مشكلة في نيشان ديانا 54

[وليد سالم]

لا اظن ان العيب في البندقية ولا اظن انه يوجد كلمة عيب في اي حاجة من اساسه بس ممكن جدا تكون اختلاف المسافات مع اختيار النوع المناسب للرش
واللي اعرفة ان اي بندقية بتيجي من بلدها بتكون متظبطه علي نوع معين من الرش هناك وبتكون تمام وعلي الشعره لكن طبعا لما احنا بنشتريها ما بنكونش عارفين هما ظبطوها علي اي نوع من انواع الرش هناك وطبيعي اننا بنغير النوع لنوع اخر له متغيرات كثيره عن رش تجربة البندقية وضبطها في بلدها فممكن ان تغيير نوع الرش ده يكون هو السبب الرئيسي ويجب عليك محاولة تظبيطها واقلمتها علي نوع رش موحد تستخدمه انت وحسب راحتك النفسية والرضي عنه
لان الرش مختلف في شكلة الظاهري ومختلف في وزنه وايضا ممكن يكون في اختلاف ايضا في منحني الرماية اذا اختلفت المسافات

بمعني اختار نوع معين من الرش واستمر علية وظبط عليه نشانك في مسافات مختلفة وجرب وشوف النتيجة ولو مستريحتش له جرب نوع اخر وظبط بردو علية لحد ما توصل لنتيجة مرضية انا بصراحة عملت كده لحد ما وجدت ان الماتش هو افضل رش لبندقيتي علي الاطلاق
واكيد في خبراء افضل هيفيدوك في الراي بخبرتهم افضل مني لاني بجاوب عليك باللي انا اتعلمته منهم