حدوث الموقف دا من عدمه اعتقد ان فيه اجماع ان الراجل دا محترم ومعاملته زي الفل ودا امر مفروغ منه .

بس بالنسبه لكون التاجر اي تاجر يعني مسئول عن خامات المنتج فانا مش معاك في دي لأن التاجر لازم يكون مسئول مسئوليه تامه ادام الزبون عن الخامات وبعدين لما التاجر يكون مش مسئول امال مين اللي كون مسؤل الزبون والمفروض ان التاجر يفتح فعلا كل حته بضاعه ويفرزها قبل مايعرضها عنده دا الصح ودي الاصول .
انما المسئوليه الاكبر بتكون ع المستورد المحترم اللي بيبقى عارف فرز المنتج اللي معاه وبيغش التجار نفسهم ونا عارف ومتاكد ان المسؤليه مش مسؤلية التاجر , بس هو اللي بيبيع للزبون فتبقى مسئوليتة قدام الزبون وحصل ادامي اكتر من موقف بكون موجود فيه في محلات سلاح والبايع يجي يجرب المسدس قدام الزبون يلاقيه في مشكله وطبعا بيبقى شكله وحش قدام الزبون والزبون بيقلق من التعامل معاه فطبعا ياريت التاجر يجرب ويفحص المنتج اللي بيشتريه من المستورد علشان صورة ادام الزبون

مع العلم اني مكنتش اعرف ان الريتاي متباع من 3 شهور .

واحب اقول في نهاية البرنامج ان الواحد مابيتعلمش ببلاش والحمد لله الواحد فينا ياما كسب وياما خسر وهي دي الدنيا . والسلام عليكوا